1 Samuweli 11:15 - Bhibhiliya Nya Guage

¹⁵ Vathu vatshavbo va tigoni va di hongola Giligali, iyo va ngaya emisa mufumeli wawe Sawule, mbeli ga Pfhumu Nungungulu, va di ningela miphaso nya gurule ga Pfhumu Nungungulu; Sawule a di nengela ngudzu gumogo ni vatshavbo va na Israyeli.

1 Samuweli 11:15 Iomraidhean Croise

2 Samuweli 19:15

Khavbo avbo, mufumeli a di bwelela a wuya, na vbohide Joridhani, vatshavbo va na Judha va dita Ghiligali va mu khinga gasi gu ya mu hakha ni gu mu tshatugisa tsongoni wa Joridhani kala khisikheyi.

Ekisodha 24:5

A di rumela madzaha nya sanana sa Israyeli va ningela miphaso nya guvbiswe; va paya dzimombe, va gu ningela dzimhamba nya pwanano ga Pfhumu Nungungulu.

Jakobe 4:16

Aholu, enu mu va nya matshandza, mu vbanyago khu gu dzi khusedza, kharato, khandri gwadi.

1 Samuweli 10:17

Samuweli a di tombanisa vathu va na Israyeli ga Pfhumu Nungungulu, dhoropani ga Misipa,

1 Samuweli 10:24

Khavbo avbo, Samuweli a di embela vathu vatshavbo, khuye: Mu ngu mu wonani uye a hathidwego khu Pfhumu Nungungulu, gani? Kholu ga vathu vatshavbo mwalo a fananago naye. Khavbo avbo, vathu vatshavbo va di kulungela khu gutsaka, khavo: “A na vbanye mufumeli!”

1 Samuweli 10:8

Aholu uwe u na thanga mbeli gwangu u hongola Giligali, eni neni nyi na relela iyoyo gwago, gasi guta gira phaso nya guvbiswe ni gu ningela miphaso nya gurule; u na khala livbandre na mavili matshigu u nyi virela, kala nyita wonana nago, nyi gu embela iso u yelago gu gira.”

1 Samuweli 12:1

Khavbo avbo, Samuweli a di embela va na Israyeli vatshavbo, khuye: Wonani nya gukhenu nyi yingiside gilombo gyanu nya satshavbo iso mu nga nyi lombani, nyi mi emisede mufumeli.

1 Samuweli 12:17

Ina olu khandri gikhati nya guvbwere tirigu, gani? Olu nyi na lombelela ga Pfhumu Nungungulu, a resa mabara ni ndzadzi. Khavbo mu na gu dzitigo ni gu wona wugulu nya gighoho gyanu mbeli ga Pfhumu Nungungulu, kholu mu nga lombani mufumeli.

1 Samuweli 8:19

Aholu vathu kha va nga yingisa magana ya Samuweli, va di ganela, khavo: “Hi wowe! Ethu ha gu vbweta mufumeli nya gu hi fumele.