1 Samuweli 12:17 - Bhibhiliya Nya Guage

¹⁷ Ina olu khandri gikhati nya guvbwere tirigu, gani? Olu nyi na lombelela ga Pfhumu Nungungulu, a resa mabara ni ndzadzi. Khavbo mu na gu dzitigo ni gu wona wugulu nya gighoho gyanu mbeli ga Pfhumu Nungungulu, kholu mu nga lombani mufumeli.

1 Samuweli 12:17 Iomraidhean Croise

Dzindzimo 99:6

Mosi ni Aroni va diri vbakari nya vaphasi vawe nya mhamba, Samuweli moyo nya avo va nga rungudza lina laye, avo va di gu rana Pfhumu Nungungulu, uye a va hakha.

Ekisodha 32:30

Khu mindru gakone, Mosi a di ganela ga vathu, khuye: “Mu giride gighoho nya gikhongolo. Aholu, muhuno, nyi na gwela ga Pfhumu Nungungulu, gufela gukheni mwendro a gu dzina saye nyi naya dzi kodza gu hakha ditshedzo nya sighoho sanu.”

Mavingu 26:1

Gufanana ni thondrwane ya gu thega vbamarongatunu ni ndzadzi yiwago gikhatini nya guvbwere, kharato nugo gipumbu kha gi faneli gu zundzwa.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Josuwa 10:12

Litshigu Pfhumu Nungungulu a nga ningela Vaamori mandzani ga sanana sa Israyeli, Josuwa a di Embela Pfhumu Nungungulu vbakari ga vatshavbo va na Israyeli, khuye: “Uwe lidambo ema vbatshani ga Gibheyoni; ni uwe ngima, mikovani ya Ayijalomi.

1 Samuweli 12:13

gasi olu, mufumeli mu nga mu emisago ni gu mu lomba, khuye oyu; wonani nya gukhenu, Pfhumu Nungungulu a mi ningide mufumeli.

1 Samuweli 12:19

Vathu vatshavbo va di embela Samuweli, khavo: “Lombelela khu ethu sithumi sago ga Pfhumu Nungungulu wago; gasi hi sifi, kholu hi engedzedego sighoho sathu ni wuvivbi wathu, khu gu lomba mufumeli.”

1 Samuweli 2:10

Valala va Nungungulu va na pandreledwa; vbatshani gwawe, gu na pandra mabara khu ndzadzini. Pfhumu Nungungulu a na lamula mahegiso nya litigo; Uye a na ninga tshivba mufumeli waye, a na khusedza tshivba ya gihathwa gyaye.”

1 Samuweli 7:5

Samuweli a di engedza a ganela, khuye: “Tshanganisani va na Israyeli vatshavbo dhoropani ga Misipa, eni nyi na lombelela khu enu ga Pfhumu Nungungulu.”

1 Samuweli 8:6

Magana yaya kha ma tsakisa Samuweli, avbo va nga, khavo: Hi emisele mufumeli, gasi a hi fumela. Khu guralo, Samuweli a di lombelela ga Pfhumu Nungungulu.

1 Samuweli 8:7

Pfhumu Nungungulu, a di phindrula Samuweli, khuye: “Yingisa gilombo gya vathu ni satshavbo va gu embelago, kholu avo kha va kanyisa uwe, aholu va di kanyisa Eni, gasi nyi si fumi vbakari gwawe.