1 Samuweli 12:10 - Bhibhiliya Nya Guage

¹⁰ Va di lila ga Pfhumu Nungungulu, khavo: “Hi ghohide, kholu hi nga diga Nungungulu hi ya khozela vanungungulu nya Vabhahali ni sifananiso sa Asitaroti (nungungulu nya nyamayi), gasi olu, hi vbulugise mandzani ga valala vathu, hi na ta gu khozela.”

1 Samuweli 12:10 Iomraidhean Croise

Dzindzimo 106:44

Aholu, gikhati va nga lila, Nungungulu a di vapwa, ata va phasa musigaradzoni gwawe.

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Isaya 33:22

Aholu Pfhumu Nungungulu khuye mulamuli wathu, Pfhumu Nungungulu khuye muvegi nya nayo wathu, Pfhumu Nungungulu khuye Mufumeli wathu; khuye a na hi vbanyisago.

Josuwa 13:31

ni gipandre gya Gileyadhi, Asitaroti ni Edhireyi, madhoropa ya mufumo wa Ogi, tigoni ga Bhasani, aya ma di ningedwa sanana sa Makiri, mwamana wa Manasi, gipandre gya sanana sa Makiri, gukhedza khu mapango yawe.

Valamuli 10:10

Khavbo avbo, va na Israyeli va di lila ga Pfhumu Nungungulu va ganela, khavo: “Hi gu ghohede uwe, kholu hi digide Nungungulu wathu, hi khozela Vabhahali.”

Valamuli 2:11

Khavbo avbo, va na Israyeli va di gira guvivba mahoni ga Pfhumu Nungungulu, va khozela vanungungulu nya Vabhahali.

Valamuli 2:13

Va digide Pfhumu Nungungulu, va khozela Bhahali ni sifananiso sa Asitaroti.

Valamuli 3:15

Khavbo avbo, va na Israyeli va di lila gambe ga Pfhumu Nungungulu, uye Pfhumu a di va emisela mutshudzisi, a gu Ewudhi, mwamana wa Gera, nya lihundzu la Bhejami, mwama nya guthume khu nyambade. Va na Israyeli, va di rumela khu mandzani gwaye, miningelo nya guluve Egiloni, mufumeli wa na Mowabhi.

Valamuli 3:7

Va na Israyeli va di gira ugo guvivbidego mahoni ga Pfhumu Nungungulu wawe, va khozela Vabhahali ni sihuru sa Asitaroti.

Valamuli 3:9

Khu guralo, va na Israyeli, va di lila ga Pfhumu Nungungulu, uye a di va rumela mutshudzisi a ta va tshudzisa, a gu uye Otiniyeli, mwamana wa Kenazi, ndruye nya nandra waye wa Kalebi.

Valamuli 4:3

Va na Israyeli, va di lila ga Pfhumu Nungungulu, kholu Jabhimi a diri ni livbandre na mana mazana (900) dzikareta nya dzisimbi, a di tshanisa khu dzitshikhwi va na Israyeli ndrani nya magumavili myaga.

Valamuli 6:7

Gikhati va na Israyeli va nga lila ga Pfhumu Nungungulu khu kotani ya Vamedhiyani,

1 Samuweli 7:2

Gukhugela litshigu lile, ngasa yi di khala dhoropani ga Kiriyati-Jeyarimi, matshigu nya mangi, kala yi nga vbedzago magumavili myaga; gukhugela gikhati gyatshavbo gegi va na Israyeli vatshavbo va di lila mbeli ga Pfhumu Nungungulu.

1 Samuweli 7:6

Va di tombana dhoropani ga Misipa, va rega mati va ma vbaladza mbeli ga Pfhumu Nungungulu; va hala litshigu latshavbo lolo, va ganela, khavo: “Hi ghohede Pfhumu Nungungulu.” Samuweli a di lamula va na Israyeli dhoropani ga Misipa.