1 Pedro 2:2 - Bhibhiliya Nya Guage

² Khalani nga sanana si ngari gu velegwago, mu vbweta mahwe nya liphuvbo gikhati gyatshavbo, gasi mu sela, mu dandre, mu vbanyiswe.

1 Pedro 2:2 Iomraidhean Croise

2 Samuweli 23:5

Wufumu wangu wu khalegide gwadi mbeli ga Nungungulu. Kholu uye giride ni eni gidzumeledzwano nya gupindruge, gidzumeledzwano gi tumbegidego gi dongisedwego gwadi. Uye a na nyi gira nyi dugelela ga satshavbo a nyi ninga satshavbo nyi si vbwetago.

Joba 17:9

Aholu, muthu nya gululame a na simama ndzilani gwaye, ni avo mandza yawe ma agidego, va na simama va mana tshivba.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Hoseya 14:5

Avbo ga Israyeli nyi na khala kha nga thondrwane; uye a na nyuga nga genge a nava mikhamba nga simbo wa Libhanoni.

Hoseya 14:7

Avo va khalago mutsani gwaye, va na wuya, va wusedzwa nga tirigu, va rumbuga nga mihandro nya lithembwe nya vhinya; ndruma ya Israyeli yi na fanana ni vhinya ya Libhanoni.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Matewu 18:3

“Khu lisine nyi ngu mi embelani, kheni: Mwa gumba vbindrugedza mu khala nga sanana, gima kha mu na bela Mufumoni wa Ndzadzini.

Matewu 19:14

Jesu a di va embela, khuye: “Digani sanana soso, mu nga si himbedzeli guta eno gwangu, kholu khwawe Mufumo wa Ndzadzini.”

Marko 10:15

Khu lisine nyi ngu mi embelani kheni oyu a si hakhigo Mufumo wa Nungungulu kha nga gyanana, gima kha na wu bela.”

Luka 18:17

Khu lisine nyi ngu mi embelani, kheni: Uye a si hakhigo Mufumo wa Nungungulu kha nga gyanana gidugwanana, gima kha na wu mana.”

Varoma 6:4

Khu gu bhapatiswa hi dzingidwe gumogo ni Kristo, hi gu hengela naye gufani gwaye. Gasi hi dzi kodza nethu gu vbanya khu mavbanyelo nya maphya nya nga ya Kristo a wugidego khu ga vafudego khu tshivba ya Nungungulu Babe.

1 Vakorinto 14:20

Vandruye, mu nga khali sanana mapimoni gwanu, aholu, khalani sanana ga esi nya guvivbe, mu khala vagulu nya vathu khu gu pima.

Vaefeso 2:21

Khuye Kristo a tshanganisago nyumba yatshavbo a yi tiyisa ni gu yi dandrisa gasi yi khala nyumba nya guage ya Pfhumu.

Vaefeso 4:15

Aholu ha gu tivisa lisine khu lihaladzo, hi na dandra siloni gwatshavbo, kala hi gu manela Kristo a gu uye hungo.

2 Vatesalonika 1:3

I fanelo yathu gu dhumisa Nungungulu gikhati gyatshavbo khu enu, vandruye. Gu ngu yela gu gira kharalo kholu gukhodwa gwanu gu andride ni lihaladzo lanu li dandride, eli mu girelanago khu gyanu.

1 Pedro 1:23

Khu tshivba nya magana nya guvbanye nya gupindruge ya Nungungulu, enu mu velegidwe nyaluphye khu Babe a sifigo, nasiri khu vababe nya gufe.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.