1 Pedro 1:6 - Bhibhiliya Nya Guage

⁶ Nengelani khiso, ambari olu khu gikhatinyana mu guromo gugaradzegani khu kotani nya silingo nya singi mu si manago.

1 Pedro 1:6 Iomraidhean Croise

Dzindzimo 119:28

Hefemulo wangu wu ngu lila marongo nya wuvi; nyi tiyise kha nga gitumbiso gyago.

Dzindzimo 119:75

Pfhumu Nungungulu, nyi ngu dziti gwadi gukheni gulamula gwago gu lulamide, khwa hosisa olu U nga nyi tsayisa.

Dzindzimo 34:19

Sigaradzo nya muthu nya gululame singi ngudzu, aholu Pfhumu Nungungulu a gu mu vbulugisa ga satshavbo.

Dzindzimo 35:10

Khu monyo wangu watshavbo, nyi na ganela, kheni: “Pfhumu Nungungulu, khu mani a fananago ni Uwe?” Kholu uwe u ngu tshudzisa gisiwana mandzani ga wule a gu ni tshivba gu mu vbindra, u vbanyisa khulungu ga vale va yi kalavelago.

Dzindzimo 69:20

Va nyi vade kala ni monyo wangu wu vbisa, nyi vbela tshivba; nyi vbwetide nya gu nyi pwele wusiwana, aholu kha nya mu mana; kha nya mana ni moyo nya gu nyi tangadzise.

Dzindzimo 9:14

Nyi fela gu embelela wuzundzo dzinyangwani ga gyagadzyana gya Siyoni, nyi nengela kholu u nga nyi vbanyisa.

Dzindzimo 95:1

Deluni hita dhumisa Pfhumu Nungungulu, khu mikulungwane, hi na embelele hi rungudza Giwindri nya guvbanyiswe gwathu.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Matewu 11:28

Deluni gwangu, enu mwatshavbo mu garadego ni gu lemedwa; eni nyi na mi hefemudza.

Matewu 26:37

Na dzegide Pedro, ni sanana sa sivili sa Zebhedhewu, a di phela gusaniseka ni gu tala khu rerema.

Matewu 5:12

“Nengelani mu ghiya, kholu tshatshazelo wanu wu na bani wuri wukhongolo Ndzadzini. Kholu khidzo kharati va nga sanisago khidzo vaprofeti va gale.

Luka 1:47

ni monyo wangu wu ngu nengela ga Nungungulu, Muvbanyisi wangu,

Luka 10:20

Gasi enu, mu nga tsakini basi khu gu yingiswa khu maphuvbo. Aholu tsakani kholu malina yanu ma lovidwe Ndzadzini.”

Luka 2:10

Ngilozi yi di va embela, khiyo: “Mu nga thavi, nya guta mi tivisani mahungu maphya nya gutsake nya gukhongolo ngudzu, ma na gu tsakisago vathu vatshavbo.

Johane 16:22

Gunene, olu mu na ni wusiwana, aholu eni nyi nata mi wonani nyaluphye; gikhati gyogyo myonyo yanu yi na tala khu gunengela. Mwalo a na mi dzegelago gunengela gwanu.

Johane 16:33

Nya gu mi embelani esi, gasi mu tshale ni gurula gwangu; mu na mana sigaradzo tigoni, aholu nyi tumbeni, kholu eni nyi pade litigo.”

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Varoma 12:12

Nengelani gutumbani, mu timisela sigaradzoni, mu pharisa milombeloni.

Varoma 5:11

Gambe khandri iso basi. Ethu hi na ni gunengela nya gukhongolo ngudzu mbeli gwa Nungungulu khu kota ya Jesu Kristo, a gu uye hi manago khuye gutshangana ni Nungungulu.

Varoma 5:2

Khavbo ga Kristo, ethu nethu hi manide gukatega khu kotani nya gukhodwe gwathu. Khuwo wuhigo wowu hi vbanyago khuwo na hi tiyide ni gu dzi zundza khuwo, na hi gu lirela khu gunengela ni gitumbo gu wona wudhumo wa Nungungulu.

Varoma 9:2

Monyo wangu wu tade khu gu garadzega nya gukhongolo ni wuvi nyamba hegisa,

2 Vakorinto 4:17

Kholu gusaniseka gwathu nya guvbevbuge nya gikhatinyana gwa gu hi dongisela guya bela wudhumoni nya wukhongolo nyamba vbela, wudhumo wu vbindrago gusaniseka gwatshavbo.

2 Vakorinto 6:10

Gukhwatshi hi swihade, aholu hi ngu nengela gikhati gyatshavbo; gukhwatshi hi sisiwana, aholu hi fumiside nya vangi; gukhwatshi hi mwalo gilo, aholu hi naso satshavbo.

Vagalatiya 5:22

Gasi mithumo ya Liphuvbo la Nungungulu, kheyi: Lihaladzo, litsako, gurula, gutimisela, gu dzi ningedzela, ndruda, wuwadi, gutumbega,

Vafilipi 2:26

Uye a gu khala khu gu mi suva enu mwatshavbo, gambe a ngu garadzega ngudzu kholu enu mu pwidego mahungu nya madwali yaye.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.

Vafilipi 4:4

Nengelani ga Pfhumu; nyi ngu engedza gu mi embela, nengelani.

1 Vatesalonika 1:6

Enu mu khade giwonelo gyathu ni gya Pfhumu, khu gu dzumelani magana yaye, khu gutsaka nya Liphuvbo nya Guage, ambari mu nga bani mu nari ni sigaradzo.

Jakobe 1:2

Vandriyangu, ni gevbini gilingo mu gi manago, tsakani, mu nengela.

Jakobe 1:9

Aholu ndriyathu nya gisiwana a na nengele a gu ningwa guvbanya nya wutshukwana.

Jakobe 4:9

Garadzegani, mu womba dzihuwa, mu lile. Vbindrugedzani mahego yanu khu gulila, ni gutsaka gwanu, khu guswihala.

1 Pedro 3:17

Kholu, gwadi gusaniseka khu gu gira silo nya sadi, (a gu bani ari ugo guhaladza ga Nungungulu), guvbindra gu gira guvivba.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.

1 Samuweli 2:1

Ana a di lombelela a ganela, khuye: “Monyo wangu wu ngu nengela ga Pfhumu Nungungulu, ni hefemulo wangu, wu ngu rungudza Pfhumu Nungungulu; likana langu, li ngu hega valala vangu, kholu nyi ngu tsakela guvbanyisa gwago.