1 Samuweli 10:11 - Bhibhiliya Nya Guage

¹¹ Vatshavbo va nga bani va muti khu gale, khu gu mu wona na gu guprofeta gumogo ni vaprofeti, va di wudzisana khu gyawe, khavo: “Gasi ginani gi nga dugelelago ga mwamana wa Khisi? Ina Sawule nuye moyo nya vaprofeti, gani?”

1 Samuweli 10:11 Iomraidhean Croise

Amosi 7:14

Amosi a di hakha a embela Amaziya, khuye: Eni nyi di siri muprofeti, ambari gyanana gya muprofeti; aholu nyi diri muhavisi nya dzimombe ni musayisi nya miguhu.

Amosi 7:15

Aholu Pfhumu Nungungulu a di nyi dusa thumoni nya wuhavisi, a nyi embela, khuye: Indra u ya profeta ga vathu vangu va na Israyeli.

Johane 7:15

Vajudha va di liwuga, khavo: “A gu yiti kharini Milowo gima na sa hevbula?”

Mithumo 3:10

va di gu muti pwani khuye kamwe a nga bani a gu khala vbamwanyatunu nya wumburi nya Nyumba ya Nungungulu a lomba zomola. Va di tala khu guliwuga ni gusamala khu kotani nya iso si nga girega gwaye.

Mithumo 4:13

Va di liwuga khu gu wona gutiya ga Pedro ni Johane, va tidwago gupwani vathu nyambana sihevbulo, gambe va di si dugeli dzindrangani nya guwonegele va di gu vati khu lisine khavo vapizane va Jesu.

Mithumo 9:21

Avo va nga bani va gu mupwa va di liwuga, khavo: “Ina khandruye oyu a nga bani a gu sanisa avo va nga bani va gu ganela khu Lina la Jesu dhoropani ga Jerusalema, gani? Gasi khandri a dita eno gufela guta va molela a va hunga dzitshinga aya va ningela ga vakhongolo nya vaphasi, gani?”

1 Samuweli 19:24

Uye nuye a di tshula ngandzu yaye, a guprofeta mbeli ga Samuweli, a thega vbavbatshi, nyamba ambala gilo litshigu latshavbo ni wutshigu watshavbo; esi si ganedwago pwani: “Ina Sawule nuye moyo nya vaprofeti, gani?”