1 Pedro 4:3 - Bhibhiliya Nya Guage

³ Gale enu mu luzide gikhati nya gingi khu gu girani esi va nya mayigo va si golago gu gira. Gikhati gyogyo, enu mu di gu vbanya wubhayini, ni gudogolela nya givili, ni wubewudzi, ni limidzo, ni guleva, ni gunyenyeza gwatshavbo nya gukhozele vanungungulu nya malipha.

1 Pedro 4:3 Iomraidhean Croise

2 Samuweli 13:28

Abhisalamo a di leletela madzaha yaye, khuye: Khedzani gwadi, gikhati monyo wa Amoni wu na gu bani wu tsakide khu wadwa, eni nyi na mi embelani, kheni: Songani Amoni, enu mu songeni nyambana hwanga, kholu kheni nyi mi rumago! Tiyani mu khale vama nya dzindrena.

1 Dzipfhumu 21:26

A di gira silo nya sikhongolo nya gunyenyeze, a khozela vanungungulu nya malipha, a landrela iso va girago vaamori, avo va nga tutumiswago khu Pfhumu Nungungulu, mbeli ga va na Israyeli.

2 Dzikoronika 15:8

Asa na pwide magana yaya, ni wuprofeti wa muprofeti Azariya, mwamana wa Obhedhi, a di tiya longo a dusela manyala yatshavbo nya gunyenyeze tigoni ga Judha ni ga Bhejami, gumogo ni madhoropani gwatshavbo a nga ma dwanela a ma wandra, gipandre gya mugigomoni gya Efrayimi; a wusedza giluvelo gya Pfhumu Nungungulu gi nga bani gi romo mbeli nya Nyumba ya Pfhumu Nungungulu.

Isaya 28:7

Aholu avo navo va ngu dhedhereka khu kotani nya vbinyu, kha va kodzi ni gu ema, kholu va sedego wadwa nya guvave. Ambari vaphasi nya mhamba ni vaprofeti va ngu dhedhereka khu kotani nya wadwa nya guvave ngudzu. Va levide khu vbinyu, va ngu dhedhereka khu kota nya wadwa; va gu profeta, va gu ganela mapongowongo, va tshomborosela mahungu gulamulani gwawe.

Isaya 5:11

Libango ga avo va vindrugelago gu wuga va landrisela mawadwa, va sela, va leva, kala ni vbakari nya wutshigu va vbiswa, khu wadwa.

Isaya 65:4

va khala marowoni va pilekelana wutshigu vbafuvbi ni malangani nya gusihalege; va hodza nyama nya dzikhumba, na vari ni muro nya silo nya gunyenyeze dzimbiyani gwawe.

Jeremiya 16:11

U na va hakha kharati, khuwe: Pfhumu Nungungulu a ngu ganela kharati, khuye: Khu kotani ya vababe vanu va nyi digidego va landrela vambe vanungungulu nyamba phasa gilo, va va khozela ni gu va thumela, va noga mbeli gwawe, va hambaniside nayo wangu va nyi pfhurarela.

Jeremiya 16:18

Khu guhegula, nyi na va bweledzela khu nyondro mbili tshatshazelo nya sighoho ni wuvivbi va nga nyenyezisago khuwo litigo langu, ni sirumbi nya sifananiso sawe, si nyenyezisago thomba yangu.

Ezekiyeli 44:6

Embela vathu vava nya guyeyise, va na Israyeli, khuwe: Mune Pfhumu Nungungulu, a ngu ganela kharati, khuye: Enu va na Israyeli, nga hegisani mithumo yanu yatshavbo nya manyala.

Ezekiyeli 45:9

Mune Pfhumu Nungungulu, a ngu ganela kharati, khuye: “Enu vafumeli va Israyeli, hegisani; digani dzihanyi ni gutshanisa, girani gululama ni wuwadi; digani gu wandra iso si gu sa vathu vangu; a ngu ganela Mune Pfhumu Nungungulu.

Marko 7:22

gumba khodwa, lidiwo, milembo, matshandza ni wupumbu.

Mithumo 17:30

Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Varoma 13:13

Hongoleni hi vbanye khu gululama nga vathu va vbanyago safani nya mihani; hi nga vbanyeni khu wukhondrobwa ni guleva; hi nga vbanyi wuphuphuluni ni mithumo nyamba yadi; hi nga vbanyeni khu gu dwana ni lidiwo.

1 Vakorinto 12:2

Mu ngu dzitini gukhenu na mu si gu hakhi gukhodwa, mu di gu khozela vanungungulu nya malipha, nya dzimbeveve.

1 Vakorinto 6:11

Vbakari gwanu vomo va nga bani vari ni mavbanyelo yoyo. Olu mu handzidwe, mu agiswa, mu gu girwa vathu nya gululame linani ga Pfhumu Jesu Kristo, khu tshivba nya Liphuvbo la Nungungulu wathu.

2 Vakorinto 12:21

Gasi Nungungulu wangu a si nyi theli dzitshoni vbakari gwanu, nya gu vboha gambe iyoyo. Ni gulilela vale va nga girago sihoso gale, va si vbindrugedzi guvivbani gwatshavbo, ni gu dzi nyenyezisa khu wubhayi va wu giridego.

Vagalatiya 5:19

Kholu mithumo ya tumbunugo nya wuthu yi wonegisidwe hiyo dhunya; kheyi: Wubhayi, wuphuphulu, horo,

Vagalatiya 5:21

lidiwo, wughevenga, wubewudzi, limidzo, wubhemba ni silo nya nga esi; nyi ngu mi laya, kha nga nyi talago gu mi embela khu gale, kheni: Oyu a girago silo nya nga esi, gima kha na nga hodza thomba nya Mufumo wa Nungungulu.

Vaefeso 5:18

Mu nga levi khu wadwa mu nga dwanisana, aholu khalani na mu tade khu Liphuvbo nya Guage.

1 Vatesalonika 4:5

Mu nga dzumeli gu ndrindrwa khu maalakanyo nya guvivbe nga edzi va girago vale va gu mwalo gukhodwa ga Nungungulu.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

1 Pedro 1:14

Khalani sanana nya guyingise, mu nga dzumeli guvbanya gwanu gu fumwa khu gunavela nya mavbanyelo yanu ya gale; na mu si gu pimini gilo.

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.