1 Pedro 5:3 - Bhibhiliya Nya Guage

³ Mu nga dzi girini vamune, mu khozisa vathu mu ningidwego, aholu khalani giwonelo nya tshambi.

1 Pedro 5:3 Iomraidhean Croise

Dzindzimo 33:12

Li kategide litigo lile Nungungulu a gu uye Pfhumu Nungungulu, ni vathu a va hathidego gu khala thomba yaye.

Dzindzimo 74:2

Dundruga vathu vago, avo u va hathidego khu gale, u va tshudzisidego gasi va khala lihundzu nya thomba yago; alakanya gigomo gya Siyoni, u khalago avbo.

Ezekiyeli 34:4

Iyo nya gumbana tshivba kha wa yi tiyisa, iyo yi dwalago, khwa yi hawulugisa, ni gu hungelela silondra iyo yi nga bayiswago. Idzo dzi nga pambugago, kha mwa dzi wuyisa, ambari idzo dzi dzimedego kha mwa dzi landra. Aholu mwa gu dzi fumela khu tshivba ni dzihanyi.

Mikeya 7:14

Havisa vathu vago khu ndronga yago, a gu dzinvuta nya tshambi nya thomba yago, dzi vbanyago khabini basi, vbakari nya mahawo nya gunone; dzi yise wuhaviseloni ga Bhasani ni Gileyadhi, kha nga matshigu ma vbindridego.

Mitengo 18:7

Aholu uwe gumogo ni sanana sago mu na thuma thumo wanu nya wuphasi nya mhamba, ga satshavbo sa vbagiluvelotunu, niso si na gu bani na siri makhuvini; uwowo a na bani ari thumo wanu. Nyi mi ningide thumo nya wuphasi nya mhamba kha nga giningwa nya thumo wanu; muthu wa vbavbandze a na hidzimelago avbovbo, a nafa.

Johane 13:15

Nyi mi ningideni gihevbudzo, gasi mu gire nenu nya nga idzo nyi nga mi girago.

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

1 Vakorinto 11:11

Ambari ulo, ga Pfhumu, mwalo nyamayi nyambana mwama, kha nga gambe a gu mwalo mwama nyambana nyamayi.

1 Vakorinto 3:5

Gasi ginani Apolo? Pawulo ginani? Sithumi basi; enu mu hakhide gukhodwa khu thumo wawe. Kholu moyo ni moyo nya ethu a gu thuma esi a ningidwego gu thuma khu Pfhumu.

1 Vakorinto 3:9

Kholu ethu hi sithumi hi thumago gumogo ni Nungungulu, gasi enu mu lithembwe la Nungungulu, mu nyumba a vbahago Nungungulu.

2 Vakorinto 1:24

Khandri ha gu vbweta gu fumela gukhodwa gwanu: Ha gu vbweta gu mi phasa gutsakani gwanu, kholu mu tiyide gukhodwani.

2 Vakorinto 4:5

Kholu ethu, kha hi dzi tshumayeli wurumba wathu, aholu ha gu tivisa Jesu Kristo, a gu Pfhumu. Ethu kha hiri gilo, hi sithumi sanu, khu lihaladzo la Jesu.

Dhewuteronome 32:9

Gipandre gya Pfhumu Nungungulu, khu vathu vaye, Jakobe khuye gipandre nya thomba yaye.

Vafilipi 3:17

Vandriyangu, landrani mavbanyelo yangu mu wuya mu gu pimedzela gambe vale va vbanyago khu mavbanyelo nyi va yeyedzidego.

Vafilipi 4:9

Guvbanyani gwanu thumisani esi mu hevbudego gwangu, esi mu nyi pwidego na nyi gu ganela ni esi mu nyi wonego na nyi gu gira, kharati, gurula ga Nungungulu gu na khala ni enu.

1 Vatesalonika 1:7

Khu kharalo, mu khade giwonelo ga vakhodwa vatshavbo va Makedhoniya ni va Akaya.

2 Vatesalonika 3:9

Khandri gukhwatshi hi diri mwalo fanelo nya guhakhe gilogyo.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.

Tito 2:7

Uwe nuwe gu vbwetega u khale giwonelo nya mithumo ya yadi ga satshavbo; guhevbudzani yeyedza lisine, u yeyedza gululama khu mavbanyelo yago.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.