1 Pedro 4:1 - Bhibhiliya Nya Guage

¹ Kha nga ulo Kristo a nga saniseka givilini gwaye khu kotani gwathu, enu nenu gu vbwetega mu saniseka kha nga edzi a nga saniseka khidzo uye. Kholu, oyu a sanisekago givilini kha dzi digi a fumedwa khu gighoho.

1 Pedro 4:1 Iomraidhean Croise

Isaya 1:16

Hambani, mu dzi agisa, ndreyisani mahoni gwangu sigiro sanu nya guvivbe, si yiseni hwindzo ni eni; digani gu gira mithumo nya guvivbe.

Ezekiyeli 16:41

Avo va na vbisa dzinyumba dzago khu nilo, va gu tsayisa nu gu wonwa khu vanyamayi nya vangi. Nyi na gu gira u vbedze wubhayi, u si engedzi gambe gurengelela sibhayi sago.

Marko 3:3

Khavbo avbo, Jesu a di embela mwama nya gulimale libogo, khuye: “Delu u ta ema vbakari vbavba.”

Varoma 6:11

Kharato nenu, dzi gireni kha nga vathu va fudego va gu hambana ni gighoho, aholu, va vbanyago gumogo ni Kristo, va gu vbanyela Nungungulu.

Varoma 6:2

Khandridzo, gima kha hi na gira kharato! Ethu hi fudego khu kota nya gighoho, hi na dzi kodza gambe kharini gu simama hi vbanyela mugighohoni?

Varoma 6:7

Kholu muthu a fudego tshulegide wugumbini nya gighoho.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.

Vaefeso 6:13

Khavbo avbo, dzi vhikeleni khu matshari mu ningwago khu Nungungulu, gasi mu pharise gutiya gikhati nya gulingwe, mu kodze gupala sigaradzoni gwatshavbo.

Dhewuteronome 27:10

khu guralo, yingisani satshavbo iso Uye a mi rumago, ni gu landrisa sirumo ni milayo yatshavbo eyi muhuno nyi mi ningago.”

Vafilipi 2:5

Gu vbwetega mavbanyelo yanu ma fanana ni mavbanyelo ya Kristo Jesu.

Vahebheru 12:3

Alakanyani gusaniseka gwaye, ni edzi a nga timiselago khidzo likhulo nya sighohi. Kharato, enu nenu mu nga vbeli tshivba, mu bwelelela hwane.

Vahebheru 4:10

Kholu, oyu a belago guhefemulani gwa Nungungulu a na rula mithumo yaye yatshavbo a gu hefemula nga edzi a hefemudego khidzo Nungungulu.

1 Pedro 2:21

Kholu, khiso a mi ranedego iso. Uye Kristo, wurumba waye, sanisekide kotani yanu, a hi ninga giwonelo gasi hi landra ndzila yaye.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.