1 Pedro 3:12 - Bhibhiliya Nya Guage

¹² Kholu, Pfhumu, maho yaye ma gu khedza vathu nya gululame; gikhati gyatshavbo a gu yingisa milombelo yawe. Aholu, a ngu wugela avo va girago guvivba.”

1 Pedro 3:12 Iomraidhean Croise

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

2 Dzikoronika 7:15

Olu maho ni dzindzeve dzangu, si tulegide gu yingisa nombelo wa wulanga wowu,

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 33:18

Maho ya Pfhumu Nungungulu, ma gu khedza vale va mu ningago githawo, ni ga vale va tumbago wuhindzi waye,

Dzindzimo 65:2

Uwe u yingisago milombelo, vathu vatshavbo va nata avbo gwago.

Dzindzimo 80:16

Valala vathu va li kokide va li vbisa. Wona vathu vava, u va mbembisa khu likhulo lago.

Mavingu 15:29

Pfhumu Nungungulu kha hidzimeli vbafuvbi ga va nya guvivbedwa khu monyo, aholu a na yingisa milombelo ya va nya gululama.

Mavingu 15:3

Maho ya Pfhumu Nungungulu momo malangani yatshavbo, a khedza va nya guvivbedwa khu monyo ni va nya gululama.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Jeremiya 21:10

Kholu Pfhumu Nungungulu a ngu ganela kharati, khuye: Nyi dzi emisede gu veta lidhoropa leli, khu kotani nya sighoho saye nasiri khu wuwadi; li na thega mandzani ga mufumeli wa Bhabhiloni, uye a li vbisa khu nilo.

Jeremiya 39:12

“Gimbila uya mu dzega, gambe mu sayise gwadi; u nga mu tshanisi, aholu gira iso a na gu gu lombago.”

Ezekiyeli 15:7

Nyi na va wugela; avo va na duga khu niloni, aholu, nilo wu na va dagaredzisa; khavbo mu na dzitigo gukhenu Eni kheni Pfhumu Nungungulu, gikhati nyi na gu va wugelago.

Levhi 17:10

“Gani khu wevbini muthu wa nyumbani ga Israyeli, mwendro valuveli va vbanyago vbakari gwawe, a na hodzago novba, gani lifumbu muni, nyi na mu wugela muthu yoyo a hodzago novba, nyi mu fuvisa vbakari nya vathu vaye.

Levhi 20:3

Nyi na thendregedza nyi wugela muthu yoyo, nyi mu fuvisa vbakari ga na gyawe, kholu ningede gyanana gyaye gi gira mhamba nya guphasedwe Moloki, a nyenyezisa kharati wulanga wangu nya guage ni gu vivbisa lina langu nya guage.

Levhi 20:6

Muthu ayago ga vanyasikwembu, ni va nya gulola dzisolo, a dzi ningedzela gukhodwa ga silo soso, Eni nyi na mu wugela nyi mu fuvisa vbakari ga va na gyawe.

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Zakariya 4:10

Khu mani a kanyisago litshigu nya silo nya sidugwana? Vatshavbo va na kulungela gikhati va na wonago giwindri giri mandzani ga Zorobhabheli.”

Johane 9:31

Hi ngu dziti nya gukhethu Nungungulu kha yingisi sighohi, aholu a gu yingisa vale va mu ningago githawo ni gu gira gugola gwaye.

Dhewuteronome 11:12

litigo li sayiswago khu Pfhumu Nungungulu wanu, maho ya Pfhumu Nungungulu wanu, momo avbovbo gikhati gyatshavbo, gukhugela guphelani kala guhegisani nya mwaga.

Jakobe 5:16

Khu guralo, embeledzelanani siwono sanu, mu girelana milombelo khu gyanu, gasi mu hawuluga. Nombelo wa muthu a lulamidego wu na ni tshivba.