1 Pedro 3:8 - Bhibhiliya Nya Guage

⁸ Gu vbwetega mwatshavbo mu hengela mapimo ni monyo moyo, mu golana khu gyanu khu lihaladzo nya wundruye, muri vathu nya gurule ni gu dzi sodzisa.

1 Pedro 3:8 Iomraidhean Croise

Dzindzimo 103:13

Kha nga babe a tsetselelago sanana saye, kharato nugo Pfhumu Nungungulu a ngu tsetselela vale va mu ningago githawo.

Mavingu 28:8

Uye a andrisago thomba yaye khu guvelegisa dzitsapawu nya gufiyarise, a gu yi hengeledzela uye a pwelago wuhindzi sisiwana.

Zakariya 7:9

Pfhumu Nungungulu nya Tshivba Yatshavbo a ngu ganela kharati, khuye: “Lamulani khu gululama ni lisine, nonedzani wuwadi ni wuhindzi, moyo ni moyo a na pwele wuhindzi ndriyaye.

Matewu 18:33

Ina khwa nga yela nuwe gutsetselela mungana wago kha nga eni nyi nga gu tsetselelago, gani?’

Luka 10:33

Aholu a di vbindra Musamariya, a nga bani ari ni lipfhumba laye, na mu wone, a di mu pwela gisiro,

Mithumo 2:1

Na li vbohide litshigu nya Pentekosta, vatshavbo va di tshanganide wulanga wumowo.

Mithumo 27:3

Na gugide, hi di vboha siwoni ga Sidhoni, Juliyo a di sayisa gwadi Pawulo; a mu dzumedzisa gu duga aya wona valongo vaye, afela gu mana gu phasedzedwa khavo.

Mithumo 28:7

Vbafuvbi vbale ma diromo mahange ma nga bani ma gu lumba Pubhiliyo, mufumeli nya gidwa gile. A di hi hakha gwadi hi khala ndrangani gwaye matshigu mararu.

Mithumo 4:32

Talo nya vathu va nga khodwago va di gu vbanya khu monyo moyo ni hefemulo moyo. Mwalo muthu a nga bani a gu thula gilo gyaye khuye egi khyangu, aholu va di hengela silo satshavbo.

Varoma 12:10

Golanani khu lihaladzo nya wundruye, mu palisana khu gu ningana githawo.

Varoma 15:5

Uye Nungungulu a gu gifefe nya gutimisele ni gutiya gwatshavbo a na mi ningeni gupwanana moyo ni moyo mu fanana ni Jesu Kristo.

1 Vakorinto 1:10

Vandriyangu, nyi ngu mi lombani khu lina la Pfhumu yathu Jesu Kristo, gukheni: Pwananani, mu ganela gilo gimwegyo; gu nga manegi guhambana vbakari gwanu; hengelani mapimo ni monyo moyo.

1 Vakorinto 12:26

Gya gu saniseka givbango gimwegyo, satshavbo sa gu saniseka gumogo nagyo; gya gu zundzwa givbango gimwegyo, satshavbo sa gu nengela gumogo nagyo.

Vaefeso 4:2

Vbanyani gikhati gyatshavbo khu gu dzi sodzisa ni gurula, ni gutimisela. Mu yeyedzana, kharato, lihaladzo vbakari gwanu.

Vaefeso 4:31

Fuvisani vbakari gwanu dzitshikwi, likhulo, gigaha, ligwaha ni milembo, gumogo ni guvivba gwatshavbo.

Vaefeso 4:32

Khalani vathu nya ndruda, mu pwelana wusiwana, mu tsetselelana khu gyanu, kha nga Nungungulu a mi tsetseledego khu ga Kristo.

Vafilipi 2:3

Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

Vafilipi 3:16

Aholu, ni ga mevbini magirelo, hongoleni hi simame gulandra khu ndzila yeyi hi tago na hi gu yi landra khu gale.

Vakolosi 3:12

Enu mu vathu va Nungungulu, kholu uye a ngu mi haladza, gambe a mi hathide. Khu kharato, gu vbwetega muri ni monyo nya gupwele wusiwana, nya ndruda, nya gu dzi nogise, nya gurule ni gutimisela.

Vahebheru 13:1

Simamani mu haladzana khu gyanu kha nga va na ndruye ni ndruye.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Jakobe 3:17

Aholu guti gutago khu ga Nungungulu khu gule gu tengidego, nya gurule, nya gwadi, nya gutale khu wuhindzi. Wa gu ninga mihandro nya mithumo ya yadi. Guti gogu gu mwalo maalakanyo nya guvivbe, mwendro gu pfhadzedzela.

Jakobe 5:11

Ha gu wona gukhethu avo va tsakide kholu va nga timisela sigaradzo. Enu mu pwidego na gu ganedwa khu gutimisela ga Joba, mu ngu dzitini edzi Nungungulu a nga mu kategisa khidzo. Kholu Pfhumu tade khu wuwadi ni wuhindzi.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

1 Pedro 2:17

Vegani githawo ga vathu vatshavbo, haladzani vandriyanu nya gukhodwe, thavani Nungungulu mu vega githawo ga mufumeli.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”

2 Pedro 1:7

githawo ga Nungungulu mu gi tadzisa khu gupwanana nya wundruye; gupwanana nya wundruye, mu gu tadzisa khu lihaladzo.

1 Johane 3:14

Hi ngu dziti gukhethu hi dugide khu gufani hi bela guvbanyani. Ha gu dziti kholu hi ngu haladza vandriyathu. Oyu a si haladzigo ndriyaye a nga fude.