1 Samuweli 1:22 - Bhibhiliya Nya Guage

²² Aholu, Ana kha nga hongola, a di ganela, khuye: “Avbo nyi na gu digisago libele gyanana, nyi na hongola naye gasi gi kodza guya bikedwa mbeli ga Pfhumu Nungungulu, gi khala iyoyo matshigu yatshavbo nya guvbanye gwaye.”

1 Samuweli 1:22 Iomraidhean Croise

Dzindzimo 110:4

Pfhumu Nungungulu a sambanyide, kha na bwelela hwane kholu: “Uwe u muphasi nya mhamba kala gupindruga khu nayo nya wuphasi wa Melikisedheki.”

Dzindzimo 23:6

Wuwadi ni lihaladzo lago, si ngu nyi bangaladza matshigu yatshavbo nya guvbanye gwangu; nyi na vbanya Nyumbani ga Pfhumu Nungungulu kala gupindruga.

Dzindzimo 27:4

Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Ekisodha 21:6

Khu guralo, mune waye a na yi resa mbeli ga Nungungulu, a yi hidzimisa vbafuvbi ni lidimba mwendro avbo nya hasimo; khavbo avbo, mune waye a na yi pola ndzeve khu ndrombo Khumbi yeyi yi na mu thumela kala gupindruga.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Levhi 25:23

Sipeto si nga rengisedwi muphelo, kholu mafu ma gu lumba Eni, enu muvawuyi ni vapfhumba vangu.

Luka 2:22

Na ma vbindride matshigu nya guagiswe gwaye, gasi gu landrisa Nayo wa Mosi, Mariya ni Josefe va di dzega gyanana va gu hongola nagyo Jerusalema, gasi guya gi bikela ga Pfhumu,

Dhewuteronome 16:16

Vama vatshavbo va na gyanu, va fanede guya dzi wonegisa mbeli ga Pfhumu Nungungulu wago, nyondro tharu khu mwaga wulangani a na wu hathago, khu Buzo nya Sibaba nyambana Mela, ni ga Buzo nya Dzisemana, ni ga Buzo nya Mitshatsha; aholu u nga hongoli nyamba phara gilo mandzani gwago mbeli ga Pfhumu Nungungulu;

Josuwa 4:7

mu na si hakhani, khenu: Avbo Ngasa nya Gidzumeledzwano gya Pfhumu Nungungulu yi nga tshatugago tsongo wa Joridhani, mati yaye ma di kabanega khu vbakari Ngasa ya Pfhumu Nungungulu yi tshatuga. Siwindri sesi si na khala gialakanyiso kala gupindruga ga va na Israyeli.”

1 Samuweli 1:11

A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”

1 Samuweli 1:28

Khu guralo, nyi ngu gi resa nyi gi bweledza ga Pfhumu Nungungulu, guvbanyani gwaye gwatshavbo; kholu nyi gi lombide ga Pfhumu Nungungulu.” Khavbo avbo, va di lombelela vbale ga Pfhumu Nungungulu.

1 Samuweli 13:13

Khavbo avbo, Samuweli a di embela Sawule, khuye: U thumide wupumbu khu gumba landrisa nayo u ningidwego khu Pfhumu Nungungulu wago, naripwani u di yingiside, Pfhumu Nungungulu a di hadza gutiyisa mufumo wago ga va na Israyeli kala gupindruga.

1 Samuweli 2:11

Khu hwane nya esi, Elikana a di bwelela gaya gwaye, tigoni ga Rama; aholu, gyanana gi di khala gi thumela Pfhumu Nungungulu, na gi gu phasedzedwa khu muphasi nya mhamba Eli.

1 Samuweli 2:18

Khavbo avbo, Samuweli a di gu thuma mbeli ga Pfhumu Nungungulu, na ambade keka nya seda nya wuphasi nya mhamba na ngari lidzaha.

1 Samuweli 28:2

Khavbo avbo, Dhavhidhe a di hakha Akisi, khuye: “Gululamide, u na si wona wabune iso si na gu girwago khu githumi gyago.”

1 Samuweli 3:1

Lidzaha Samuweli a di gu thumela Pfhumu Nungungulu na gu thangedwa khu Eli. Gikhatini gyogyo, Pfhumu Nungungulu a di gu kala gu ganela, ni siwoniso niso si di si tali gu wonega.