1 Pedro 1:7 - Bhibhiliya Nya Guage

⁷ Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Pedro 1:7 Iomraidhean Croise

Joba 23:10

Aholu Uye a ngu yiti ndzila yangu; umo nyi gimbilago khumo, a gu nyi linga, nyi na fanana ni ndralama.

Joba 28:1

“Lisine, hi ngu dziti gukhethu, womo wulanga gu duswago umo parata, ni umo yi nyiviligiswago umo ndralama.

Dzindzimo 17:3

Ambari u khedzisa monyoni gwangu, u nyi linga vbakari nya wutshigu, u nyi lingedzela khu nilo, gima khu na nga mana guvivba ga eni; likana langu gima kha la yeyisa,

Mavingu 16:16

Gu mana guti guvbindra gu mana ndralama, ni gu mana mapimo, guvbindra gu mana parata.

Mavingu 17:3

Parata ya gu lingwa khu nilo ni ndralama ya gu nyiviligiswa khu lidhingiso, aholu myonyo ya vathu ya gu lingwa khu Pfhumu Nungungulu.

Mavingu 8:19

Mihandro yangu yi na ni lisima guvbindra ndralama yi hutidwego, ni dzimbewu dzangu, dzi na ni lisima guvbindra parata yi hutidwego.

Muhevbudzi 5:14

Thomba yeyi ya gu luza khu mhango nya gukari wugwewoni gwaye, ambari na velegide gyanana gya gu tshala nyambana gilo.

Isaya 48:10

Wona nya gukhuwe nyi gu hutide ambari u gu siri parata; nyi gu lingide umo nya nilo nya guthise.

Jeremiya 48:36

Khu guralo, monyo wangu, wu na dzuma kha nga sengele khu kotani ya Mowabhi, wu na dzuma gambe kha nga misengele; khu kotani ya vathu va Kiri-Heresi, kholu thomba va nga bani va yi hengeledzede yi luzide.

Jeremiya 9:7

Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Wonani, nyi na va nyiviligisa niloni gasi gu va linga; kholu ma mwalo mambe magirelo nyi yelago gu gira khu kotani ya nyamahegyane wa vathu vangu?”

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Malakiya 3:3

A na khala vbavbatshi a lodza ni gu huta parata; a na agisa sanana sa Levhi a va huta gu fanana ni ndralama ni parata. Khavbo avbo, va na resa ga Pfhumu Nungungulu miningelo nya gululame.

Mitengo 5:28

Aholu nyamayi a gu bani na sa ghoha, na handzegide, uye a na tshulega a mana livelego.

Matewu 19:28

Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

Matewu 25:21

Pfhumu yi di, khiyo: ‘U tshambiside, githumi nya gyadi, nya gutumbege; kha nga olu u nga thembegago siloni nya sidugwana, nyi na gu pharisa nya singi. Bela buzoni gwa pfhumu yago.’

Matewu 25:23

Pfhumu yi di, khiyo: ‘U tshambiside, githumi nya gyadi, nya guthembege; kha nga olu u thembegidego siloni nya sidugwana, nyi na gu pharisa nya singi. Bela buzoni gwa pfhumu yago.’

Luka 12:33

Rengisani dzithomba dzanu, mu kabanisela sisiwana. Sonani sikhwama nyamba hagala, mu wungedzela Ndzadzini thomba nyamba vbela, iyo yi si dzi kodzigo gu phangwa khu dzimbafa ni gu hodzwa khu muhwa,

Luka 17:30

Gu na girega kharato litshigu Mwamana wa Muthu a na dzi wonegisago.

Johane 12:26

Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.

Johane 5:44

Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

Mithumo 8:20

Aholu, Pedro a di mu kawuka khuye; “Indra ni dzitsapawu dzago gumbembani kholu u alakanyide gurenga khu dzitsapawu giningwa gya Nungungulu.

Varoma 2:10

Aholu Nungungulu a na ninga wudhumo ni wuzundzo ni gurula ga vatshavbo vale va girago nya sadi, guphela khu Mujudha kala va nya mayigo.

