1 Pedro 3:5 - Bhibhiliya Nya Guage

⁵ Khidzo kharato, vanyamayi va gale nya ndruda va nga bani va dzi mburisela khidzo, va di vega gutumba gwawe ga Nungungulu, ni gu yingisa vama vawe.

1 Pedro 3:5 Iomraidhean Croise

Mavingu 31:10

Khu mani saye a kodzago gu mana nyamayi nya wadi, kholu tengo waye wungi guvbindra siwindri nya gukhedzige.

Mavingu 31:30

Guyedwa gu ngu pfhadza, ni wumburi wu ngu vbela, aholu nyamayi a thavago Pfhumu Nungungulu, khuye a zundzegago.

Jeremiya 49:11

Diga sigulungu sago; kholu eni nyi na si sayisa si vbanya, ni dzinoni dzago nidzo dzi na tumbe eni.”

Luka 2:37

Gi vbanyide ni mwama waye livbandre na mivili myaga. Na gi tshidwe, gi di vbanya kha nga gifurugadzi kala gi nga enedza livbandre na mararu magumi na mina (84) myaga. Gi di gu khala Nyumbani ga Nungungulu, umo gi nga bani gi thumela Nungungulu wutshigu ni mihani, na gi lombelela ni gu hala.

Mithumo 1:14

Vatshavbo khu gu pwanana va di pharisa gu gira milombelo, gumogo ni vanyamayi nya gukari ni Mariya mayi wa Jesu ni vandriyaye.

Mithumo 9:36

Tigoni ga Jope a di romo, vbakari nya vapizane, nyamayi moyo nya gupwani Tabhita, gu tshamusago gupwani “Yisya!” Adiri muthu nya mithumo ya yadi, a di phasedzela sisiwana.

Vaefeso 5:33

Moyo ni moyo nya enu a na haladze mwangadzi waye nga edzi a dzi haladzago khidzo wurumba waye. Nyamayi a na ninge githawo mwama waye.

1 Thimoti 2:10

Va na ambale nga edzi gu yelago khidzo vanyamayi, va dzi garadze khu gu tsakisa Nungungulu khu mithumo ya yadi, kha nga edzi gu lombago khidzo ga vanyamayi va khodwago.

1 Thimoti 2:15

Aholu, nyamayi a na vbanyiswa khu gu velega sanana, ni guvbanya khu gukhodwa ni lihaladzo ni githawo ni gu dzi phara.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

1 Thimoti 5:5

Oyu a gu noni, khu lisine, nari mwalo waye, a gu vega gutumba gwaye ga Nungungulu gikhati gyatshavbo, a gu lombelela ni gu dhumisa Nungungulu wutshigu ni mihani.

Vahebheru 11:11

Khu gukhodwa, Sara nuye manide mathomo nya gukhure mimba a velega gyanana, ambari a nga bani a vbindredwe khu tanga nya guvelege. Uye a di khodwa gukhuye Nungungulu a na tadzisa gitumbiso gyaye.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

1 Samuweli 2:1

Ana a di lombelela a ganela, khuye: “Monyo wangu wu ngu nengela ga Pfhumu Nungungulu, ni hefemulo wangu, wu ngu rungudza Pfhumu Nungungulu; likana langu, li ngu hega valala vangu, kholu nyi ngu tsakela guvbanyisa gwago.