1 Samuweli 10:2 - Bhibhiliya Nya Guage

² Muhuno avbo u na hambanago ni eni, u na manana ni vama vavili vbafuvbi ni lithowo la Rakeli, tigoni ga Bhejami, dhoropani ga Zeliza, va na gu embela, khavo: Dziburu nya migadzi u nga bani u dzi vbweta dzi manegide, khu guralo, babe wago kha garadzegi gambe khidzo, olu a gu garadzega khu kotani yanu, a ganela, khuye: Nyi na kheni ginani olu khu gyanana gyangu?

1 Samuweli 10:2 Iomraidhean Croise

Genesi 35:16

Va di khuga khu Bheteli, gu nga tshade pfhukanyana gasi gu vboha dhoropani ga Efrata, Rakeli a di hefemula gyanana khu gugaradzega ngudzu.

Genesi 48:7

“Na nyi guta khu Padhani-Arami, Rakeli a di nyi fela tigoni ga Khanani, vbakari nya ndzila, na gu tshade pfhukhana nya gukari gu vbweta gu vboha Efrata; nyi mu dzingide vbale ndzilani nya guhongole Efrata, a gu Bhetlehema.”

Jeremiya 31:15

Pfhumu Nungungulu a ngu ganela kharati, khuye: “Gu pwade huwa nya gililo ni wuvi tigoni ga Rama, khu Rakeli a nga bani a gu lila sanana saye, a gu bomba gu tangadziswa, kholu sanana saye si vbede hiso bhi.

Josuwa 18:28

Sela, Elefi Jebhusi (a gu Jerusalema), Gibheya ni Kiriyati; yatshavbo likhumi na mana madhoropa gumogo ni mitalala yaye; aya, ma diri thomba ya sanana sa Bhejami, gukhedza khu dzindranga dzawe.

1 Samuweli 10:16

Sawule a di hakha babe dugwane waye, khuye: “A hi embede nya gukhuye, dziburu dzi manegide.” Aholu, khu mahungu nya mufumo a ganedego khuwo Samuweli, kha nga mu embela gilo.