1 Samuweli 10:24 - Bhibhiliya Nya Guage

²⁴ Khavbo avbo, Samuweli a di embela vathu vatshavbo, khuye: Mu ngu mu wonani uye a hathidwego khu Pfhumu Nungungulu, gani? Kholu ga vathu vatshavbo mwalo a fananago naye. Khavbo avbo, vathu vatshavbo va di kulungela khu gutsaka, khavo: “A na vbanye mufumeli!”

1 Samuweli 10:24 Iomraidhean Croise

2 Samuweli 16:16

Husayi, Muaraki, pari ya Dhavhidhe a diya dzi wonegisa ga Abhisalamo, a mu embela, khuye: “Vbanya mufumeli, vbanya mufumeli!”

2 Samuweli 21:6

avbo nya sanana saye, hi ningeni livbandre na mavili madzaha hi ma vbayega mbeli ga Pfhumu Nungungulu, Gibheya wa Sawule, uye a hathidwego khu Pfhumu Nungungulu.” Mufumeli a di va hakha, khuye: “Nyi na mi ningani.”

1 Dzipfhumu 1:21

Kholu wa gumba ganela, gikhati uwe pfhumu ni mune wangu, u na guya lalago gumogo ni vavelegi vago, eni ni mwanago Solomoni, hi na sayedwa kha nga sighohi.”

1 Dzipfhumu 1:25

Kholu uye muhuno relede aya ningela miphaso a paya dzimombe ni simombyana nya gunone, ni dzinvuta nya gutale. Rambide satshavbo sanana sa mufumeli, ni vathangeli nya masotshwa, ni muphasi nya mhamba Abhiyatari, olu va gu hodza, va sela gumogo naye na va gu ganela, khavo: A na vbanye mufumeli Adhoniya!

1 Dzipfhumu 1:34

Iyoyo, muphasi nya mhamba Sadhoki, ni muprofeti Natani, va naya mu todza khu mafura a khala mufumeli wa na Israyeli. Khavbo avbo, mu na womba pundru mu ganela, khenu: A na vbanye mufumeli Solomoni!

1 Dzipfhumu 1:39

Muphasi nya mhamba, Sadhoki, a di bela tshatshani aya dzega kheho nya mafura a todza Solomoni. Khu hwane va di womba pundru, vathu vatshavbo va di ganela, khavo: “A na vbanye mufumeli Solomoni.”

2 Dzipfhumu 11:12

Khavbo avbo, Joyadha a di dusa mwamana wa mufumeli a mu ambagisa gihugu nya wufumu, a mu ninga Libhuku nya nayo; va mu todza gu khala mufumeli, va khwakhwata mandza, khavo: “A na vbanye mufumeli!”

2 Dzikoronika 23:11

Khavbo avbo, va di dusa vbavbandze mwamana wa mufumeli, va mu ambagisa gihugu nya wufumu, va mu ninga libhuku nya gidzumeledzwano ni gu mu wumbela gu khala mufumeli; muphasi nya mhamba Joyadha gumogo ni sanana saye va di mu todza khu mafura, va laledza, khavo: “A na vbanye mufumeli.”

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

Dhewuteronome 17:15

U na dzi emisela mufumeli wule Pfhumu Nungungulu wago, a na gu mu hathago; gambe oyu u na mu hathago gu khala mufumeli wanu guvbwetega nari wa na gyanu, u nga tshuki u vega muthu wa vbavbandze.

1 Samuweli 11:15

Vathu vatshavbo va tigoni va di hongola Giligali, iyo va ngaya emisa mufumeli wawe Sawule, mbeli ga Pfhumu Nungungulu, va di ningela miphaso nya gurule ga Pfhumu Nungungulu; Sawule a di nengela ngudzu gumogo ni vatshavbo va na Israyeli.

1 Samuweli 12:1

Khavbo avbo, Samuweli a di embela va na Israyeli vatshavbo, khuye: Wonani nya gukhenu nyi yingiside gilombo gyanu nya satshavbo iso mu nga nyi lombani, nyi mi emisede mufumeli.

1 Samuweli 12:13

gasi olu, mufumeli mu nga mu emisago ni gu mu lomba, khuye oyu; wonani nya gukhenu, Pfhumu Nungungulu a mi ningide mufumeli.

1 Samuweli 9:2

A diri ni gyanana nya lidzaha gi nga bani gi gu ranwa khu lina la Sawule, lidzaha nya wumburi ngudzu, vbakari ga va na Israyeli a diri mwalo mumbe nya wumburi nya nga uye; gambe a di laphide guvbindra vatshavbo.