1 Samuweli 10:27 - Bhibhiliya Nya Guage

²⁷ Aholu vathu nya guvivbedwe khu monyo, va di ganela, khavo: “A na dzi kodza kharini gu hi vbulugisa mwama yoyu?” Va di mu kanyisa va si dzumeli gu dusa miningelo va mu luva. Aholu Sawule kha nga khathala khavo.

1 Samuweli 10:27 Iomraidhean Croise

2 Samuweli 20:1

A di dugelela mwama moyo nya dzihanyi wa Bheliyali; lina laye nya gupwani khu Sebha, mwamana wa Bhikiri wa na Bhejami; a di womba pundru, khuye: “Ethu kha hi lumbwi khu gilo ga Dhavhidhe, mwendro thomba ga mwamana wa Jese; enu va na Israyeli, muthu ni muthu a na hongole tshatshani gwaye.”

2 Samuweli 8:2

Pade gambe va na Mowabhi, a va ladzisa vbavbatshi, a va pima khu ngodzi, avo va nga bani va enedza dzingodzi dzimbili, a di va songa, avo va nga bani va enedza ngodzi mweyo basi, a di va diga va vbanya. Khu guralo, va na Mowabhi, va di khala sithumi ga Dhavhidhe, va henga khupo gwaye.

1 Dzipfhumu 10:25

Muthu ni muthu a di resa ningelo waye, sombo nya parata, nya ndralama, guambala, matshari, mafura nya gunungele, dzikavalu ni dzimula, va di gira isoso khu mwaga ni mwaga.

1 Dzipfhumu 4:21

Solomoni a diri ni tshivba ga mifumo yatshavbo, gukhugela tsongoni wa Ewufrate, kala tigoni ga Vafilisitiya, kala ni vbinganoni wa Egipito. Mifumo yeyi yi dita luva ga Solomoni ni gu mu thumela matshigu yatshavbo nya guvbanye gwawe.

1 Dzipfhumu 5:1

Hiramo mufumeli wa Tiro, a di rumela sithumi saye ga Solomoni, kholu a dipwa gupwani Solomoni todzidwe a wumbedwa gu khala mufumeli wulangani ga babe waye Dhavhidhe, kholu Hiramo gikhati gyatshavbo a di gu golana ni Dhavhidhe.

2 Dzikoronika 13:7

Va nya guhandruga, sitandra valayi, va tombanide gwaye va somela matshari Robhowamo, mwamana wa Solomoni. Robhowamo a nga bani na ngari gyanana nari mwalo tshivba, a di tandrega gu dzi vhikela.

2 Dzikoronika 17:5

Khu guralo, Pfhumu Nungungulu a di tiyisa mufumo mandzani gwaye, ni vatshavbo va na Judha va di resa miningelo nya gute luva Josafati, avbo uye a nga mana thomba ni wudhumo nya gutale.

Dzindzimo 38:13

Aholu eni nya gu fanana ni givbwiri nyi sipwi, kha nga gidudu gi si tuligo likana.

Dzindzimo 72:10

Vafumeli va Tarisisi ni va sidwani va na rese miningelo nya gu mu luve; vafumeli va Sabha ni va Sebha, va na mu resele miningelo.

Muhevbudzi 7:21

U nga yingiseli satshavbo si ganedwago khu vathu, kholu u nga tshukha u yingisa nu gu lembwa khu githumi gyago.

Isaya 36:21

Aholu, avo va di degula va si mu hakhi gilo, kholu mufumeli a di va leletede gukhuye: “Mu nga mu ningi phindrulo.”

Matewu 2:11

Va di bela nyumbani, vaya wona gyanana ni mayi waye Mariya; va di khidzima va gi khozela; va di tula sikhwama sawe, va gi luva khu ndralama, khu libani ni mafura.

Mithumo 7:35

“Khuye Mosi va nga mu nyenyago khavo, khu mani a nga gu gira mufumeli ni mulamuli wathu. Khuye a nga rumedwa khu Nungungulu kha nga muthangeli ni mutshuli, khu lito la ngilozi ya Nungungulu yi nga dzi wonegisa gwaye vbagipopwanatunu.

Dhewuteronome 13:13

vama nya gukari nya guvivbedwe khu monyo va dugide khu vbakari gwago, va gurumedza vavbanyi va dhoropani gwawe, khavo: Hongoleni hi khozela vambe vanungungulu, u si vatigo,

1 Samuweli 11:12

Khavbo avbo, va na Israyeli va di embela Samuweli, khavo: “Khu vamani vale va nga bani va ganela, khavo: Sawule kha na hi fumela? Va rese eno, hita va songa.”

1 Samuweli 11:13

Aholu Sawule a di va hakha, khuye: “Muhuno, mwalo a na songwago, kholu litshigu la muhuno, Pfhumu Nungungulu vbanyiside vathu vaye va na Israyeli.”

1 Samuweli 16:20

Jese a di mola buru a yi rwega sibaba, ni gigasi gimwegyo nya vbinyu, gumogo ni phongo mweyo, a si rumela ga Sawule khu mandzani ga Dhavhidhe, mwanaye.

1 Samuweli 2:12

Sanana sa Eli, si diri sanana nya guvivbedwe khu monyo; si di si khathali khu Pfhumu Nungungulu;

1 Samuweli 25:17

Khu guralo, wona egi u yelago gu gira, kholu mune wathu ni ndranga yaye yatshavbo a ngu thusedzedwa khu gukhungumudwa; kholu uye muthu nya dzihanyi, mwalo a dzi kodzago gu ganela naye.