1 Pedro 1:3 - Bhibhiliya Nya Guage

³ A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

1 Pedro 1:3 Iomraidhean Croise

1 Dzipfhumu 8:15

A di ganela, khuye: “A na rungudzwe Pfhumu Nungungulu wa Israyeli, a ganedego khu likana laye ga babe wangu Dhavhidhe, a tadzisago olu khu gyandza gyaye gitumbiso a giridego nya gukhuye:

1 Dzikoronika 29:20

Khavbo avbo, Dhavhidhe a di embela tshangano watshavbo, khuye: “Olu dhumisani Pfhumu Nungungulu wanu!” Khavbo avbo, tshangano watshavbo wu di dhumisa Pfhumu Nungungulu wa vababe vawe, va noga va thega khu dzikhovbe mbeli ga Pfhumu Nungungulu ni ga mufumeli.

2 Dzikoronika 31:8

Gikhati Ezekhiya a ngatago gumogo ni manganagana yaye, na va wonide siwungela sile, va di bonga Pfhumu Nungungulu, gumogo ni vathu vaye va na Israyeli.

Dzindzimo 41:13

A na bongwe Pfhumu Nungungulu wa Israyeli, gukhugela olu kala gupindruga! Amen ni amen!

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Johane 1:13

sivangwa sesi kha sa velegwa khu tshivba nya novba mwendro, khu tumbunugo nya muthu, mwendro khu gu haladza nya muthu, aholu si velegidwe khu gugola ga Nungungulu.

Varoma 12:12

Nengelani gutumbani, mu timisela sigaradzoni, mu pharisa milombeloni.

Varoma 15:13

Uye Nungungulu a gu gibuga nya gitumbo a na mi ninge gunengela, ni gurula khu gukhodwa, gasi gitumbo gyanu gi engedzelana gu dandra khu tshivba nya Liphuvbo nya Guage.

Varoma 4:25

Uye a di ningedwa a gu songwa khu kotani nya sighoho sathu, aholu wugide gasi gu hi gira vathu nya gululame mbeli gwa Nungungulu.

Varoma 5:10

Uye Nungungulu, na hi ngari valala vaye a hi wonego na hi lulamide khu kotani nya gufe ga Kristo, hi ngu khodwa gukhethu, ngudzungudzu olu, hi tshanganisidwego naye, hi na vbanyiswa khu womi wa Mwanaye.

Varoma 8:11

Mwa gu bani muri ni Liphuvbo la wule a nga wusago Kristo khu ga vafudego a mu wuyisa guvbanyani, uye a wusidego Kristo, a na wusa niso sivili sanu nya gufe khu tshivba nya Liphuvbo nya Guage li vbanyago ndrani gwanu.

Varoma 8:24

Kholu lisine, ethu olu hi vbanyisidwe khu gutumba. Gu tumba silo si wonegago, khandri gitumbo gya gilo. Hi na dzi kodza kharini gu lindrela esi hi si wonago?

1 Vakorinto 13:13

Olu gu nga emide esi sa siraru: Gukhodwa, Gutumba ni Lihaladzo. Ga esi sa siraru gikhongolo khu lihaladzo.

1 Vakorinto 15:20

Aholu, Kristo wugide, khu lisine, khuye matiwula nya guwuge ga vafudego.

2 Vakorinto 1:3

A na rungudzwe Nungungulu Babe wa Pfhumu yathu Jesu Kristo, Babe nya wuhindzi, Nungungulu nya guthavelele gwatshavbo,

Vagalatiya 6:16

Gurula ni wuhindzi gu na khale ga enu mwatshavbo mu landrisago mavbanyelo yaya, gumogo ni libandla latshavbo la Nungungulu.

Vaefeso 1:17

Gasi Nungungulu wa Pfhumu yathu Jesu Kristo, Babe nya wudhumo, a mi ninge Liphuvbo nya guti, ni gu mi tulela ndzila nya gu muti gwadi Nungungulu.

Vaefeso 1:3

A na rungudzwe Nungungulu, Babe wa Pfhumu yathu Jesu Kristo, A hi kategisago khu makategwa yatshavbo ya Ndzadzini khu ga Kristo.

Vaefeso 1:7

Guvbanya ha gu gu mana khavbo gwaye, khu novba waye hi mane gu tshulega ni gu divaledwa sighoho sathu khu gutala nya wuhigo waye,

Vaefeso 2:4

Aholu, Nungungulu tade khu wuwadi nya wukhongolo, khu lihaladzo laye nya likhongolo a hi godego khilo.

