1 Pedro 3:1 - Bhibhiliya Nya Guage

¹ Enu nenu vanyamayi mu guromo wugadzi, yingelani vama vanu, gasi va gu bani varomo vambe va si khodwigo, va ndrindrwe vata khodwa, nasiri khu magana, aholu khu mavbanyelo ya vagadzi vawe.

1 Pedro 3:1 Iomraidhean Croise

Genesi 3:16

A di embela gambe nyamayi, khuye: “Nyi na gu gira u wona sigaradzo mimbani gwago, u na velega sanana khu wuvi nya wukhongolo, ambari ulo, u na khala lidora ngudzu nya mwama wago, aholu uye a na gu fumela.”

Mavingu 11:30

Handro wa muthu nya gululame, simbo wu ningago womi, muthu a dwanelago mihefemulo, muthu nya guti.

Mavingu 18:19

Guphasa ndriyago a gorogidego, gu lemede ngudzu guvbindra gupfhungumula lidhoropa li bhiyidwego khu likhokhola; mayunga ma gu fanana ni sikwinyaro nya likhokhola.

Matewu 18:15

“Wa gu wona gukhuwe ndriyago a gu ghohede, indra u ya mu kawuka na muri enu mwa vavili basi. A gu gu yingisa, u na bani u vbanyiside ndriyago.

Varoma 10:16

Kholu khandri vatshavbo va dzumelago Mahungu nya Yadi. Isaya ganede kharati, khuye: “Khu mani a khodwego khu mahungu hi tivisidego?”

Varoma 6:17

Khu guralo, a na bongwe Nungungulu! Kholu enu gale mu nga bani muri dzikhumbi nya gighoho, olu mu ngu landrisa khu myonyo yanu yatshavbo ndzila nya sihevbudzo mu hakhidego.

Varoma 7:2

Kha nga nyamayi a dzegidwego, hungidwe khu nayo ga mwama waye gikhati gyatshavbo nya guvbanye ga mwama waye. Aholu hwane nya gu na fude mwama waye, nyamayi a gu tshulega ga nayo nya dzegano.

1 Vakorinto 11:3

Aholu, nya gu vbweta mu dzitini gukhenu Kristo khuye hungo a fumelago vathu vatshavbo, kha nga mwama a fumelago nyamayi, kha nga Nungungulu a fumelago Kristo.

1 Vakorinto 14:34

vanyamayi va nga ningwi wulanga va ganela mitshanganoni. Khandri gwadi vanyamayi gu ganela mu vathuni. Avo va na yingise kha nga edzi wu rumago khidzo Nayo wa Mosi.

1 Vakorinto 7:16

Kholu u na dziti kharini, uwe nyamayi, gukhuwe u na vbanyisa mwama wago? Mwendro wa gu dziti kharini uwe mwama gukhuwe u na vbanyisa mwangadzi wago?

Vaefeso 5:33

Moyo ni moyo nya enu a na haladze mwangadzi waye nga edzi a dzi haladzago khidzo wurumba waye. Nyamayi a na ninge githawo mwama waye.

Vakolosi 3:18

Vagadzi, yingelani vama vanu, kholu khiso si yelago ga vale va khodwago ga Pfhumu.

Vakolosi 4:5

Vbanyani khu guti ni mapimo vbakari nya vale va si khodwigo, mu londrola gwadi gikhati mu gu nagyo.

2 Vatesalonika 1:8

A nata khu vbakari nya nilo ata tsayisa vale va si khodwigo ga Nungungulu, ni ava va si hakhigo Mahungu nya Yadi ya Pfhumu yathu Jesu Kristo.

Vahebheru 11:8

Khu gukhodwa, Abrahama a di yingela, gikhati a nga ranwa. A khuga a hongola ga litigo a nga tumbiswago gu ningwa kha nga thomba yaye. A di diga litigo laye nyamba guti a gu hongola hayi.

Vahebheru 5:9

Na tadzisegide thumoni gwaye, a di khala gibuga nya guvbanye nya gupindruge ga vale va mu yingelago.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

1 Pedro 3:2

Kholu va na wona mavbanyelo yanu nya yadi nya githawo.

1 Pedro 3:7

Enu nenu vama, vbanyani ni vagadzi vanu khu gurula ni githawo. Va phareni gwadi na mu gu dziti gukhenu nyamayi gyombo nya wukheta. Kholu avo navo va na hakha guvbanya gwa gumogo mu na gu hakhago nenu. Girani kharati gasi mu si dzuwungeli milombelo yanu.

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?