1 Samuweli 10:6 - Bhibhiliya Nya Guage

⁶ Uwe u na tala khu liphuvbo la Pfhumu Nungungulu, u na profeta gumogo navo, uwe u na vbindrugedzwa u khala mumbe muthu.

1 Samuweli 10:6 Iomraidhean Croise

Mitengo 11:17

Khavbo avbo, nyi na relela vbale nyi ta ganela nago, nyi na vbungula Liphuvbo li guromo gwago, nyi li thela gwawe, avo navo va na rwala gumogo nago, rwalo nya vathu, gasi u si lemedwi khuwo wenga.

Mitengo 11:25

Khavbo avbo, Pfhumu Nungungulu a di tshiga vbalipfhitunu, a ta ganela ni Mosi; khu guralo a di vbungula Liphuvbo li nga bani liri avbo gwaye, a li thela ga vale nya livbandre na mavili magumi madhota; Gikhati Liphuvbo nya Guage li nga mbakago gwawe, avo va di profeta, aholu kha va nga engedza gambe gu profeta hwane nya litshigu lile.

Mitengo 11:26

Aholu lizumboni gu di tshade vama vavili; moyo wakone lina laye a diri uye Elidhadhi; mumbe lina laye a diri uye Medhadhi; Liphuvbo li di mbaka vbatshani gwawe kholu va di lovedwe navo, ambari va ngamba khuga va hongola Tshatshani, aholu avo va di profeta na vari lizumboni.

Mitengo 11:29

Khu guralo, Mosi a di hakha, khuye: “Gasi uwe wa gupwa wufu khu eni, gani? A diri tshukwana naripwani Pfhumu Nungungulu a ngu thela Liphuvbo ga vathu vatshavbo va profeta!”

Matewu 7:22

Nya vangi va na nyi embela litshigu lolo, khavo: ‘Ama Pfhumu, ina kamwe kha ha profeta khu lina lago, hi tutumisa maphuvbo nya guvivbe, gumogo ni gu gira siliwugiso nya singi khu lina lago, gani?’

Valamuli 14:6

Khavbo avbo, Liphuvbo la Pfhumu Nungungulu li di mu belela khu tshivba, Samisoni nari mwalo gilo mandzani gwaye, a di gi vbadzulela khu nga oyu a vbadzulelago phongo. Aholu kha nga pwadzela babe ni mayi waye, iso a nga girago.

Valamuli 15:14

Avbo a nga vbohago Lehi, Vafilisitiya va di duga va mu khinga na va kulungela. Aholu Liphuvbo la Pfhumu Nungungulu, li dita khu tshivba ga Samisoni, dzingodzi va nga bani va mu hungide khidzo mawogo, dzi di tsagama nga dzikhindra nya wuluva nya guvbye khu nilo, dzingodzi a nga bani a hungidwe khidzo dzi di thega khu mawogoni gwaye.

Valamuli 3:10

Gu dita gwaye Liphuvbo la Pfhumu Nungungulu, a ta khala mulamuleli wa Israyeli; aya dwana nyimbi; Kusani-Risatayimi, mufumeli wa Mesopotamiya, a di ningedwa mandzani gwaye khu Pfhumu Nungungulu.

1 Samuweli 10:10

Na va vbohide Gibheya, va di khingwa khu tsawa nya vaprofeti; Sawule a di tala khu liphuvbo la Nungungulu, a phela guprofeta vbakari gwawe.

1 Samuweli 10:9

Avbo Sawule a nga hambana ni Samuweli, Nungungulu a di vbindrugedza monyo waye, satshavbo siwoniso si di girega gwaye khu litshigu lolo.

1 Samuweli 11:6

Avbo Sawule a ngapwago mahungu yoyo, a di tala khu liphuvbo la Nungungulu, a goroga ngudzu.

1 Samuweli 16:13

Samuweli a di dzega gigasi nya mafura a mu todza vbakari ga vandriyaye; gukhugela litshigu lile guya mbeli Liphuvbo la Pfhumu Nungungulu li di mbaka ga Dhavhidhe. Khavbo avbo, Samuweli a di khuga a hongola Rama.

1 Samuweli 19:20

Khavbo avbo, Sawule a di rumela vathu guya mola Dhavhidhe, na va vbohide va di wona tsawa nya vaprofeti na va gu guprofeta, na va guthangedwa khu Samuweli; Liphuvbo la Nungungulu li dita ga vale va nga rumwago khu Sawule, avo navo va guprofeta.