1 Pedro 1:8 - Bhibhiliya Nya Guage

⁸ Enu mu ngu mu haladza, ambari mu ngamba mu wona; mu ngu khodwa gwaye, ambari mu si mu wonigo olu. Khu guralo, enu mu ngu nengela khu gutsaka nya gukhongolo ngudzu, ni wudhumo wu tandrwago gu ganedwa khu magana.

1 Pedro 1:8 Iomraidhean Croise

Gizimba 1:7

Nga nyi embela, uwe gigodwa nya monyo wangu, wa gu havisela hayi tshambi wago? Khu gikhati nya midiya wa guya zumbela hayi? Gasi nyi si legalegi khu hwane nya mitshambi ya dzipari dzago.

Gizimba 5:16

Khanani gwaye gwa gulombela ngudzu; giemo gyaye gyatshavbo khya gu golega. Khidzo a khadego khidzo gigodwa gyangu eno mwama wangu, enu va nyamahegyanenu va Jerusalema.

Gizimba 5:9

Wuyelelo —Gu hambana muni gu manegago, ga gigodwa gyago, na? Uwe u gu mburi nya dzimburi, vbakari ga vanyamayi, na? Ginani a gu nagyo gigodwa gyago a vbindrago khigyo vakwawe, nya gukala u mu girela gilombo gegi?

Matewu 10:37

“Uye a golago babe mwendro mayi guvbindra idzo a nyi golago khidzo, kha nyi faneli. Ni uye a golago mwanaye nya gikhwathana mwendro nya gyagadzyana guvbindra idzo a nyi golago khidzo, kha nyi faneli.

Johane 14:15

“Mwa gu nyi gola, mu na vegedza milayo yangu.

Johane 14:21

“Oyu atigo milayo yangu, a gu yi vegedza, khuye a nyi golago. Gasi oyu a nyi golago, a ngu godwa khu Babe wangu, eni nyi na mu gola nyi dzi yeyedza gwaye.”

Johane 14:24

Uye a si nyi goligo, kha vegedzi milayo yangu; gasi mahungu nyi hevbudzago khandri yangu, aholu khya Babe a nyi rumedego.

Johane 16:22

Gunene, olu mu na ni wusiwana, aholu eni nyi nata mi wonani nyaluphye; gikhati gyogyo myonyo yanu yi na tala khu gunengela. Mwalo a na mi dzegelago gunengela gwanu.

Johane 20:29

Jesu, khuye: “U khodwe kholu u nyi wonidego. Aholu, va kategide vale va khodwago nyamba nyi wona!”

Johane 8:42

Jesu a va hakha, khuye: “Nari pwani Nungungulu Babe wanu, na mu nyi gola, kholu eni nya guta khu gu rumedwa khu Nungungulu. Kha nyata khu gudzina gwangu, aholu khuye a nyi rumedego.

Mithumo 16:34

Yi di va dzega yi bela navo nyumbani gwaye, yi va girela guhodza, yi nengela ni ngamu yaye yatshavbo khu kotani nya gukhodwe ga Nungungulu.

Varoma 14:17

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage.

Varoma 15:13

Uye Nungungulu a gu gibuga nya gitumbo a na mi ninge gunengela, ni gurula khu gukhodwa, gasi gitumbo gyanu gi engedzelana gu dandra khu tshivba nya Liphuvbo nya Guage.

1 Vakorinto 16:22

Muthu a gu mwalo lihaladzo ga Pfhumu a na vadwe: “Maranatha” (Delu Pfhumu)!

2 Vakorinto 1:22

khuye a nga hi lova khu gifungo Gyaye a vega gitumbiso nya Liphuvbo myonyoni gwathu.

2 Vakorinto 12:4

Iyoyo, a dipwa silo nya gusamadzise, si si kodzigo gu ganedwa khu muthu.

2 Vakorinto 4:18

Ethu kha hi vegi mapimo yathu ga silo nya guwonege, aholu ga esi nyamba wonega, kholu esi nya guwonege si na vbindra, gasi esi nyamba wonega khya gupindruga.

2 Vakorinto 5:7

Olu kha hi dzi kodzi gu mu wona, aholu ha gu gimbila na hi gu tiyisedwa khu gukhodwa.

2 Vakorinto 9:15

A na bongwe Nungungulu khu silo nya gusamadzise a hi girelago.

Vagalatiya 5:22

Gasi mithumo ya Liphuvbo la Nungungulu, kheyi: Lihaladzo, litsako, gurula, gutimisela, gu dzi ningedzela, ndruda, wuwadi, gutumbega,

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

Vaefeso 3:19

lihaladzo leli la Kristo, ambari ulo a gu mwalo muthu a dzi kodzago gu liti khu guvbelela, gasi enu mu mane gutala khu wufumu watshavbo wa Nungungulu.

Vaefeso 6:24

Wuhigo wa Nungungulu wu na khale ni vatshavbo vale va golago Pfhumu yathu Jesu Kristo khu lihaladzo nya guvbelele.

Vafilipi 1:25

Olu nyi khodwago khu esi, nyi ngu tumba gukheni nyi na khala nanu mwatshavbo nyi fela gu mi phasa gudandra khu gunengela nya gukhodwe.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.

Vafilipi 4:4

Nengelani ga Pfhumu; nyi ngu engedza gu mi embela, nengelani.

Vahebheru 11:1

Gukhodwa gitiyiso nya silo si lindredwago. Gambe giyeyedzo nya gupwani somo khu lisine silo si si wonegigo.

Vahebheru 11:27

Khu gukhodwa, uye dugide khu Egipito nyambana hwanga khu likhulo la mufumeli. A di simama gutiya nga khwatshi a gu wona uye a si wonegigo.

1 Pedro 1:6

Nengelani khiso, ambari olu khu gikhatinyana mu guromo gugaradzegani khu kotani nya silingo nya singi mu si manago.

1 Pedro 2:7

Khu guralo, ga enu mu khodwago, giwindri gyogyo khya lisima ngudzu. Aholu, ga ava va si khodwigo; “Giwindri gi nga nyenywa khu vavbahi gi khade giwindri nya gutshanganise.”

1 Pedro 5:4

Gikhati a na gutago Muhavisi nya khongolo, mu nata hakha gihugu nya wudhumo nyamba kuwuluga.