1 Samuweli 1:10 - Bhibhiliya Nya Guage

¹⁰ Khu vbale, Ana, a di khuga na khuvekide, a di lombelela ga Pfhumu Nungungulu na gu lila khu wuvi waye watshavbo.

1 Samuweli 1:10 Iomraidhean Croise

Genesi 30:1

Avbo Rakeli a nga wonago gukhuye kha ningi sanana Jakobe, a di khalela wufu ndriyaye, a embela Jakobe, khuye: “Nyi ninge sanana; kholu wa gu bomba nyi nafa.”

Genesi 50:10

Avbo va nga vbohago vbagithalatunu gya Atade, githala nya miba gi guromo bambe nya tsongo wa Joridhani, va di gira vbale thumo nya gudzinge ni gililo nya gikhongolo ngudzu; Josefa a di gira gililo nya gikhongolo a lila babe waye khu livbandre na mavili matshigu.

2 Samuweli 13:36

Khavbo avbo, na nga gu vbedza gu ganela, madzaha ya mufumeli ma di vboha, ma ta khusa lito ma lila, Dhavhidhe nuye a lila gumogo ni sithumi saye khu huwa nya yikhongolo ngudzu.

2 Samuweli 17:8

Husayi a di engedza, khuye: Uwe u ngu wuti gwadi wundrena wa babe wago ni wa vama a gu navo, va ngu leva gu fanana ni nyari yi bedwego sanana saye, gambe babe wago muthu nya nyimbi, vbawutshigutunu, kha khali vbakari nya vathu.

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

Joba 10:1

Hefemulo wangu wu ngu garadzega khu guvbanya; nyi na phefemula esi si nyi garadzago monyoni gwangu, khu guralo, nyi na ganela khu guvbisega nya hefemulo wangu.

Joba 7:11

Khu guralo, kha nyi na kodza gu degula khu guvbisega nya monyo wangu, nyi na dusa iso si nyi vbisago hefemuloni gwangu.

Joba 9:18

Kha nyi ningi gikhati nya guhefemule, aholu a gu nyi khurisa khu wuvi.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Mavingu 14:10

Monyo khuwo wabune wu pwago wuvi, aholu gutsaka gwaye mwalo mumbe muthu a gupwago.

Isaya 38:15

Nyi na kheni ginani? Giride iso a nga nyi embelago; matshigu yangu yatshavbo nya guvbanye, nyi na vbanya gutshanisekani, khu kotani nya guvbisege nya hefemulo wangu.

Isaya 54:6

Kholu Pfhumu Nungungulu a gu ranide kha nga nyamayi a digidwego khu mwama, oyu a garadzegago monyoni gwaye; a na gu rana kha nga nyamayi a dzegidwego nari mbiri a wuya a hudwa; a ngu ganela Nungungulu wago.

Jeremiya 13:17

Mwa gumba dzumela gu yingisa, nyi naya lila gusihalani, khu kotani nya matshandza yanu; maho yangu ma na lila khu wuvi wangu watshavbo nyi vbaladza marongo, kholu tshambi wa Pfhumu Nungungulu, wu vbagedwe wu yiswa wugumbitunu.

Jeremiya 22:10

Mu nga lili khu mufumeli Josiya a fudego, ambari gu mu wombela dzihuwa; aholu lilani khu wule a khugago, kholu kha na wuya gambe, uye kha na nga li wona gambe litigo a velegedwego umo.

Gililo 3:15

U nyi khuriside khu silo nya guvave, u nyi levisa khu wadwa nya wuhungu. Vau

Luka 22:44

[Na gu tshaniseka ngudzu, a di simama gu lombelela, khu tshivba, na gu ruta lithonga nya nga madona nya makhongolo nya novba, ma gu thegela mafuni.]

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

Valamuli 21:2

Khavbo avbo, va na Israyeli, va dita Bheteli, va ta khala vbale kala vbasilambotunu, va di khusa malito va wombedzela dzihuwa va lila ga Nungungulu khu wuvi nya wukhongolo.

Rute 1:20

Aholu uye a di va embela, khuye: “Mu nga nyi rani gambe Nowemi; aholu nyi raneni khenu Mara, kholu mune nya Tshivba Yatshavbo a nyi woniside mihimbo.

1 Samuweli 1:11

A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”

1 Samuweli 1:9

Tshigu mwedo, na va vbedzide gu hodza ni gu sela tigoni ga Silo, Ana a di khuga a ema; muphasi nya mhamba Eli, a di khade vbagikhalotunu gwaye, vbafuvbi ni mwanya nya Tshatsha nya Guage.