1 Pedro 5:9 - Bhibhiliya Nya Guage

⁹ Mu ganedzeni, mu tiya gukhodwani gwanu, kholu enu mu ngu dzitini nya gukhenu vandriyanu va phalalegidego mayigoni gwatshavbo va ngu saniseka navo khu sigaradzo nya nga esi mu si manago.

1 Pedro 5:9 Iomraidhean Croise

Luka 22:32

Aholu eni nyi di lombelela khu uwe ga Nungungulu gasi gukhodwa gwago gusi rereki. Gani olu, gikhati u na vbindrugedzago uwe, u na tiyisa vandriyago.”

Johane 16:33

Nya gu mi embelani esi, gasi mu tshale ni gurula gwangu; mu na mana sigaradzo tigoni, aholu nyi tumbeni, kholu eni nyi pade litigo.”

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

1 Vakorinto 10:13

Sigaradzo mu si wonago khiso si pimedwego gu padwa khu muthu. Kholu Nungungulu tumbegide, kha na nga dzumedzisa gukhuye mu mane silingo nya guvbindre tshivba yanu. A gu mi rumela gilingo, a na mi tulela gambe dzindzila nya gu gi pale.

Vaefeso 4:27

Mu nga ningi wulanga Sathane a fuma myonyoni gwanu.

Vaefeso 6:16

Pharani ngudzungudzu gukhodwa mu gu gira gitshangu nya guvhike matshari yatshavbo nya nilo wa Sathane.

Vakolosi 2:5

Kholu ambari saye nyi guromo hwindzo khu givili, nyi womo vbakari gwanu khu hefemulo. Nyi ngu nengela khu gupwa mavbanyelo yanu nya yadi, ni gutiya nya gukhodwe gwanu ga Kristo.

1 Vatesalonika 3:3

gasi mu si thurugi khu sisaniso sesi. Enu mu ngu dziti gwadi gukhenu khiso esi hi si lindrelago.

1 Thimoti 6:12

Dwana litunga nya ladi nya gukhodwe, gasi u mane guvbanya nyamba vbela, ugo u nga ranedwa ugo. Khugo u nga ninga wufakazi vbakari nya vathu nya vangi.

2 Thimoti 3:12

Vatshavbo vale va vbwetago gu vbanya khu gukhodwa ga Kristo Jesu va na saniswa.

2 Thimoti 4:7

Nyi dwanide litunga nya ladi. Nyi vbedzide gututuma ni gu sayisa gukhodwa gwangu.

Vahebheru 11:33

Avo khu gukhodwa, va dwanide ni mifumo yatshavbo va yi pala. Va giride nya sadi, va gu hakha ga Nungungulu esi va nga tumbiswago. Va di sega magana nya dzinghala.

Vahebheru 12:8

Enu mwa gumba kawukwa kha nga edzi gu girwago ga sanana satshavbo sa Nungungulu, gu yeyedza gupwani kha muri sanana saye nya lisine, mu sanana sa vbavbandze.

Jakobe 4:7

Khu guralo, yingisani Nungungulu, mu wugela Sathane, uye a na tutuma.

1 Pedro 1:6

Nengelani khiso, ambari olu khu gikhatinyana mu guromo gugaradzegani khu kotani nya silingo nya singi mu si manago.

1 Pedro 2:21

Kholu, khiso a mi ranedego iso. Uye Kristo, wurumba waye, sanisekide kotani yanu, a hi ninga giwonelo gasi hi landra ndzila yaye.

1 Pedro 3:14

Aholu mu na bani mu kategide mwa gu mana sisaniso khu kotani nya gugire iso nya sadi. Mu nga thavi muthu, gambe mu nga thurugi.

1 Pedro 4:13

Aholu, nengelani khu gu hengela gusaniseka ni Kristo gasi mu tale khu gutsaka gikhati wudhumo waye wu na wonegiswago.

Gutuledwa 1:9

Eni Johane nyi gu ndriyanu, muhengeli ni enu sigaradzoni, Gufumani, ni gutimiselani khu ga Jesu Kristo, nyi diromo gidwane gi ranwago Patimosi kotani nya gu pwadze mahungu ya Nungungulu ni gu fakazela Jesu Kristo.

Gutuledwa 6:11

Moyo ni moyo wawe a di ambagiswa ngandzu nya guage, va embedwa pwani va na hefemule vbadugwana, va lirela gu enedza tengo nya vangana ni vandriyawe, ava va nga gu vbwetago gu songwa nga avo.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.