1 Samuweli 11:2 - Bhibhiliya Nya Guage

² Aholu Nahasi, nya Muamoni, a di va hakha, khuye: “Nyi na gira nanu gidzumeledzwano mwa gu dzumela guphela khu gu mu rumbula liso la nyamudye la moyo ni moyo nya enu, nyi vega kharati givalo tigoni gwatshavbo ga Israyeli.”

1 Samuweli 11:2 Iomraidhean Croise

Genesi 34:14

Va di ganela, khavo: “Ethu kha hi giri isoso! Kha hi dzi kodzi gu dzega ndriyathu hi mu ningela ga mwama nyamba hana wugwera, silo nya nga isoso dzitshoni nya dzikhongolo ga ethu.

2 Dzipfhumu 18:31

Mu nga mu yingisi Ezekhiya, kholu mufumeli wa Asiriya a ngu ganela, khuye: Girani gurula ni eni; mu dzi ningelani avbo gwangu; khavbo avbo, muthu ni muthu a na hodza mihandro ya thembweni gwaye, ni mihandro nya simbo waye, bwelo khavo a sela mati nya nambo waye.

Dzindzimo 44:13

Wa gu hi gira givalo ga vaakelane vathu, avo va hi randrelago va ngu hi hembulula, va hi hega;

Ekisodha 3:6

A di engedza gambe a mu embela, khuye: “Eni kheni Nungungulu wa vababe vago, Nungungulu wa Abrahama, Nungungulu wa Isaki ni Nungungulu wa Jakobe.” Mosi a di fenengedza khovbe yaye kholu, a di thava gu wona Nungungulu.

Mavingu 12:10

Muthu nya gululame a ngu sayisa gwadi sifuyo saye, aholu makungo ya muthu nya guvivbedwe khu monyo, khya tshanisa.

Jeremiya 39:7

Khu hwane, a di rumela gu poledwa maho Zedhekiya va mu hunga khu makhetshe mavili nya sugu va mu yisa Bhabhiloni.

Mitengo 16:14

Khwa hi dusa u hi yisa ga litigo li gogago mahwe ni wulombe ambari gu hi ninga thomba nya marembwe nya sivhina gasi si khale sathu; gasi olu wa gu vbweta gu thela kudzudzwane mahoni nya vathu vava, gani? Kha hi hongoli!”

Valamuli 16:21

Khavbo avbo, va di bela Vafilisitiya va ta mu mola, va mu polela maho, va mu dzega va relela naye Gaza, vaya mu hunga khu makhetshe mavili nya sugu, a tshindra sivbila pasoni.

1 Samuweli 11:10

va embela va na Amoni, khavo: “Mindru hi na duga hi ta dzi ningela avbo gwanu; enu mu na gira satshavbo khu ethu khidzo mu dzi golago khidzo.”

1 Samuweli 12:12

Avbo mu nga wona nya gukhenu Nahasi, mufumeli wa na Amoni, a nguta mu sasela, ambari mu nga bani mu dzitini gukhenu Pfhumu Nungungulu khuye Pfhumu yanu, mu di nyi embela, khenu: Ha gu lomba mufumeli nya gu hi fume;

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”