1 Samuweli 10:7 - Bhibhiliya Nya Guage

⁷ Avbo u na dugedwago khu siwonegiso sesi, gira satshavbo si lombwago gu girwa khu gikhati gyogyo, kholu Nungungulu a na ni uwe.

1 Samuweli 10:7 Iomraidhean Croise

Genesi 21:20

Nungungulu a diri gumogo ni gyanana. Igyo gi di dandra gi ya vbaha giwulani ga Parani, a khala mwama nya gugire ni guthumisa wulaho.

2 Samuweli 7:3

Natani a di embela mufumeli, khuye: “Indra u ya gira satshavbo u si pimisago khu monyoni gwago, kholu Pfhumu Nungungulu a na ni uwe!”

Joba 31:25

mwendro gu dzi khusedza khu gutala nya thomba yangu, nyi nengela khu satshavbo nyi giridego khu mandza yangu;

Ekisodha 4:8

“Khu kharati, va gumba khodwa gwago ni gumba pwa lito nya giwoniso nya guphele, va na khodwa khu lito nya giwoniso nya wuvili.

Muhevbudzi 9:10

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Luka 2:12

Giwonegiso mu na guya mu tigo khigyo, khegi: Mu na mana gyanana na gi fenengedzedwe myendra, na gi ladzisidwe mugighowoloni.”

Johane 6:14

Vathu vale, khu gu wona giliwugiso a nga girago, va di khavo: “Khu lisine, khuye oyu muprofeti a emisedwego guta tigoni.”

Dhewuteronome 20:1

Wa gu hongola litungatunu nya guye dwana nyimbi ni valala vago u wona dzikavalu, dzikareta ni vathu nya tengo nya wungi guvbindra uwe, u nga va thavi; kholu Pfhumu Nungungulu wago a nga gu dusago khu tigoni ga Egipito, a na ni uwe.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Valamuli 6:12

Khavbo avbo, Ngilozi ya Pfhumu Nungungulu yi di mu tumbulugela yi ta mu embela, khiyo: “Gidhiyoni, Pfhumu Nungungulu a na ni uwe mudwani nya tshivba nya nyimbi.”

Valamuli 9:33

Khuga na gu ngari dzimindru, avbo lidambo li phelago gu khuga, u ya sasela lidhoropa; gasi avbo Gahali ni vathu a gu navo a nga tago guta dwana nago, u na gira avbo gwawe iso u na si wonago.”

1 Samuweli 2:34

Iso si na giregago ga sanana sago, Hofini ni Fineya, si na bani siri giyeyedzo gwago; vatshavbo va nafa litshigu limwedo, gasi u khodwa gukhuwe esi nyi ganedego lisine.

1 Samuweli 20:13

Babe wangu a gu vbweta gu gu girela guvivba, eni nyi si gu tivisi, nyi si gu digi u hongola khu gurula, Pfhumu Nungungulu a na nyi tsayise khu tshivba ni tshivba. Pfhumu Nungungulu a na khale ni uwe kha nga idzo a khadego khidzo ni babe wangu.

1 Samuweli 3:19

Samuweli a diya na gu dandra, Pfhumu Nungungulu a diri ni uye, ni gimwegyo nya magana a ganedego kha ma diga ma thega vbavbatshi.