1 Pedro 2:6 - Bhibhiliya Nya Guage

⁶ Kholu, isoso somo ga Milowo nya Guage yi ganelago, khiyo: “Eni nyi hathide giwindri nya lisima ngudzu; nyi gi vega Siyoni kha nga giwindri nya gikoli nya nyumba; aholu, wule a khodwago ga egi giwindri gima kha na khala dzitshoni.”

1 Pedro 2:6 Iomraidhean Croise

Genesi 49:24

Aholu wulaho waye, wu simamide gu tiya ni misivba nya mawogo yaye yi simamide ni tshivba, khu kotani ya Muvhikeli wa Jakobe, Muhavisi ni Giwindri gya Israyeli.

Dzindzimo 40:14

Va na tale khu dzitshoni avo va golago gukhavo nyi nafe; va na bwelele hwane va khala dzitshoni avo va golago gu nyi wona na nyi gu fenengedzwa khu sigaradzo.

Dzindzimo 89:19

Gale u ganede khu ndroro ga sithumi sago nya gukatege, khuwe: Nyi ningide tshivba ndrena mweyo, nyi fumiside lidzaha nyi nga li hathago vbakari nya vathu vangu.

Isaya 28:16

Khu guralo, Mune Pfhumu Nungungulu a ngu ganela kharati, khuye: Wonani nyi vegide Siyoni giwindri nya giseketelo gi tiyidego, a gu giwindri nya gutiye ni wumburi, uye a khodwago gwaye, gima kha na khala hwanga.

Isaya 41:11

Vatshavbo avo va gu zondrago va na poyilega va tala khu dzitshoni, va na vbwasamiswa vatshavbo va gu dwanisago, va vbela havo bhi.

Isaya 42:1

Wonani githumi gyangu, gihathwa gyangu nyi gi sayisago, gi nengedzisago monyo wangu. Nyi thede Liphuvbo langu avbo gwaye, gasi a yise gululama ga va nya mayigo.

Isaya 46:13

Nyi ngu resa gululama gwangu, gambe gu mwalo hwindzo; ni guvbanyisa gwangu kha gu na hwela. Nyi na vega guvbanyisa gigomoni ga Siyoni, ni tigoni ga Israyeli, nyi na wusedza wudhumo wangu.

Isaya 50:7

Kholu Mune, Pfhumu Nungungulu, a nyi phasedzede, khu guralo kha nyipwi dzitshoni, khovbe yangu yi tiyide nga giwindri, kholu nyi ngu dziti gukheni gima kha nyi na tedwa khu dzitshoni.

Isaya 54:4

U nga khali hwanga, kholu khu na nga theswa dzitshoni; u nga vbisegi, kholu mwalo a na gu poyilago; u na divaledwa khu dzitshoni u dzi manidego wumbirini gwago, gambe khu na alakanya givalo u gi manidego khu gu fedwa khu mwama wago.

Dhaniyeli 10:21

aholu, nyi na phela khu gu gu embela esi si lovidwego Libhukuni nya Lisine. Mwalo a na gu nyi phasedzelago gu dwana litunga lolo, vbavbandze basi ga Migeli, muemeli wanu.

Zakariya 10:4

Khavbo ga Judha gu na duga giwindri nya gutiye gi vegwa vbakhonatunu; khavbo gwaye gu na duga lidingo nya tshatsha; khavbo gwaye gu na duga wulaho nya nyimbi; khavbo gwaye gu na duga vafumeli vatshavbo khu gumogo.

Matewu 12:18

“Khigyo egi githumi gyangu, nyi gi hathidego, gigodwa gyangu, igyo gi nengedzisago hefemulo wangu, nyi na gi ninga Liphuvbo langu, gasi gi tivise va nya mayigo khigyo gomo gulamudwa.

Marko 12:10

Ina mu si gu hevbuli Milowo yi gu, khiyo: Giwindri gi nga nyenywa khu vavbahi khigyo gi khadego hungo nya gikoli nya nyumba.

Luka 20:17

Jesu, na va khedziside gwadi, a di va wudzisa, khuye: “Gasi ma gu vbweta gu khayo ginani magana ma nga lowago, nya gukhayo: ‘Giwindri gi nga nyenywago khu vavbahi khigyo gi khadego gikoli nya nyumba?’

Luka 23:35

Vathu va di khala vbale va wona; gasi vakhongolo vakone va di mu vala, khavo: “Vbanyiside vakwawe; a na dzi vbanyise abune, a gu bani ari uye Kristo, Gihathwa gya Nungungulu!”

Johane 7:38

Kha nga yi ganelago Milowo: Khu monyoni ga wule a khodwago gwangu, gu na duga mitsongo nya mati nya guvbanye.”

Mithumo 1:16

“Vandruye, gu di vbwetega gutadzisega umo nya Milowo, satshavbo iso si nga ganedwa khu Liphuvbo nya Guage, khu likana la Dhavhidhe, khu mahungu ya Judha a nga thangelago ava va nga hunga Jesu.

Varoma 10:11

Kholu Milowo nya Guage yi ngu hi embela gukhiyo: “Wule a khodwago gwaye gima kha na nga thedwa dzitshoni.”

Vaefeso 1:4

Gale, na gu si vangwi litigo, Nungungulu a hi hathide khu ga Kristo gasi hi khala sihathwa ni vathu nya ndruda nyambana gihoso mahoni gwaye.

Vaefeso 2:20

Enu mu siwindri nya nyumba yi vbahidwego vbatshani nya giseketelo nya vapostoli ni vaprofeti. Kristo wurumba waye khuye giwindri nya hungo nya gikoli gi hungago nyumba yatshavbo.

2 Thimoti 3:16

Milowo yatshavbo nya Guage yi lovidwe khu tshivba ya Nungungulu, yi ngu phasa gu hevbudza ni gu kawuka ni gu luleka, ni gu dandrisa khu gululama,

1 Pedro 2:4

hidzimelani gwaye, a gu giwindri nya guvbanye, gi nga nyenywa khu lisine khu vathu, aholu ga Nungungulu gilo nya lisima.

1 Pedro 2:8

Gambe giwindri gi na gu tshunganisago vathu; giwindri gi na gu va thesago. Avo va tshunganede kholu va ngamba khodwa khu Mahungu, khiso si dongisedwego avo.

2 Pedro 1:20

Ga satshavbo, dundrugani esi: “Mwalo muthu a kodzago gu tshamusela khu gu si khugela khu hungoni gwaye esi si nga lowa khu vaprofeti omu nya Milowo nya Guage.”

2 Pedro 3:16

Khiso esi a nga si ganelago malangalilani gwaye, gikhati a nga mi lovelani khu mahungu yaya. Malangalilani gwaye somo silo nya gugaradze gu si pima, va nya mbati ni va nya gukhodwa vbadugwana va sindrwago khiso gu si tshamusela, nga edzi va girago ga simbe sipandre nya Milowo nya Guage. Khu guralo, va gu dzi mbembisa vabune.