Varoma 2:29

Mujudha nya lisine khu wule a gu Mujudha khu monyoni gwaye, a nuwo wugwera nya lisine khu wule wu hanwago monyoni, wu hanwago maningano khu edzi li lombago khidzo Liphuvbo, nasiri khu edzi wu lombago khidzo nayo nya gulowe. Khuye oyu a rungudzwago khu Nungungulu, ambari a si rungudzwi khu vathu.

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

Varoma 8:19

Sivangwa satshavbo somo si khevisela, wutshigu ni mihani, na si gu lindrela gu wona litshigu Nungungulu a na gu dzi wonegisago ga sanana saye.

1 Vakorinto 3:13

thumo wa muthu ni muthu wu na wonegiswa ga vatshavbo, litshiguni la Pfhumu. Kholu, litshigu lolo li na wonegiswa khu nilo, nilo wu na lingedzela gutiya nya thumo wa muthu ni muthu.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

Jakobe 1:12

Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

1 Pedro 1:13

Khu guralo, dzi hungeni siwunu sanu, mu nga sengwi khu gilo; vegani gutumba gwanu gwatshavbo ga giningwa mu na gi hakhago litshigu Jesu Kristo a na gu dzi wonegisago.

1 Pedro 1:5

gasi thomba mu vegedwego khu gukhodwa ni gu sayiswa khu tshivba ya Nungungulu, mu mana guvbanya gu guromo vbafuvbi, gasi guta wonegiswa khu gikhati nya guhegise.

1 Pedro 2:4

hidzimelani gwaye, a gu giwindri nya guvbanye, gi nga nyenywa khu lisine khu vathu, aholu ga Nungungulu gilo nya lisima.

1 Pedro 2:7

Khu guralo, ga enu mu khodwago, giwindri gyogyo khya lisima ngudzu. Aholu, ga ava va si khodwigo; “Giwindri gi nga nyenywa khu vavbahi gi khade giwindri nya gutshanganise.”

1 Pedro 4:12

Sigodwa sangu, mu nga liwugi khu gu wona silingo sesi nya gulemele si mi dugelelago, nga khwatshi silo siphya nya gusamadzise mu si wonago.

1 Pedro 4:13

Aholu, nengelani khu gu hengela gusaniseka ni Kristo gasi mu tale khu gutsaka gikhati wudhumo waye wu na wonegiswago.

1 Pedro 5:1

Eni nyi gu lidhota neni, nyi ngu khongotela mambe madhota. Eni nyi fakazi nya gusaniseke ga Kristo, nyi na hengela wudhumoni wu na gu wonegiswago.

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

2 Pedro 1:4

Khu guralo, uye a hi ningide siningwa nya sikhongolo nya lisima a nga hi tumbisago, gasi hifela gu vbulugiswa ga mapimo nya gupfhungumule ma fumago tigoni, hi kodza gu hengela tumbunugoni gwaye nya wunungungulu.

2 Pedro 3:14

Sigodwa sangu, nga olu mu lindrelago litshigu lolo, girani tshivba mu khale ga Nungungulu, nyambana gisolo, ambari gighoho mbeli gwaye.

Judha 1:24

Aholu, wule a gu na ni tshivba nya gu mi vhikele, gasi mu si dhedhereki; ni gu mi vbwelegedza a mi vbohisa na mu tsakide, na mu agide nyambana giwono mbeli nya wudhumo waye;

Gutuledwa 1:7

Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 3:10

Kha nga ulo u nga landrisago magana nya gutimisele gwangu, eni neni nyi na gu vhikela gikhati litigo latshavbo li na lingwago gasi gu wona khu mani a tiyidego mafuni.

Gutuledwa 3:18

Nyi ngu gu laya gukheni renga gwangu ndralama nya gumburisedwe niloni, gasi u fume; u renga dzingandzu nya guage, gasi u ambale, u siha dzitshoni nya wumbwiri wago; u renga rendre nya maho, gasi u dzi todza u kodze gu wona.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.