1 Pedro 1:4 - Bhibhiliya Nya Guage

⁴ Gasi, hi mana thomba nyamba hina eyi yi ngamba nyenyeziswa, yisi wunigo. Mu dongisidwego iyo ndzadzini,

1 Pedro 1:4 Iomraidhean Croise

Dzindzimo 31:19

Pfhumu Nungungulu, wuhindzi wago wukhongolo ngudzu, wa gu wu vegela vale va gu ni githawo ga uwe, u wu ningela ga vale va thavelago avbo gwago, uwo u wu thumisago mbeli nya vathu.

Dzindzimo 47:4

A ngu hi hathela thomba yathu, wuzundzo wa Jakobe, gigodwa gyaye.

Isaya 66:22

Kha nga olu ndzadzini nya guphya ni litigo nya liphya, nyi na gu si girago, si na khalago mbeli gwangu, kharato nilo livelego lanu ni lina lanu li na khala kharato gikhati gyatshavbo, a ngu ganela Pfhumu Nungungulu.

Ezekiyeli 47:12

Vbafuvbi ni tsongo, khu bambe ga eno ni eno, gu na buga misimbo nya mafumbo yatshavbo nya guninge mihandro nya guhodzwe; mahagane yaye kha ma na nga wu na, gambe kha gu na hamugega mihandro yaye; khu migima yaye, yi na velega mihandro nya yiphya, kholu mati yaye ma gu duga khu nyumbani nya guage; mihandro yaye yi na khala guhodza, mahagane yaye ma khala rendre.”

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Marko 10:17

Na gu duga a hongola, a di khingwa khu mwama na gu tutuma, a ta khidzima migondroni gwaye a mu wudzisa, khuye: “Muhevbudzi nya wadi, ginani nyi fanelago gu gira gasi nyi mane guvbanya nya gupindruge?”

Mithumo 20:32

Olu nyi ngu mi vega mandzani gwa Nungungulu, mu na vhikedwa khu magana nya lihaladzo laye, magana ma gu ni tshivba nya guvbahe libandla, uye a na mi ninga thomba yi fanedego gu hakhwa khu sivbango satshavbo nya libandla la Pfhumu.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Varoma 8:17

Ha gu bani hiri sanana, gu yeyedza gu pwani hi vahodzi gambe nya thomba; hi vahodzi nya thomba ya Nungungulu gumogo ni Kristo. Ha gu tshaniseka naye, hi na hengela gambe naye wudhumoni gwaye.

1 Vakorinto 9:25

Vathu vatshavbo va girago mapalisana va gu dzi phara siloni satshavbo. Va gu gira satshavbo esi khu gufela gu koka givango nya simbo nyamba hwela gufa. Gasi ethu ha gu thumela gu koka givango gi vbanyago kala gupindruga.

Vagalatiya 3:18

Kholu ha gukhethu ha gu ningwa thomba khu Nayo, gu yeyedza gu pwani kha hi nga gu ningwa gambe khu gitumbiso. Aholu, Nungungulu ningede thomba mahala ga Abrahama khu gitumbiso.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 1:14

Khilo gitumbiso nya thomba yathu, eyi Nungungulu a yi vegisedego vathu vaye; olu hi ngarigu vbakari nya gulindrele, khilo Liphuvbo li hi ningago gutumba guya hakha thomba, gasi wu rungudzwe wudhumo waye.

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Vakolosi 1:12

Bongani Nungungulu Babe a dzinidego gukhuye mu mane nenu fanelo nya guya hengela guhodza thomba a yi vegisedego libandla laye mufumoni nya wenengedzo.

Vakolosi 1:5

Gikhati nya guhegule mu hakhidego Mahungu Yadi nya lisine, mu pwide na gu ganedwa khu gutumba hi ningwago khayo. Khu kharato, gutumba ni lihaladzo lanu sa gu seketedwa khu gutumba mu vegedwego Ndzadzini.

Vakolosi 3:24

Dzitini gukhenu Pfhumu a na mi tshatshazela a mi ninga guhodza thomba yaye. Enu mwa gu thumela Kristo a gu Pfhumu nya lisine.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Vahebheru 10:34

Enu mu hengede gusanisekani ga vale va nga girwa sibotshwa. Na mu phangidwe silo sanu satshavbo, mu di timisela khu gutsaka, kholu, mu di gu dziti gukhenu mu na ni silo nya sadi ngudzu nya gupindruge.

Vahebheru 9:15

Khu kotani nya isoso, Kristo khuye mutshanganisi nya gidzumeledzwano nya giphya, gasi vale va nga ranwa khu Nungungulu va hakhe makategwa nya gupindruge, aya Nungungulu a nga tumbisago. Esi si ngu girega khu kotani nya gufe gwaye gu nga vbulugisago vathu mugighohoni va giridego na gi nga gu thuma gidzumeledzwano nya guhegule.

Jakobe 1:11

Kholu, nga olu lidambo li dzurago khu tshivba, wu banga mwasi khu lihani, gu thega genge, wu vbela wumburi watshavbo, kharalo nugo, gi na wu na gitetema umo nya wugwewo waye.

1 Pedro 3:9

Mu nga bweledzeli guvivba khu guvivba, ambari guvala khu guvala. Aholu kategisani kholu mu ranedwe guta hakha gikategiso.

1 Pedro 5:4

Gikhati a na gutago Muhavisi nya khongolo, mu nata hakha gihugu nya wudhumo nyamba kuwuluga.

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.