1 Pedro 2:7 - Bhibhiliya Nya Guage

⁷ Khu guralo, ga enu mu khodwago, giwindri gyogyo khya lisima ngudzu. Aholu, ga ava va si khodwigo; “Giwindri gi nga nyenywa khu vavbahi gi khade giwindri nya gutshanganise.”

1 Pedro 2:7 Iomraidhean Croise

Isaya 28:5

Ga litshigu lolo, Pfhumu Nungungulu nya Tshivba Yatshavbo a na khala gihugu nya wuzundzo ni wumburi ga mitshaledwa nya vathu vaye.

Agewu 2:7

Nyi na tsekatsekisa mayigo yatshavbo, gasi ma rese eno dzithomba dzawe dzatshavbo; nyi na tadza nyumba yeyi khu wudhumo; a ngu ganela Pfhumu Nungungulu nya Tshivba Yatshavbo.

Zakariya 4:7

Uwe gigomo nya gulaphe, u ginani uwe mbeli ga Zorobhabheli? U na wonega kha nga lipani basi; kholu uye a na handzega giwindri nya guhegule na gu huwelela, khuye: Wuyani! Wuyani! Nungungulu a na kategise!

Matewu 21:42

Jesu a di va wudzisa, khuye: “Ina mu si hevbulini milowo, yi gu, khiyo: ‘Giwindri gi nga nyenywago khu vavbahi khigyo gi khadego hungo nya gutshanganise, Silo sesi si giridwe khu Pfhumu; siliwugiso mahoni gwathu.’

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”

Luka 2:34

Simiyoni a di va kategisa, a gu embela Mariya, mayi wa Jesu, khuye: “Gyanana gegi gi emisedwe gu khunguvanyisa ni gu wusa vathu nya vangi va na Israyeli; gi na vanga guganedzisana;

Luka 20:17

Jesu, na va khedziside gwadi, a di va wudzisa, khuye: “Gasi ma gu vbweta gu khayo ginani magana ma nga lowago, nya gukhayo: ‘Giwindri gi nga nyenywago khu vavbahi khigyo gi khadego gikoli nya nyumba?’

Johane 4:42

va di embela nyamayi, khavo: “Olu kha hi khodwi khu kotani nya magana yago; hi diya khu gupwa habune; hi ngu dziti nya gukhethu uye khu lisine khuye Kristo Muvbanyisi nya litigo.”

Mithumo 26:19

“Gukhugela avbovbo, amanawe, mufumeli Agiripa, eni gima kha nyi dzi kodzi gu yeyisa giwonegiso gya Ndzadzini.

Varoma 10:21

Aholu na gu thula Israyeli, Isaya, a di khuye: “Matshigu yatshavbo Eni nyi thawuludzide libogo langu, ga vathu nyamba khodwa ni gumba yingela.”

Varoma 15:31

Lombani ga Nungungulu a nyi vbulugise ga vale va si khodwigo tigoni ga Judheya ni gu giphasedzelo gegi nyi yisago ga vakhodwa va guromo Jerusalema, giya hakhwa gwadi khu gunengela.

2 Vakorinto 2:16

Ga vale va mbembago, mahema nya lufu ma vangago gufa, ga vale va vbanyiswago mahema nya womi ma vangago guvbanya. Khu wevbini muthu a yedwago khu thumo wowu?

Vakolosi 2:10

Enu mu hakhide talo watshavbo wowu khu gutshanganiswa ni Kristo, a gu uye hungo nya vafumeli vatshavbo nya maphuvbo ni dzitshivba.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

Vahebheru 11:31

Khu gukhodwa, Rahabhi, nyamayi nya gibhayi, kha songwa gumogo ni vale va ngamba yingela Nungungulu, kholu uye a di hakha vasoli khu gurula.

Vahebheru 4:11

Khavbo avbo, hongoleni hi dzi garadze khu gu bela guhefemulani momu, gasi hi si landri giwonelo gya avo va ngamba yingela giwulani, va tandrega gu gu bela.

1 Pedro 1:8

Enu mu ngu mu haladza, ambari mu ngamba mu wona; mu ngu khodwa gwaye, ambari mu si mu wonigo olu. Khu guralo, enu mu ngu nengela khu gutsaka nya gukhongolo ngudzu, ni wudhumo wu tandrwago gu ganedwa khu magana.

1 Pedro 2:4

hidzimelani gwaye, a gu giwindri nya guvbanye, gi nga nyenywa khu lisine khu vathu, aholu ga Nungungulu gilo nya lisima.

1 Pedro 2:8

Gambe giwindri gi na gu tshunganisago vathu; giwindri gi na gu va thesago. Avo va tshunganede kholu va ngamba khodwa khu Mahungu, khiso si dongisedwego avo.