1 Pedro 3:9 - Bhibhiliya Nya Guage

⁹ Mu nga bweledzeli guvivba khu guvivba, ambari guvala khu guvala. Aholu kategisani kholu mu ranedwe guta hakha gikategiso.

1 Pedro 3:9 Iomraidhean Croise

Genesi 42:25

Josefa a di ruma sithumi saye gukhuye si va tadzele dzisaku dzawe khu sivbila; aholu dzitsapawu dza moyo ni moyo va dzi thela mu dzisakuni gwawe, va va ninga gambe dzimbuva nya guhodze khu ndzila. Va di gira satshavbo sesi.

Mavingu 17:13

Uye a bweledzelago wuwadi khu guvivba, libango gima kha la na duga ndrangani gwaye.

Mavingu 20:22

Wa gu giredwa guvivba khu muthu u nga ganeli, khuwe: “Nyi na phodza!” Tumba Nungungulu, uye a na gu phasa.

Mavingu 28:10

Uye a ndreyisago va nya gululama a va yisa ndzilani nya guwegele, a na thegela phalani a li kembidego abune, aholu uye a si dzumeligo gu sengwa, a na mana tshatshazelo nya wadi.

Matewu 19:29

Gasi watshavbo wule a nga digago ndranga, vandruye, nya vama ni vanyamayi, babe, mayi, mwangadzi, sanana ni sipeto khu kotani nya lina langu, a na si mana na si engedzedwe lizana dzinyondro, bwelo khavbo a mana guvbanya nya gupindruge.

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Matewu 5:39

Gasi eni nyi ngu mi embelani gukheni: Mu nga dzi vhikeli ga valala vanu. Wa gu vetwa pama gihaya gya nyamudye, ningedzela gambe gya nyambade.

Matewu 5:44

Gasi eni nyi ngu mi embelani gukheni: Golani valala vanu; lombelelani khu vale va mi sanisago.

Marko 10:17

Na gu duga a hongola, a di khingwa khu mwama na gu tutuma, a ta khidzima migondroni gwaye a mu wudzisa, khuye: “Muhevbudzi nya wadi, ginani nyi fanelago gu gira gasi nyi mane guvbanya nya gupindruge?”

Luka 10:25

Khavbo avbo, a di khuga muhevbudzi moyo nya Nayo a mu wudzisa, na gufela gu mu linga, khuye: “Muhevbudzi, ginani nyi fanelago gu gira gasi gu mana guvbanya nya gupindruge?”

Luka 18:18

Mujudha moyo nya guthavisege a di mu wudzisa, khuye: “Muhevbudzi nya wadi, ginani nyi fanelago gu gira, gasi nyi mane guvbanya nya gupindruge?”

Varoma 12:14

Lombelelani khu vale va mi tshanisago, va kategiseni, mu nga va vali.

Varoma 12:17

Mu nga bweledzelini guvivba khu guvivba, aholu dzi garadzeni khu gu girela gwadi vathu vatshavbo.

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

Varoma 8:30

a va a nga bani a va hathide khu gale. Avo a nga va ranago a va giride vathu nya gululame, a va ninga wuhigo nya guhengele wudhumoni gwaye.

Vagalatiya 3:14

Esi si giregide gasi gikategiso, gi tumbisidwego Abrahama, gi vbohe, khu Kristo, ga vale va si gu Vajudha ni gu ethu hatshavbo, khu gukhodwa, hi hakhe Liphuvbo nya gitumbiso.

Vaefeso 4:32

Khalani vathu nya ndruda, mu pwelana wusiwana, mu tsetselelana khu gyanu, kha nga Nungungulu a mi tsetseledego khu ga Kristo.

1 Vatesalonika 5:15

Mu nga bweledzelani guvivba khu guvivba. Aholu girelanani wuwadi vbakari gwanu ni vatshavbo.

Vahebheru 12:17

Kha nga mu dzitigo nya gukhenu, khu hwane a di vbwetide gu hakha gikategiso gya babe waye, aholu a di bombedwa kholu, kha ga manega lipindru nya guvbindrugedze esi a nga bani na giride, ambari a nga lila khu gu vbweta gu si vbindrugedza.

Vahebheru 6:14

“Nyi ngu tumbisa gukheni nyi na gu kategisa uwe, nyi gu ninga sanana nyambana tengo.”

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.

1 Samuweli 26:11

Pfhumu Nungungulu a na ndreyise gu khusa gyandza gyangu nyi songa uye a todzidwego khu mafura khu Nungungulu; gasi olu, dzega litshari li khadego mihungoni gwaye gumogo ni ngoto nya mati, hi hongole.”