1 Pedro 2:8 - Bhibhiliya Nya Guage

⁸ Gambe giwindri gi na gu tshunganisago vathu; giwindri gi na gu va thesago. Avo va tshunganede kholu va ngamba khodwa khu Mahungu, khiso si dongisedwego avo.

1 Pedro 2:8 Iomraidhean Croise

Joba 23:14

Kholu Uye a na tadzisa iso a si suvidego vbatshani gwangu, ni simbe silo a nga gu si pimisago khu monyoni gwaye.

Ekisodha 9:16

Aholu nyi gu digide u vbanya, khu gufela gukheni u wone tshivba yangu, ni gukheni lina langu li tidwe tigoni gwatshavbo.

Isaya 37:26

Ina khwa si pima gukhuwe gukhugela gale kheni nyi dongisedego makungo yaya, gani? Gasi olu, nya gu ma gira ma tadzisega, eni nyi dzinide gukheni uwe u khungumule madhoropa nya makhokhola, ma vbindrugedza ma khala marumbi.

Isaya 57:14

Gu na ganedwa pwani: “Polani ndzila, langaladzelani mafu, agisani ndzila mu dusa sitshunganiso ndzilani ga vathu vangu.”

Isaya 8:14

Uye a na bani ari wulanga wanu nya miphaso; kholu a na khala kha nga giwindri nya gutshunganise ni givalo nya dzinyumba dza dzimbili dza Israyeli, ni naphwi nya gutshunganise vavbanyi va Jerusalema.

Luka 2:34

Simiyoni a di va kategisa, a gu embela Mariya, mayi wa Jesu, khuye: “Gyanana gegi gi emisedwe gu khunguvanyisa ni gu wusa vathu nya vangi va na Israyeli; gi na vanga guganedzisana;

Varoma 9:22

Ha gupwa ginani ethu, Nungungulu a gu bani a dzinide gu yeyedza likhulo laye ni gu wonegisa tshivba yaye? Uye yeyedzide guhunisela nya gukhongolo ga vale va nga bani va gu yela gu mana sitsayiso nya likhulo laye, va nga bani va gu yela gu fuviswa.

1 Vakorinto 1:23

Gasi ethu ha gu tivisa Kristo a khokhothedwego vbagihambanotunu. Mahungu yaya ma gu khunguvanyisa Vajudha, ma wonwa kha nga wupumbu khu vale va si gu Vajudha.

2 Vakorinto 2:16

Ga vale va mbembago, mahema nya lufu ma vangago gufa, ga vale va vbanyiswago mahema nya womi ma vangago guvbanya. Khu wevbini muthu a yedwago khu thumo wowu?

Vagalatiya 5:11

Vandruye, nari pwani eni nya gu hevbudza nayo nya wugwera, khu ginani nyi nga gu saniswago? Kholu nari pwani kharato, mahungu nyi tivisago ya Kristo a khokhothedwego vbagihambanotunu ma di si vbweti gu khala gikhunguvanyiso ga muthu.

1 Vatesalonika 5:9

Khu kharalo, Nungungulu kha hi emisela gu hi sanisa, aholu, a hi emisede guya mana guvbanya khu ga Pfhumu yathu Jesu Kristo.

1 Pedro 2:6

Kholu, isoso somo ga Milowo nya Guage yi ganelago, khiyo: “Eni nyi hathide giwindri nya lisima ngudzu; nyi gi vega Siyoni kha nga giwindri nya gikoli nya nyumba; aholu, wule a khodwago ga egi giwindri gima kha na khala dzitshoni.”

1 Pedro 2:7

Khu guralo, ga enu mu khodwago, giwindri gyogyo khya lisima ngudzu. Aholu, ga ava va si khodwigo; “Giwindri gi nga nyenywa khu vavbahi gi khade giwindri nya gutshanganise.”

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.