1 Samuweli 10:22 - Bhibhiliya Nya Guage

²² Khavbo avbo, va di engedza va wudzisa Pfhumu Nungungulu, khavo: Mwama wule dzude iyoyo, gani? Pfhumu Nungungulu, a di hakha, khuye: “Sihade iyoyo vbakari nya sombo.”

1 Samuweli 10:22 Iomraidhean Croise

Genesi 25:22

Sanana si di khala khu gu dwana ndrani gwaye, uye a di ganela, khuye: “Khu ginani nyi nga khurago mimba gasi nyi manega ni esi kharati?” A di khuga aya wudzisa Pfhumu Nungungulu.

2 Samuweli 2:1

Khu hwane nya esi, Dhavhidhe a di wudzisa ga Pfhumu Nungungulu, khuye: “Ina nyi na gwela ga lidhoropa nya gukari la Judha, gani?” Pfhumu Nungungulu a di mu hakha, khuye: “Indra.” Dhavhidhe, khuye: “Nyiya hayi?” A di phindrudwa gupwani: “Hebroni.”

2 Samuweli 21:1

Matshiguni ya Dhavhidhe, gu manegide ndzala yi dzegidego myaga miraru, khu mwaga ni mwaga, Dhavhidhe a di wudzisa Pfhumu Nungungulu, Pfhumu Nungungulu, a di mu embela, khuye: “Sawule ni ndranga yaye khavo va gu ni nandru nya wusongi, kholu va nga songago Vagibhiyoni.”

Mitengo 27:21

Uye a na ya ema mbeli ga muphasi nya mhamba, Eleyazari; muphasi nya mhamba a na wudzisa khu uye ga Pfhumu Nungungulu khu gulola solo nya guage, khu guleleta nya Urimi; khuye a na ningago lito nya gu va duga, khuye gambe a na ningago lito gukhuye va bele, uye gumogo ni va na Israyeli ni tshangano watshavbo.”

Luka 14:11

Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”

Valamuli 1:1

Hwane nya gufe ga Josuwa, va na Israyeli va di wudzisa Pfhumu Nungungulu, khavo: “Khu mani vbakari gwathu a na gu phela khuye gu gwela aya dwana ni Vakhanani?”

Valamuli 20:18

Va na Israyeli va di khuga va gwela Bheteli, vaya wudzisa Nungungulu, khavo: “Khu mani wa vbakari gwathu, a na gu phelago khuye a gwela guya dwana ni va na Bhejami?” Pfhumu Nungungulu a di va embela, khuye: “Va na phele khu va na Judha.”

Valamuli 20:23

Va na Israyeli, va di gwela vaya lila mbeli ga Pfhumu Nungungulu kala ni silambo, va wudzisa Pfhumu, khavo: “Hi bwelela hi ya dwana ni vandriyathu va na Bhejami, gani?” Pfhumu Nungungulu a di va embela, khuye: “Indrani mu ya dwana navo.”

Valamuli 20:28

gumogo ni Finiyasi, mwamana wa Eliyazari, tugulu wa Aroni, khuye a nga bani a yi sayisa khu matshigu yoyo. Va di wudzisa nyaluphye, khavo: “Ina hi ngu si kodza gu bwelela gambe hi ya dwana ni vandriyathu va na Bhejami mwendro hi si hongoli, gani?” Pfhumu Nungungulu a di mu hakha, khuye: “Indrani, kholu mindru nyi na va ningela mandzani gwanu.”

1 Samuweli 10:21

Na sasamedzide lihundzu la na Bhejami khu dzindranga dzawe, solo yi di thegela nyumba ya Matiri; ga ilo gu di hathwa Sawule, mwamana wa Khisi. Aholu gikhati va nga mu vbweta kha va mu mana.

1 Samuweli 14:37

Khu guralo, muphasi nya mhamba, a di ganela, khuye: “Hongoleni hi hidzimele avba ga Nungungulu. Khavbo avbo, Sawule a di wudzisa Nungungulu, khuye: Ina nyi ngu yela gulundra Vafilisitiya, gani? U na va ningela mandzani ga va na Israyeli, gani?” Aholu ga litshigu lile Nungungulu kha nga mu ninga phindrulo.

1 Samuweli 15:17

Samuweli a di engedza a mu embela, khuye: “Ambari ulo u nga bani u dzi wona kha nga gyanana guwonani gwago, ina khwa khala muthangeli nya mahundzu yatshavbo ya na Israyeli, ni gu todzwa khu Pfhumu Nungungulu gu khala mufumeli wawe, gani?”

1 Samuweli 22:10

Uye a di mu wudzisela ga Pfhumu Nungungulu; a mu ninga dzimbuva ni litshari la Gholiya, Mufilisitiya.”

1 Samuweli 23:9

Avbo Dhavhidhe, a nga dzitigo gukhuye Sawule a ngu luga mano nya guvbwete gu mu dhumela, a di embela Abhiyatari, khuye: “Nyi resele keka nya miphaso.”

1 Samuweli 30:7

Dhavhidhe a di embela muphasi nya mhamba Abhiyatari, mwamana wa Ayimeleki, khuye: “Nyi resele avba keka nya miphaso.” Abhiyatari a di mu yisela.

1 Samuweli 30:8

Khavbo avbo, Dhavhidhe a di wudzisa ga Pfhumu Nungungulu, khuye: “Nyi ngu yela gu lundra tsawa yoyu nya sighevenga, gani? Nyi na va mana, gani?” Khavbo avbo, Pfhumu Nungungulu a di mu hakha, khuye: “Va landre, kholu nyi ngu tiyisa gukheni u na va mana u tshudzisa vatshavbo.”

1 Samuweli 9:21

Sawule a di hakha a ganela, khuye: “Gasi eni khandri nyi wa na Bhejami, nyumba nya yidugwane ga vatshavbo va na Israyeli, gani? Nyumba yangu khandri iyo nya yi dugwane ga lihundzu latshavbo la na Bhejami, gani? Khu ginani u nyi embelago magana nya nga ayoyo?”