1 Samuweli 12:15 - Bhibhiliya Nya Guage

¹⁵ Aholu, mwa gumba yingisa lito la Pfhumu Nungungulu, mu hambana ni sileletelo saye, gyandza gya Pfhumu Nungungulu, gi na mi wugela kha nga idzo a nga wugelago khidzo vababe vanu.

1 Samuweli 12:15 Iomraidhean Croise

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Isaya 3:11

Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Gililo 1:18

Uye Pfhumu Nungungulu lulamide, aholu eni nyi di bomba sileletelo saye. Yingisani mwatshavbo enu mayigo, mu wona gutshaniseka gwangu. Dzimbiri ni madzaha yangu, va vbagedwe va yiswa wugumbitunu. Qof

Dhewuteronome 31:27

Kholu nyi ngu guti guyeyisa gwanu ni gu banga nya mihungo yanu; ambari nya gukhuwe nyi di bani nyi nga gu vbanya vbakari gwanu, enu mu kanyiside Pfhumu Nungungulu, ahati olu hwane nya gu bani nyi fude?

Josuwa 24:20

Mwa gu digani Pfhumu Nungungulu mu khozela vambe vanungungulu nya malipha, Uye a na vbindrugedza a mi girela guvivba, a mi mbembisa, hwane nya gu bani na mu girede silo nya sadi.”

Valamuli 2:15

Ni evbini va nga bani va dugela avbo, gyandza gya Pfhumu Nungungulu gi di va dwanisa, kha nga idzo a nga bani a va embede khidzo ni gu va sambanyela; tshanisa yawe yi diri yikhongolo.

1 Samuweli 12:9

Aholu, avo va di divaledwa khu Pfhumu Nungungulu wawe; khavbo avbo, uye a di va ningela mandzani ga Sisera, muthangeli nya nyimbi ya Hazori, ni mandzani ga Vafilisitiya, ni mandzani ga mufumeli wa Mowabhi, avo va nga va saselago.

1 Samuweli 5:9

Hwane nya gu bani va yi vbohiside iyoyo, mandza ya Pfhumu Nungungulu, ma di wugela lidhoropa lile; gu di dugelela dzimhango nya dzikhongolo ngudzu dzi sasela vathu va dhoropani mule, gukhugela nya vadugwane kala vakhongolo, vatshavbo va di dwala khu sithunya.