1 Pedro 2:16 - Bhibhiliya Nya Guage

¹⁶ Vbanyani nga vathu nya gutshulege; mu dzega gutshulega mu gu gira gilo nya gusihe guvivba; aholu vbanyani nga sithumi sa Nungungulu.

1 Pedro 2:16 Iomraidhean Croise

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Johane 15:22

Nari pwani kha nya va tivisa, va diri mwalo nandru; gasi olu va mwalo divalelo.

Varoma 6:18

Mu tshudwe wugumbini nya gighoho, gasi mu khale sithumi nya ndzila nya gululame.

Varoma 6:22

Gasi olu, na mu tshulegide wugumbini nya gighoho, mwa gu thumela Nungungulu. Giphaso mu gi manago khu gu agiswa, mu wonwa na mu lulamide mbeli gwa Nungungulu, mu hegisa khu gu hakha guvbanya nya gupindruge.

1 Vakorinto 7:22

Kholu oyu a ranidwego khu Pfhumu nari khumbi, ata khodwa ga Kristo, khade muthu nya gutshulege; a gu lumba Pfhumu. Ni wule a ranidwego khu Pfhumu nari muthu nya gutshulege, khade khumbi ya Kristo.

Vagalatiya 5:1

Kristo a hi tshude gasi hi mane gutshulega nya lisine. Khu kharato, tiyani mugutshulegani gwanu, mu nga bweleli hwane mu khala gambe dzikhumbi.

Vagalatiya 5:13

Gasi enu vandruye, mu ranedwe guvbanya na mu tshulegide. Aholu mu nga dzegi gutshulega gwanu mu gu gira ndzila nya gutsakise gunavela nya tumbunugo nya wuthu; thumelanani khu lihaladzo.

Vaefeso 6:6

Mu nga va thumelini basi khu gu va thava, nga khwatshi mwa gudwanela gu tsakisa vathu, aholu thumani nga sithumi sa Kristo, mu gira guhaladza gwa Nungungulu khu monyo wanu watshavbo.

Vakolosi 3:24

Dzitini gukhenu Pfhumu a na mi tshatshazela a mi ninga guhodza thomba yaye. Enu mwa gu thumela Kristo a gu Pfhumu nya lisine.

1 Vatesalonika 2:5

Gambe mu ngu dziti nya gukhenu kha ha thumisa magana nya gutshambisele, ni gudwanela gu mana gilogyo. Nungungulu i fakazi nya isoso.

Jakobe 1:25

Aholu, muthu a khedzisago gwadi Nayo nya gululame wu hi ningago gutshulega a tiya ga uwo, a si tsakiswi basi khu gupwa, aholu, a landrisa esi Nayo wu rumago, a na kategiswa mithumoni yaye yatshavbo.

Jakobe 2:12

Enu ganelani, mu vbanye nga vathu va na gu lamudwago khu nayo wu ningago gutshulega.

2 Pedro 2:19

Va gu va tumbisa gutshulega, aholu avo vari dzikhumbi nya silo nya guvivbe. Kholu, muthu ni muthu khumbi nya esi si mu fumago.

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.