1 Pedro 3:3 - Bhibhiliya Nya Guage

³ Mu nga dwaneli gu dzi mburisela khu vbavbandze, khu gu luga mindzudzu, ni guambala dziphera ni maniya nya ndralama, ni dzingandzu nya gurengwe khu dzitsapawu nya dzingi.

1 Pedro 3:3 Iomraidhean Croise

Genesi 24:22

Avbo dzi nga vbedzago gu sela dzingameriya dzatshavbo, mwama a di dusa phera nya gipandre nya pimo nya ndralama, ni maniya mavili nya likhumi mipimo nya ndralama.

Genesi 24:47

Khavbo avbo, nyi di mu wudzisa gukheni u gyanana gya mani. Uye a di nyi hakha, khuye: Nyi gyanana gya Bhetuweli, mwamana wa Nahori ni Milika. Khavbo avbo, nyi di mu ambagisa phera vbathonvutunu ni maniya mawogoni gwaye.

Genesi 24:53

Gi di dusa sombo nya parata, sombo nya ndralama ni guambala gi ninga Rebheka; gi ninga gambe sombo nya lisima ga ndriyaye ni ga mayi waye.

2 Dzipfhumu 9:30

Jewu a dita Jezireyeli, Jezabheli, na pwide gu vboha gwaye, a di todza maho yaye, a mburisela hungoni gwaye, a khedzisela khu vbagihogwanatunu.

Dzindzimo 45:9

Vbakari ga vanyamayi va nyumbani nya wufumu somo sanana nya dzimbiri dza vafumeli, nyamudye gwago yi emide pfhumugadzi yi mburisedwego khu ndralama nya guhutwe ya Ofiri.

Ekisodha 3:22

“Nyamayi ni nyamayi, a na lomba ga muakelane waye, ni oyu a vbanyago naye ndranga mweyo sombo nya parata ni esi nya ndralama ni guambala mu na ambagisago sanana sanu nya madzaha ni esi nya vanyamahegyane, khu magirelo yaya mu na phangani Vagipiti.”

Ekisodha 32:2

Khavbo avbo, Aroni a di va hakha, khuye: “Dusani dziphera nya ndralama dzi guromo dzindzeveni dza vagadzi vanu, dza sanana sanu nya sikhwathana nesi nya sagadzyana, mu nyi resela avba.”

Ekisodha 33:4

Vathu na va pwide magana yaya nya gugaradze, va di tala khu guswihala, ni moyo wawe kha nga tiyela guambala dziphera ni sombo nya gu dzi mburisele.

Ekisodha 35:22

Vama ni vanyamayi ni vatshavbo nya myonyo nya wuhindzi; va dita na va pharide masindra ni dziphera ni maniya, ni mafumbu yatshavbo nya simburiselo nya gugirwe khu ndralama; moyo ni moyo a di ta bikela ningelo waye nya ndralama owu a wu dongisedego gu ningela Pfhumu Nungungulu.

Ekisodha 38:8

A di gira ginamelo nya sugu ni gidzigaredzo nya sugu nigyo; giride esi khu mabona ya vanyamayi va nga bani va gu thumela nyangwani nya Tshatsha nya Tshangano.

Isaya 52:1

Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 4:30

Gasi olu uwe Jerusalema, u tshadego wenga nuri marumbi, u na gira gambe ginani? Ambari u ambalago guambala nya giwunguwungu, u dzi mburisela khu siphatiphati nya ndralama, u engedzela gu pendra maho yago, ni gu tola mafura nya gunungele; sibhayi kha si gu khathaleli gambe, sa gu vbweta gu gu songa.

Ezekiyeli 23:40

Avo va di ranisa vama nya gute khu mayigo ya hwindzo; va di rumedwa mwango, va dita va ta mana vanyamayi vava na va hambide, va dzi pendra ni maho ni gu dzi mburisela khu mikarara.

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

1 Pedro 3:2

Kholu va na wona mavbanyelo yanu nya yadi nya githawo.