Vaefeso 3:20

Ga Uye a gu na ni tshivba nya gugire guvbindra satshavbo esi hi mu lombago, ambari ni esi hi alakanyago, khu tshivba Yaye yi thumago ndrani gwathu.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.

Vakolosi 1:27

A va tulede gambe guti talo nya thomba nya sihalo yoyo a dongisedego vathu vatshavbo. Gikungo gya Nungungulu nyi gi thulago khu Kristo a vbanyago ndrani gwanu a gu uye gitumbo nya wudhumo wa Nungungulu.

1 Vatesalonika 1:3

Hi ngu mati gwadi mavbanyelo nya gukhodwe gwanu, ni gu dzi garadza gwanu khu lihaladzo, ni gutiya gutumbani gwanu mu gu nago khu Pfhumu yathu Jesu Kristo, mbeli ga Nungungulu Babe wathu.

1 Vatesalonika 4:13

Vandruye, kha hi vbweti mu khale gidemani khu mahungu ya vafudego, mu nga saniseki kha nga vale va gu mwalo gutumba hi gu nago ethu.

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.

1 Thimoti 1:14

Gambe wuhigo wa Pfhumu yathu Jesu Kristo wu tade ngudzu, ni gukhodwa ni lihaladzo hi gu nalo ga Kristo Jesu.

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Vahebheru 3:6

Aholu, Kristo tumbegide kha nga Gyanana gi rwadego thumo nya gusayise Nyumba ya Nungungulu. Ethu hi na khala nyumba yaye ha gu tiya ga esi hi si tumbago.

Jakobe 1:18

Khu gudzina gwaye, a hi velegide khu tshivba nya lito nya lisine, gasi hi khala nga matiwula nya sivangwa saye satshavbo.

1 Pedro 1:13

Khu guralo, dzi hungeni siwunu sanu, mu nga sengwi khu gilo; vegani gutumba gwanu gwatshavbo ga giningwa mu na gi hakhago litshigu Jesu Kristo a na gu dzi wonegisago.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.

1 Pedro 1:23

Khu tshivba nya magana nya guvbanye nya gupindruge ya Nungungulu, enu mu velegidwe nyaluphye khu Babe a sifigo, nasiri khu vababe nya gufe.

1 Pedro 2:2

Khalani nga sanana si ngari gu velegwago, mu vbweta mahwe nya liphuvbo gikhati gyatshavbo, gasi mu sela, mu dandre, mu vbanyiswe.

1 Pedro 3:15

Aholu rungudzani Kristo kha nga Pfhumu myonyoni gwanu, khalani na mu dongide gasi gu ningani phindrulo ni wevbini a na gu mi wudzisago khu mahungu nya gitumbo nya gukhodwe mu gu nago.

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.

1 Pedro 3:5

Khidzo kharato, vanyamayi va gale nya ndruda va nga bani va dzi mburisela khidzo, va di vega gutumba gwawe ga Nungungulu, ni gu yingisa vama vawe.

1 Johane 2:29

Kha nga mu dzitigo gukhenu Kristo lulamide gima kha gira gilo nya guvivbe, dzitini gambe gukhenu oyu a girago esi nya gululame, velegidwe khuye.

1 Johane 3:3

Muthu watshavbo a gu na ni gitumbo gwaye a gu dzi agisa kha nga Uye a agidego.

1 Johane 3:9

Oyu a gu gyanana gya Nungungulu kha simami gu ghoha, kholu Nungungulu mbewu givilini gwaye. Khu guralo, kha dzi kodzi gu simama a ghoha, kholu velegedwe Nungungulu.

1 Johane 4:7

Sigodwa sangu, hi na haladzane khu gyathu, kholu, lihaladzo la guta khu ga Nungungulu. Oyu a haladzago khuye a gu gyanana gya Nungungulu, a ngu muti Nungungulu.

1 Johane 5:1

Muthu watshavbo a khodwago gukhuye Jesu khuye Kristo, gyanana gya Nungungulu. Muthu watshavbo a haladzago babe a nga velega gyanana, a ngu haladza gambe ni gyanana gya Babe yoyo.

1 Johane 5:18

Hi ngu dziti gukhethu sanana sa Nungungulu kha si nga gu simama gughoha kholu Mwamana wa Nungungulu a ngu si vhikela. Sathane kha dzi kodzi gu si kuha.

1 Johane 5:4

Kholu, watshavbo a velegidwego khu Nungungulu a ngu dzi kodza gupala litigo. Ethu, khu gukhodwa gwathu hi pade litigo.