1 Pedro 4:8 - Bhibhiliya Nya Guage

⁸ Aholu ga silo satshavbo, haladzanani khu gyanu nyamba pfhadzedzela, kholu, lihaladzo li ngu dzi kodza gu tsetselela sighoho nya singi.

1 Pedro 4:8 Iomraidhean Croise

Mavingu 10:12

Livengo la gu wusa mayunga, aholu lihaladzo la gu siha sighoho satshavbo.

Mavingu 12:16

Gipumbu gya gu dzegela gu yeyedza likhulo laye, aholu muthu nya mapimo a ngu dzi phara, a gu vadwa.

Mavingu 17:9

Uye a sihago gighoho a gu vbweta lihaladzo, gasi uye a gi hivelago a gu hambanisa wupari.

Mavingu 18:13

Uye a vbiredzelago gu hakha na si gu yingisi, a gu yeyedza wupumbu ni gu dzi thela dzitshoni.

1 Vakorinto 13:1

Ambari nari gupwani nya gu kodza gu ganela malimi yatshavbo nya vathu ni ayo nya dzingilozi, nyambana lihaladzo, magana yangu ma gu fanana ni ligwaha nya pundru wu dzumago, mwendro ni nyangendre a wombago.

1 Vakorinto 13:4

Lihaladzo li na ni gutimisela ni wuwadi. Lihaladzo li mwalo lidiwo, li mwalo matshandza ni gu dzi gugumugisa.

Vakolosi 3:14

Vbatshani nya satshavbo vegani lihaladzo a gu ilo li tshanganisago silo satshavbo.

1 Vatesalonika 3:12

Pfhumu a na engedzele ngudzu gu dandrisa lihaladzo lanu, li andra, mu haladzana moyo ni moyo, ni vathu vatshavbo. Lihaladzo lanu li na khale idzosaye ni eli hi gu nalo ethu khu enu.

2 Vatesalonika 1:3

I fanelo yathu gu dhumisa Nungungulu gikhati gyatshavbo khu enu, vandruye. Gu ngu yela gu gira kharalo kholu gukhodwa gwanu gu andride ni lihaladzo lanu li dandride, eli mu girelanago khu gyanu.

1 Thimoti 1:5

Aholu, fanelo nya gihevbudzo gyathu, khu gu wusa lihaladzo li dugago khu monyoni wu agidego, khu mapimoni nya yadi, ni gukhodwa nya lisine nyamba pfhadzedzela,

Vahebheru 13:1

Simamani mu haladzana khu gyanu kha nga va na ndruye ni ndruye.

Jakobe 5:12

Aholu, ga satshavbo, enu vandriyangu, mu nga sambanyi khu ndzadzini, ambari khu mafu, ambari khu gimbe gilo. Ganelani basi, khenu: “Ina,” a gu bani ari ina; khenu “Ahihi,” a gu bani ari ahihi, gasi mu si ningwi nandru.

Jakobe 5:20

Dzitini gukhenu: Oyu a wuyisago gighohi ndzilani nya gululame, a na vbanyisa hefemulo wa gighohi gyogyo, gambe a na gira gu tsetseledwa sighoho nya singi.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

3 Johane 1:2

Gigodwa gyangu, nyi ngu lombelela gukheni u vbanye gwadi womi wago kha nga edzi u gu wadi khidzo hefemuloni.