1 Pedro 2:5 - Bhibhiliya Nya Guage

⁵ Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

1 Pedro 2:5 Iomraidhean Croise

1 Dzipfhumu 7:11

Khu vbatshani gu di vegwa siwindri nya wumburi ngudzu, nya gupidwe khu gupimwa gwadi, gumogo ni mapulango nya sedhari.

Dzindzimo 141:2

Nombelo wangu wu na gwele kha nga libani li vbiswago mbeli gwago, mandza yangu ma na khugege iyo gwago kha nga phaso nya silambo.

Dzindzimo 50:14

Ningela ga Pfhumu phaso nya gubonge, u landrisa sisambanyo u giridego ga Uye a Khusegidego ngudzu;

Dzindzimo 50:23

Wule a nyi ningago phaso nya gubonge, uyoyo a ngu nyi rungudza; wule a dongiselago ndzila yaye, nyi na mu nonedza guvbanyisa ga Nungungulu.

Ekisodha 19:6

Enu mu na khalani litigo nya vaphasi nya mhamba, litigo li agidego. Aya khu magana u na ya embelago sanana sa Israyeli.”

Mavingu 9:1

Guti gu dzi vbahede nyumba yaye, gu tsitside madingo yaye nya livbandre na mavili.

Isaya 61:6

Aholu enu mu na ranwa vaphasi nya mhamba ya Pfhumu Nungungulu, va na mi rana sithumi sa Nungungulu wathu. Mu na hodza dzithomba dza va nya mayigo, ni dzithomba dzawe, dzi na khala dzanu.

Isaya 66:21

Vbakari gwawe, nyi na hatha vambe va khala vaphasi nya mhamba, vambe va thuma mithumo ya na Levhi, a ngu ganela Pfhumu Nungungulu.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

1 Vakorinto 3:16

Ina kha mu dziti gukhenu mu Nyumba ya Nungungulu ni gukhenu Liphuvbo la Nungungulu li ngu vbanya ndrani gwanu, gani?

1 Vakorinto 3:9

Kholu ethu hi sithumi hi thumago gumogo ni Nungungulu, gasi enu mu lithembwe la Nungungulu, mu nyumba a vbahago Nungungulu.

1 Vakorinto 6:19

Ina kha mu dzitini gukhenu sivili sanu nyumba nya Liphuvbo nya Guage, li vbanyago gwanu; Liphuvbo mu ningidwego khu Nungungulu, gani? Enu kha mu dzi lumbi enu vamune,

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Vagalatiya 6:10

Khu kharato, olu hi ngarigu ni gikhati, hongoleni hi girela esi nya sadi vathu vatshavbo, ngudzungudzu vandriyathu gukhodwani.

Dhewuteronome 18:2

Khu guralo, kha va na nga mana thomba vbakari ga vandriyawe; Pfhumu Nungungulu khuye thomba yawe, kha nga a va embedego.

Vafilipi 1:11

na mu tade khu mithumo nya gululame yi girwago gwanu khu Jesu Kristo, gasi a rungudzwe ni gu dhumiswa Nungungulu.

Vafilipi 2:17

Ambari gu lomba gu ningela womi wangu nyi gira mhamba nya phaso gasi gu pata ni miningelo yanu nya gukhodwe ga Nungungulu. Eni si ngu nyi tsakisa, gambe nyi ngu hengela gutsaka gogu ni enu mwatshavbo.

Vafilipi 4:18

Eni nyi naso satshavbo khu gutala nya iso. Olu nyi hakhidego satshavbo esi mu nga nyi rumela khu mandzani ya Epafrodito, nyi si mane khu gutala guvbindra esi nyi si vbwetago. Ningelo yoyu kha nga mahema nya yadi nya mhamba yi hakhwago khu Nungungulu yi mu salalegisa.

Vakolosi 3:17

Silo satshavbo mu na ganelago mwendro gu si thuma girani khu lina la Pfhumu yathu Jesu Kristo, mu bonga Nungungulu Babe khu uye.

1 Thimoti 3:15

Aholu, nya gu hwela, khala nu gu dziti gukhuwe gu vbweta u khala makhalelo muni Nyumbani ga Nungungulu, a gu libandla la Nungungulu a vbanyago, a gu lidingo ni giseketelo nya lisine.

Vahebheru 3:6

Aholu, Kristo tumbegide kha nga Gyanana gi rwadego thumo nya gusayise Nyumba ya Nungungulu. Ethu hi na khala nyumba yaye ha gu tiya ga esi hi si tumbago.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

1 Pedro 4:11

Oyu a tivisago, a na tivise Mahungu ya Nungungulu. Oyu a thumago, a na thume khu tshivba a ningwago khu Nungungulu. Girani kharati gasi mithumoni yanu yatshavbo a rungudzwe Nungungulu khu ga Jesu Kristo, a gu na ni wudhumo ni tshivba kala gupindruga! Amen.

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?

Gutuledwa 1:6

a gu hi gira vafumeli ni vaphasi nya mhamba ya Nungungulu Babe waye. Khyaye gidhumo ni tshivba kala gupindruga. Amen.

Gutuledwa 20:6

Va kategide vale va na gu sayedwago tengoni nya guwuge gogu nya guhegule khu gufani! Kholu gufa nya wuvili kha gu na mana tshivba vbatshani gwawe, aholu va na khala vaphasi va Nungungulu ni va Kristo, va na fuma naye gipimo nya likhumi mazana (1.000) myaga.

Gutuledwa 3:12

Gasi wule a na palago nyi na mu gira lidingo Nyumbani ga Nungungulu wangu, umo nya gu gima kha na duga kala gupindruga. Nyi na mu lova lina la Nungungulu wangu, ni lina nya lidhoropa la Nungungulu wangu, Jerusalema nya guphya, gu tshigago khu ndzadzini, gutago khiyo ga Nungungulu wangu, bwelo khavbo nyi mu lova lina langu nya liphya.

Gutuledwa 5:10

U va giride vafumeli ni vaphasi nya mhamba ya Nungungulu wathu; avo va na fuma mafuni.”