1 Samuweli 1:8 - Bhibhiliya Nya Guage

⁸ Tshigu mwedo, mwama waye Elikana, a di mu wudzisa, khuye: “Ana, khu ginani u lilago? Khu ginani u si hodzigo gilo? Khu ginani u khuvekago gikhati gyatshavbo? Ina eni kha nyi sizi avbo gwago guvbindra likhumi sanana, gani?”

1 Samuweli 1:8 Iomraidhean Croise

2 Dzipfhumu 8:12

Khavbo avbo, Hazayeli, a di mu embela, khuye: “Mune wangu, khu ginani u lilago?” Uye a di mu hakha, khuye: “Kholu nyi ngu dziti gukheni u na girela guvivba va na Israyeli, u va vbisela makhokhola yawe, ni gu songa madzaha yawe khu matshari, u vbadzulela sanana sawe, u pferula sirumbu nya dzimimba dza vagadzi vawe.”

Joba 6:14

Uye a vbisegago, guvbweta a lulekwa khu dzipari dzaye, ambari na digide gu ninga githawo Nungungulu nya Tshivba Yatshavbo.

Dzindzimo 43:4

Khu guralo, nyi na gwela giluvelotunu ga Nungungulu, ga Nungungulu, a gu gunengela gwangu nya gukhongolo; nyi na gu kulungela na nyi gu womba mihwambi, uwe Nungungulu, Nungungulu wangu.

Isaya 54:1

Embelela khu gutsaka uwe nyamayi nya gyumba, uwe u ngamba velega sanana; nengela khu gutsaka u womba kulungwane, uwe u ngamba lumwa; kholu sanana sa nyamayi a ngamba dzegwa si tade guvbindra sa nyamayi a gu ni mwama; a ngu ganela Pfhumu Nungungulu.

Isaya 54:6

Kholu Pfhumu Nungungulu a gu ranide kha nga nyamayi a digidwego khu mwama, oyu a garadzegago monyoni gwaye; a na gu rana kha nga nyamayi a dzegidwego nari mbiri a wuya a hudwa; a ngu ganela Nungungulu wago.

Johane 20:13

Dzingilozi dzi di mu wudzisa, khidzo: “Nyamayi, wa gu lilela ginani?” Mariya a di hakha, khuye: “Kholu va dzegidego Pfhumu yangu, kha nyi guti va yi vegide hayi.”

Johane 20:15

A di mu wudzisa, khuye: “Nyamayi, wa gu lilela ginani? Wa guvbweta mani?” Na gu hingigedza khuye mwendro khu mulimi nya lithembwe lile, Mariya a di khuye: “Pfhumu, wa gu bani uri uwe u mu dzegidego, tshukwana u nyi embela avbo u nga mu vegago, gasi nyiya mu dzega.”

1 Vatesalonika 5:14

Vandruye, hi ngu mi lomba gambe, kawukani va nya mihudzuri, tiyiselani ava va rerekago, sayisani vadwali, mu hunisela vatshavbo.

Rute 4:15

A na khala mutangadzisi nya guvbanye gwago, ni musayisi muwukhosaneni gwago. Kholu oyu a nga velegwago khu ngadzamwane wago nya gu gu gole ngudzu, uye a ngu vbindra livbandre na sivili sikhwathana.”

1 Samuweli 1:7

Esi si di girega myaga yatshavbo gikhati Ana a gwelago Nyumbani ga Pfhumu Nungungulu; Ana a di khala khu gulila, a si hodzi gilo.