1 Pedro 2:4 - Bhibhiliya Nya Guage

⁴ hidzimelani gwaye, a gu giwindri nya guvbanye, gi nga nyenywa khu lisine khu vathu, aholu ga Nungungulu gilo nya lisima.

1 Pedro 2:4 Iomraidhean Croise

Isaya 28:16

Khu guralo, Mune Pfhumu Nungungulu a ngu ganela kharati, khuye: Wonani nyi vegide Siyoni giwindri nya giseketelo gi tiyidego, a gu giwindri nya gutiye ni wumburi, uye a khodwago gwaye, gima kha na khala hwanga.

Isaya 42:1

Wonani githumi gyangu, gihathwa gyangu nyi gi sayisago, gi nengedzisago monyo wangu. Nyi thede Liphuvbo langu avbo gwaye, gasi a yise gululama ga va nya mayigo.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Jeremiya 3:22

Vbindrugedzani mu wuya eno gwangu enu sanananu nyamba tumbega, eni nyi na mi vbanyisa madwali nya gukanyise gwanu.” Avo va di hakha, khavo: Hi womo avba; kholu uwe khuwe Pfhumu Nungungulu wathu.

Dhaniyeli 2:34

Avbo u nga bani u gi wona, gu di thindriliga giwindri khu gigomoni nyamba rinywa khu muthu gi ta veta migondro nya gifananiso gi khungumuga.

Dhaniyeli 2:45

“Kha nga u wonidego nya gukhuwe, khu gigomoni gu di wumbuluga giwindri nyamba pidwa khu muthu, gita pfara ni gu phwatisela simbi, sugu, libumba, parata ni ndralama. Nungungulu nya Tshivba Yatshavbo tiviside mufumeli iso si na gu giregago khu matshigu ma natago. Eli khu lisine nya ndroro, tshamuselo yaye yi tiyide khya lisine.”

Zakariya 3:9

Kholu wonani gukhenu giwindri nyi gi vegidego mbeli ga Josuwa; vbatshani nya giwindri gegi gya gimwegyo basi, momo livbandre na mavili maho; wona nya gukhuwe nyi na betha avbo milowo, gambe nyi na dusa gighoho nya litigo leli khu litshigu limwedo; a ngu ganela Pfhumu Nungungulu nya Tshivba Yatshavbo.

Zakariya 4:7

Uwe gigomo nya gulaphe, u ginani uwe mbeli ga Zorobhabheli? U na wonega kha nga lipani basi; kholu uye a na handzega giwindri nya guhegule na gu huwelela, khuye: Wuyani! Wuyani! Nungungulu a na kategise!

Matewu 11:28

Deluni gwangu, enu mwatshavbo mu garadego ni gu lemedwa; eni nyi na mi hefemudza.

Matewu 12:18

“Khigyo egi githumi gyangu, nyi gi hathidego, gigodwa gyangu, igyo gi nengedzisago hefemulo wangu, nyi na gi ninga Liphuvbo langu, gasi gi tivise va nya mayigo khigyo gomo gulamudwa.

Matewu 21:42

Jesu a di va wudzisa, khuye: “Ina mu si hevbulini milowo, yi gu, khiyo: ‘Giwindri gi nga nyenywago khu vavbahi khigyo gi khadego hungo nya gutshanganise, Silo sesi si giridwe khu Pfhumu; siliwugiso mahoni gwathu.’

Johane 14:19

Nugunugu, vathu va mafuni kha va na nyi wona gambe, gasi enu mu na nyi wonani; kholu enu mu na vbanya khu kotani nyi vbanyago.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Johane 5:26

Kha nga ulo Babe a vbanyago khu tshivba yaye, ningide Mwanaye guvbanya nuye khu tshivba yaye.

Johane 5:40

Aholu enu kha mu dzini guta gwangu, gasi muta mana guvbanya.

Johane 6:37

Vatshavbo ava Babe a nyi ningago va nata gwangu; eni kha nyi dzi kodzi gu nyenya ni moyo nya ava vatago gwangu.

Johane 6:57

Kha nga Babe, a vbanyago, a nyi rumedego, a nyi vbanyisa khu tshivba yaye, a nuye oyu a nyi hodzago a na vbanya khu tshivba yangu.

Varoma 5:10

Uye Nungungulu, na hi ngari valala vaye a hi wonego na hi lulamide khu kotani nya gufe ga Kristo, hi ngu khodwa gukhethu, ngudzungudzu olu, hi tshanganisidwego naye, hi na vbanyiswa khu womi wa Mwanaye.

1 Vakorinto 3:11

Kha dzi kodzi muthu gu vega gimbe giseketelo vbavbandze nya egi gi vegidwego: A gu uye Jesu Kristo.

Vakolosi 3:4

Guvbanya gwanu nya lisine khu Kristo, gikhati uye a na dzi wonegisago, enu nenu mu na wonega gumogo naye mu na tade khu wudhumo.

1 Pedro 1:19

Aholu, enu mu dzegisidwe khu Novba nya lisima wa Kristo, a gu uye Nvutana nyamba hasa, nyambana mavalavala.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Pedro 2:7

Khu guralo, ga enu mu khodwago, giwindri gyogyo khya lisima ngudzu. Aholu, ga ava va si khodwigo; “Giwindri gi nga nyenywa khu vavbahi gi khade giwindri nya gutshanganise.”

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

2 Pedro 1:4

Khu guralo, uye a hi ningide siningwa nya sikhongolo nya lisima a nga hi tumbisago, gasi hifela gu vbulugiswa ga mapimo nya gupfhungumule ma fumago tigoni, hi kodza gu hengela tumbunugoni gwaye nya wunungungulu.