1 Pedro 4:7 - Bhibhiliya Nya Guage

⁷ Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

1 Pedro 4:7 Iomraidhean Croise

Genesi 19:35

Va di sedza wadwa babe wawe ni wutshigu wowo gambe, nyamahegyane nya nandra a di ya lala ni babe waye a ngamba pima gilo gikhati a nga ta lala ni gikhati a wugidego.

Genesi 6:13

Nungungulu a di embela Nowa, khuye: “Nyi fungide gu vbedza vathu vatshavbo, kholu litigo li tade khu guvivba khu kotani yawe. Nyi na va mbembisa gumogo ni mafu.”

Muhevbudzi 7:2

I tshukwana gu tutumela nyumbani nya gililo, guvbindra nyumbani nya buzo. Kholu avbovbo khavbo a gu mahegiso nya muthu; ni vale va vbanyago va fanede gu pimisa.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Ezekiyeli 7:6

Gu vbohide mahegiso! Mahegiso guvbohide, ma gu wugede; wona gukhuwe gu nguta.

Matewu 24:42

Khu kharato, khalani na mu dongide, kholu kha mu li ti litshigu yi tago Pfhumu yanu.

Matewu 25:13

Khu kharato, khalani na mu dongide, kholu kha mu liti litshigu ni gikhati a natago khigyo Mwamana wa Muthu.

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

Luka 21:36

Khu kharato, khalani na mu dongide, na mu gu lombelela gikhati gyatshavbo, gasi mu mane tshivba nya guvbuluge ga satshavbo si na gu dugelelago, mu kodza guta manwa khu Mwamana wa Muthu na mu nga tsaramide.”

Luka 22:46

A di va wudzisa, khuye: “Khu ginani mu lalago? Wugani, mu lombelela, gasi mu si beli gusengwani.”

Varoma 12:12

Nengelani gutumbani, mu timisela sigaradzoni, mu pharisa milombeloni.

1 Vakorinto 15:24

Khavbo avbo, gu na vboha mahegiso nya silo satshavbo! Na fuviside mufumo, ni dzitshivba ni valala vatshavbo, Kristo a na ningela mufumo mandzani ga Nungungulu Babe.

1 Vakorinto 7:29

Vandruye, nyi ngu mi embelani gukheni, matshigu madugwanana. Gukhugela olu, ava va gu ni vagadzi va na vbanye nga khwatshi va mwalo vagadzi;

Vaefeso 6:18

Lombelelani gikhati gyatshavbo nyamba garala khu tshivba nya Liphuvbo nya Guage; mu lindrela khu gutimisela ni gutumbega. Lombelelani vakhodwa vatshavbo nya libandla la Nungungulu.

Vafilipi 4:5

Wuwadi wanu wu na wonege ga vathu vatshavbo. Pfhumu a nata nyamba hwela.

Vakolosi 4:2

Pharisani gu gira nombelo khu hefemulo ni gu bonga khu monyo;

2 Thimoti 4:5

Aholu, uwe tiya u timisela sigaradzo satshavbo, dzi vegise thumoni gwago nya gutivise Mahungu nya Yadi, u vbedzisa thumo wago.

Tito 2:12

Wuhigo wowo wa gu hi hevbudza gu diga mavbanyelo nyamba khodwa, ni gu navela silo nya mafu yaya, gasi hi vbanye tigoni momu khu gu dzi phara, ni gululama, ni gutumbega ga Nungungulu.

Vahebheru 10:25

Hi nga digi, kha nga edzi va nga girago vambe, giolovedzo nya gubele mitshanganoni nya Libandla lathu. Aholu, hongoleni hi tiyiselane khu gyathu, ngudzungudzu olu enu mu wonago gukhenu Litshigu la Pfhumu li ngu vboha.

Vahebheru 9:26

Nari pwani a di gira kharato, a di vbweta gusaniseka dzinyondro nya dzingi, gukhugela guvangwa nya litigo. Olu gikhati gi yago guhegisani, uye a dzi wonegiside gumogo basi guvbela, afela gu fuvisa gighoho khu mhamba nya gufe gwaye.

1 Pedro 1:13

Khu guralo, dzi hungeni siwunu sanu, mu nga sengwi khu gilo; vegani gutumba gwanu gwatshavbo ga giningwa mu na gi hakhago litshigu Jesu Kristo a na gu dzi wonegisago.

1 Pedro 3:7

Enu nenu vama, vbanyani ni vagadzi vanu khu gurula ni githawo. Va phareni gwadi na mu gu dziti gukhenu nyamayi gyombo nya wukheta. Kholu avo navo va na hakha guvbanya gwa gumogo mu na gu hakhago nenu. Girani kharati gasi mu si dzuwungeli milombelo yanu.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

Gutuledwa 16:15

(Khalani na mu dzi dongisede kholu nyi na vboha kha nga mbafa; kategide wule a lirelago na vegiside dzingandzu dzaye gasi a si gimbili wumbwiri, dzitshoni dzaye dzi gu wonwa khu vathu).