1 Pedro 2:11 - Bhibhiliya Nya Guage

¹¹ Dzipari dzangu nya sigodwa, dundrugani gukhenu mu valuveli, mu vawuyi ga litigo leli. Khu guralo, nyi ngu mi lomba mu dige gunavela nya wuthu gu dwanago ni hefemulo.

1 Pedro 2:11 Iomraidhean Croise

Genesi 21:34

Abrahama a di luvela matshigu nya gulaphe ngudzu tigoni ga Vafilisitiya.

Genesi 23:4

“Eni nyi muwuyi ni pfhumba vbakari gwanu; nyi dzumeleni nyi renga wulanga wangu tigoni gwanu, gasi nyi gira lithowo nyi kodza gu dzinga mwangadzi wangu.”

Genesi 47:9

Jakobe a di hakha, khuye: “Tengo nya myaga nya lendro langu, lizana ni magumararu (130) myaga. Gikhati nya myaga nya guvbanye gwangu gi rode gambe gi tade khu gutshaniseka, kha gi ningani ni myaga nya guvbanye ga vababe vangu, matshiguni nya guendre gwawe.”

1 Dzikoronika 29:15

Kholu ethu mbeli gwago hi valuveli ni vaendri, kha nga vanyehe vathu vatshavbo; matshigu yathu momo kha nga mwedzi mafuni momu, hi mwalo gimbe gitumbo.

Dzindzimo 119:19

Nyi muvbindri nya ndzila ga eli litigo, U nga nyi siheli milayo yago.

Dzindzimo 119:54

Milayo yago yi ngu nyi gira nyi thula dzindzimo, ndzilani nya liendro langu.

Dzindzimo 39:12

Pfhumu Nungungulu, yingisa nombelo wangu, nya gu womba huwa nyi lomba guphaswa, nyi yingise; U nga khali givbwiri nya mbapwa gudilela gwangu. Kholu eni nyi muwuyi avbo gwago, nyi mupepetegi kha nga vakokwe vangu.

Levhi 15:18

Mwama a gu lala ni nyamayi gu duga mbewu nya livelego khu milini gwaye, va vavili va na hamba khu mati, va nyenyeza kala gupfolani nya lidambo.

Levhi 25:23

Sipeto si nga rengisedwi muphelo, kholu mafu ma gu lumba Eni, enu muvawuyi ni vapfhumba vangu.

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

Mithumo 15:20

Va na ningwe basi nayo nya gumba hodza nyama nya guphasedwe dzinguluve ni nyama nya sirengo nya gufe khu gu tshwedza, ni gu diga wubhayi, ni gumba hodza novba.

Mithumo 15:29

Mu diga gu hodza esi si phasedwego dzinguluve, ni novba, ni nyama nya sirengo nya gufe khu gu tshwedza, ni gu diga wubhayi. Mu na gira gwadi mwa gu dzi vegisa ga silo sesi. Vbanyani gwadi.”

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Varoma 7:23

Aholu givilini gwangu nya gupwa na wuromo wumbe nayo wu dwanago ni owu wutago khu livhaloni gwangu. Khiso si nyi girago khumbi nya Nayo nya gighoho gi guromo givilini gwangu.

Varoma 8:13

Kholu mwa gu landrisela mavbanyelo nya gudogolele gogo, mwa gu bela khu ndzila yi mi yisago gufani. Aholu mwa gu songani mithumo nya wughohi khu tshivba nya Liphuvbo nya Guage, mu na vbanya.

2 Vakorinto 5:20

Khu guralo, ethu hi sirumwa sa Kristo, Nungungulu khuye a ganelago gwanu khu eni. Hi ngu mi khongotelani khu lina la Kristo: Tshanganani ni Nungungulu.

2 Vakorinto 6:1

Ethu hi gu vaphasedzeli va Nungungulu, hi ngu mi khongotelani gukhethu, mu nga digi wu luzega wuhigo wa Nungungulu mu hakhidego.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.

Vaefeso 2:19

Olu kha mu ngari valombo ni vapfhumba gambe, mu melego moyo ni va nya Guaga, mu sanana nya ngamu ya Nungungulu.

Vaefeso 4:1

Eni nyi gu gibotshwa nya guthumele Pfhumu, nyi ngu mi lomba gukheni gimbilani khu ndzila yi yelanago ni mavbanyelo mu ranedwego ayo khu Nungungulu.

2 Thimoti 2:22

Uwe u nga hengeli ni madzaha u dogorela esi nyamba yela. Vbweta lisine, ni gukhodwa ni lihaladzo ni gurula ga vatshavbo vale va lombelelago ga Pfhumu khu myonyo yi agidego.

Vahebheru 11:13

Vatshavbo vovo va fude na va tade khu gukhodwa. Kha va hakha esi va nga tumbiswago, aholu va si wone khu hwindzo va si tsakela, va dzi thula vawuyi, valuveli va vbindrago khu mafuni momu.

Vahebheru 6:9

Vandriyangu nya sigodwa, ambari nyi ganelago khu maganelelo yaya, nyi ngu tumba gwadi khu mahungu yanu gukheni mu hakhide makategwa nya guvbanyise.

Jakobe 4:1

Ma guta khu hayi mayunga ni guhambana vbakari gwanu? Ma guta khu gunavela nya guvivbe gu dwanago gikhati gyatshavbo sivbangoni gwanu.

1 Pedro 1:1

Eni, Pedro, nyi gu mupostoli wa Jesu Kristo, nyi ngu lova eli lidangalila ga vathu va Nungungulu va vbanyago vbavbandze nya litigo lawe, mayigoni ga Pontu, Galatiya, Kapadhokiya, Aziya, Bhitiniya.

1 Pedro 1:17

Mwa gu lombelela na mu rana, khenu: “Baba,” Uye a lamulago vathu vatshavbo nyamba khedza khu khovbe, a khedzago khu mavbanyelo ya muthu ni muthu; khu kharalo, mu fanede gu mu ninga githawo matshiguni nya guvbanye gwanu mafuni momu.

1 Pedro 4:12

Sigodwa sangu, mu nga liwugi khu gu wona silingo sesi nya gulemele si mi dugelelago, nga khwatshi silo siphya nya gusamadzise mu si wonago.

1 Pedro 4:2

Khu guralo, gukhugela ga matshigu yanu ma nga tshadego nya guvbanye mafuni momu, vbanyani khu gu landrisa guhaladza ga Nungungulu, nasiri gu landrisa gudogolela nya wuthu.

2 Pedro 3:1

Sigodwa sangu, eli lidangalila nya wuvili nyi mi lovelago eni. Malangalilani ya mavili nya gu vbweta gu wusa mapimo yanu nya lisine, mu fela gu dundruga silo sesi.