1 Samuweli 11:4 - Bhibhiliya Nya Guage

⁴ Myango yi di vboha kala Gibheya iyo a nga bani na gu manegela iyo Sawule, va di tivisa mahungu yaya ga vathu va tigoni. Khavbo avbo, vathu va di lila va womba dzihuwa.

1 Samuweli 11:4 Iomraidhean Croise

Genesi 27:38

Esawu a di wudzisa babe waye, khuye: “Ina gikategiso gimwegyo basi u gu nagyo gani baba wangu? Nyi kategise neni baba wangu.” A di khusa lito a lila khu tshivba.

2 Samuweli 21:6

avbo nya sanana saye, hi ningeni livbandre na mavili madzaha hi ma vbayega mbeli ga Pfhumu Nungungulu, Gibheya wa Sawule, uye a hathidwego khu Pfhumu Nungungulu.” Mufumeli a di va hakha, khuye: “Nyi na mi ningani.”

1 Dzikoronika 12:3

Muthangeli wawe, a diri Ayezeri, ni Jowasi, sanana sa Semaha, wa dhoropani ga Gibheya; Jeziyeli ni Peleti, sanana sa Azimaveti, ni Bheraka ni Jewu, nya Muanatoti;

Varoma 12:15

Nengelani ni vale va nengelago, mu lila ni vale va lilago.

1 Vakorinto 12:26

Gya gu saniseka givbango gimwegyo, satshavbo sa gu saniseka gumogo nagyo; gya gu zundzwa givbango gimwegyo, satshavbo sa gu nengela gumogo nagyo.

Vagalatiya 6:2

Phasedzanani khu gyanu, mu na tadzisa kharato nayo wa Kristo.

Vahebheru 13:3

Alakanyani vale va khothedwego mapasoni: Mu dzipwa nga khwatshi mu womo pasoni gumogo ni avo. Alakanyani vale va tshaniswago nga khwatshi mu ngu tshaniswa gumogo navo.

Valamuli 2:4

Avbo Ngilozi ya Pfhumu Nungungulu yi nga ta ganela magana yaya ga vatshavbo va na Israyeli, vathu va di khusa malito va lila.

Valamuli 20:23

Va na Israyeli, va di gwela vaya lila mbeli ga Pfhumu Nungungulu kala ni silambo, va wudzisa Pfhumu, khavo: “Hi bwelela hi ya dwana ni vandriyathu va na Bhejami, gani?” Pfhumu Nungungulu a di va embela, khuye: “Indrani mu ya dwana navo.”

Valamuli 20:26

Khavbo avbo, vatshavbo va na Israyeli, ni vathu vatshavbo, va di gwela dhoropani ga Bheteli vaya lila, va di khala vbale mbeli ga Pfhumu Nungungulu, va hala litshigu latshavbo kalani silambo, va ningela miphaso nya guvbiswe ni miningelo nya gurule mbeli ga Pfhumu Nungungulu.

Valamuli 21:2

Khavbo avbo, va na Israyeli, va dita Bheteli, va ta khala vbale kala vbasilambotunu, va di khusa malito va wombedzela dzihuwa va lila ga Nungungulu khu wuvi nya wukhongolo.

1 Samuweli 10:26

Sawule nuye a di bwelela gaya gwaye, tigoni ga Gibheya, na gu bangaladzwa khu vama nya masotshwa, avo myonyo yawe yi nga khumbwa khu Nungungulu.

1 Samuweli 14:2

Sawule a diri vbinganoni ga Gibheya, vbavbatshi nya simbo nya romani wu nga bani wu romo Migoroni; ni vathu a nga bani nari navo, va diri tengo nya livbandre na limwedo mazana (600) vama.

1 Samuweli 15:34

Khavbo avbo, Samuweli a di bwelela Rama, Sawule a hongola nuye gaya gwaye Gibheya wa Sawule.

1 Samuweli 30:4

Khavbo avbo, Dhavhidhe gumogo ni vathu a nga bani nari navo, va di khusa lito va lila kala va vbeledwa khu tshivba nya gulile.