1 Samuweli 1:11 - Bhibhiliya Nya Guage

¹¹ A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”

1 Samuweli 1:11 Iomraidhean Croise

Genesi 28:20

Khavbo avbo, Jakobe a di gira gisambanyo, khuye: Nungungulu a gu gimbila ni eni a nyi endredza ga lipfhumba leli nyi gu nalo, a nyi ninga guhodza ni guambala,

Genesi 29:32

Liya, a di khura mimba, a velega gikhwathana, a nga gi riyago lina la Rubheni, kholu a di khuye: “Pfhumu pwide gusaniseka gwangu, khu guralo, olu mwama wangu a na nyi haladza.”

Genesi 30:22

Nungungulu a di alakanya Rakeli, a mupwa a mu ninga livelego.

Genesi 8:1

Nungungulu a di alakanya Nowa ni sirengo satshavbo nya likhabi, ni sifuyo si nga bani siri ni Nowa taroni. A di wusa phuvbo yi gu furugedza mafuni, mati ma phela gubosa.

2 Samuweli 16:12

A gu dzina saye Pfhumu Nungungulu a na wona gutshaniseka gwangu, a nyi ninga gurula khu kotani nya gu nyi vale gwaye.”

Dzindzimo 25:18

Wona gugaradzega ni guvbisega gwangu, u nyi divalela siwono sangu satshavbo.

Ekisodha 4:31

Vathu va di khodwa. Avo na va pwide nya gupwani Pfhumu Nungungulu holede sanana sa na Israyeli, a gu wona gutshaniseka gwawe, va di noga va mu khozela.

Mavingu 31:2

Nyi na gu laya kharini, mwanangu? Nyi na kheni ginani ga uwe, gyanana gya mahembeni gwangu? Nyi na gu laya kharini uwe, gyanana nya gitumbiso gyangu?

Muhevbudzi 5:4

Wa gu hunga gifungo ni Nungungulu, vbiredzela gu gi tadzisa, kholu Nungungulu kha tsakiswi khu vathu nya guvivbedwe khu myonyo. Khu guralo, tadzisa gisambanyo gyago.

Levhi 27:2

“Ganela ga sanana sa Israyeli u si embela, khuwe: Muthu a gu gira gisambanyo ga Pfhumu Nungungulu khu gyuma gi enelago tengo nya muthu;

Mitengo 21:2

Khavbo avbo, va na Israyeli va di gira gisambanyo ga Pfhumu Nungungulu, khavo: “Wa gu vega mandzani gwathu vathu vava, madhoropa yawe yatshavbo hi na ma khungumulela muphelo.”

Mitengo 6:11

muphasi nya mhamba a na ningela gimwegyo gi khala phaso nya guditshedzwe sighoho, gasi egi gimbe gi na khala phaso nya guvbiswe; a na mu girela phaselo nya gutsetseledwe sighoho saye kholu a dzi nyenyeziside khu gu kuha girumbi, khu litshigu lolo kamwe, uye a na agisa hungo waye.

Mitengo 6:5

Matshigu yatshavbo nya wunaziri waye, gima a nga vidwi hungoni gwaye khu gisingwana; kala ma gu tadzisega matshigu a dzi hathedego gu thumela Pfhumu Nungungulu, a na bani nari muthu a agidego, a na diga ndzudzu waye wu dandra.

Mitengo 6:8

Matshigu yatshavbo nya wunaziri waye a na bani a agisedwe ga Pfhumu Nungungulu.

Valamuli 11:30

Jefiti a di gira gisambanyo ga Pfhumu Nungungulu, khuye: “Wa gu ningela mandzani gwangu va na Amoni,

Valamuli 13:5

Kholu wona nya gukhuwe, u na khura mimba u velega gyanana nya gikhwathana, igyo gima kha gi na vidwa ndzudzu khu gisingwana. Kholu, gyanana gegi gi na bani giri Munaziri, gi phasedwe Nungungulu gukhugela ndrani ga mayi waye, igyo gi na tshudzisa Israyeli mandzani ga Vafilisitiya.”

1 Samuweli 1:10

Khu vbale, Ana, a di khuga na khuvekide, a di lombelela ga Pfhumu Nungungulu na gu lila khu wuvi waye watshavbo.

1 Samuweli 1:12

Ana a di wuyedzela dzinyondro nya dzingi gu lombelela mbeli ga Pfhumu Nungungulu; Eli a di khedzisela sigundru saye si nga bani si khuthakhutha.

1 Samuweli 1:19

Khu mindru gakone, va di wuga ni mambagugya, vaya lombelela mbeli ga Pfhumu Nungungulu, va di bwelela gaya gwawe Rama. Elikana a di tivana ni mwangadzi waye Ana, Pfhumu Nungungulu a di mu alakanya,

1 Samuweli 1:22

Aholu, Ana kha nga hongola, a di ganela, khuye: “Avbo nyi na gu digisago libele gyanana, nyi na hongola naye gasi gi kodza guya bikedwa mbeli ga Pfhumu Nungungulu, gi khala iyoyo matshigu yatshavbo nya guvbanye gwaye.”

1 Samuweli 1:27

Nyi di lombelela ga Pfhumu Nungungulu khu gyanana gegi; Uye a nyi ninga gilombo nyi nga mu lombago.

1 Samuweli 1:28

Khu guralo, nyi ngu gi resa nyi gi bweledza ga Pfhumu Nungungulu, guvbanyani gwaye gwatshavbo; kholu nyi gi lombide ga Pfhumu Nungungulu.” Khavbo avbo, va di lombelela vbale ga Pfhumu Nungungulu.

1 Samuweli 2:20

Eli a di kategisa Elikana ni mwangadzi waye, a ganela, khuye: “Pfhumu Nungungulu a na gu ninge sanana ga nyamayi yoyu, kha nga tshatshazelo nya giningwa a mu giredego!” Khu hwane nya ugo, va di bwelela gaya gwawe.