1 Pedro 3:7 - Bhibhiliya Nya Guage

⁷ Enu nenu vama, vbanyani ni vagadzi vanu khu gurula ni githawo. Va phareni gwadi na mu gu dziti gukhenu nyamayi gyombo nya wukheta. Kholu avo navo va na hakha guvbanya gwa gumogo mu na gu hakhago nenu. Girani kharati gasi mu si dzuwungeli milombelo yanu.

1 Pedro 3:7 Iomraidhean Croise

Joba 42:8

Khu guralo, dzegani livbandre na dzimbili dzikuzi nya dzimombe, ni livbandre na dzimbili dzihamba, mu hongola nadzo ga githumi gyangu Joba, mu ya gira khidzo phaselo nya guvbiswe. Githumi gyangu Joba gi na mi lombelelani eni nyi na hakha khavbo gwaye nombelo wanu. Gasi khu guralo, kha nyi na mi tsayisa ambari olu mu ngamba gira silo nya gululame avbo gwangu, mu si fanani ni githumi gyangu Joba.”

Matewu 18:19

Nyi ngu mi embelani gambe, kheni: Va gu tshangana vavili vanu, mafuni, gasi gu lomba gilogyo, va na ningwa khu Babe wangu a guromo Ndzadzini.

1 Vakorinto 7:3

Mwama a na ninge mwangadzi waye esi si gu fanelo nya nayo nya dzegano, anuye nyamayi a na gire kharato ga mwama waye.

Vaefeso 3:6

Sihalo nyi wu thulago khowu: Khu tshivba nya Mahungu nya Yadi, vale va si gu Vajudha va emisedwe navo guya hengela gumogo ni Vajudha gu hodza thomba Nungungulu a yi vegisedego vathu, kholu avo navo sivbango nya givili gya gimwegyo, gambe va na ni wulanga avba nya gisambanyo gya Nungungulu khu ga Jesu Kristo.

Vaefeso 4:30

Mu nga theli wusiwana Liphuvbo nya Guage la Nungungulu, kholu Liphuvbo khigyo gifungo mu lovidwego khu Nungungulu. Khigyo mu nata tidwago khigyo litshigu Nungungulu a natago a ta mi tshula wugumbini nya guvivbe gwatshavbo.

Vaefeso 5:33

Moyo ni moyo nya enu a na haladze mwangadzi waye nga edzi a dzi haladzago khidzo wurumba waye. Nyamayi a na ninge githawo mwama waye.

Vaefeso 6:18

Lombelelani gikhati gyatshavbo nyamba garala khu tshivba nya Liphuvbo nya Guage; mu lindrela khu gutimisela ni gutumbega. Lombelelani vakhodwa vatshavbo nya libandla la Nungungulu.

Vakolosi 3:19

Enu vama, haladzani vagadzi vanu, mu nga va goroseli.

1 Vatesalonika 4:4

gasi moyo ni moyo a kodza gu thumisa khu githawo givili gi mu lumbago.

Tito 3:7

Giride kharato, gasi khu wuhigo waye hi fela gu hakhwa khu Nungungulu, hi mane guvbanya nya gupindruge hi gu lindredego.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

1 Pedro 3:1

Enu nenu vanyamayi mu guromo wugadzi, yingelani vama vanu, gasi va gu bani varomo vambe va si khodwigo, va ndrindrwe vata khodwa, nasiri khu magana, aholu khu mavbanyelo ya vagadzi vawe.