1 Pedro 1:2 - Bhibhiliya Nya Guage

² Enu mu hathidwe khu guhaladza gwa Nungungulu Babe, mu giridwe vathu va Nungungulu khu tshivba nya Liphuvbo laye, gasi mu yingela Jesu Kristo ni gu mitegedzedwa khu Novba waye. Wuhigo ni gurula gu na tadzisedwe avbo gwanu.

1 Pedro 1:2 Iomraidhean Croise

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Isaya 65:22

Kha va na vbaha gambe dzinyumba dzi ta khadwa khu vambe vathu; kha va na yala gasi gu vambe va hodza. Kholu, vathu vangu va na vbanya myaga nya gulaphe kha nga misimbo, sihathwa sangu si na hodza satshavbo nya thumo nya mandza yawe.

Isaya 65:9

Nyi na dusa ga situgulwana sa Jakobe ni ga Judha, moyo a na khalago gihodzathomba yangu ya musigomoni; sihathwa sangu si na fumela litigo, sithumi sangu si vbaha umo.

Dhaniyeli 4:1

Eni mufumeli Nabhukodhonosori, na nyiri nyumbani gwangu nya wufumu ya gitezi, na nyi khade nyi tangala.

Dhaniyeli 6:25

Khavbo avbo, mufumeli Dhariyo a di lovela mayigo yatshavbo, mafumbu ni malimi yatshavbo nya guhambanelane ma manegago mafuni gwatshavbo, khuye: “Gurula gu na khale vbakari gwanu gikhati gyatshavbo!”

Levhi 1:5

Khu hwane, a na paya gimombyana mbeli ga Pfhumu Nungungulu. Vaphasi nya mhamba, a gu sanana sa Aroni, va na dzega novba wakone va wu bikela ga Pfhumu Nungungulu, va mitegedzela khuwo maphuvbo yatshavbo nya giluvelo, gi guromo vbamwanyatunu nya Tshatsha nya Tshangano.

Matewu 24:22

Nari pwani kha nga rodzisa matshigu yoyo, mwalo a nga vbweta gu vbanyiswa. Aholu, khu kotani nya sihathwa saye, a na ma rodzisa.

Matewu 24:24

kholu va na dugelela Vakristo ni vaprofeti nya malipha, va na gu girago siliwugiso nya sikhongolo, gule nya gu, samba gwadi, ambari sihathwa si na pengiswa niso.

Matewu 24:31

A na rumela dzingilozi dza Nungungulu gu womba pundru nya gudzume ngudzu, gasi gu tombanisa sihathwa sa maphuvbo yatshavbo ya mana, gukhugela mahegiso kala mahegiso nya mafu.

Marko 13:20

Nari pwani Pfhumu kha nga rodzisa matshigu yoyo, mwalo a nga vbweta gu vbuluga; aholu, khu kotani nya vale a va hathidego a ma rodziside.

Marko 13:22

Kholu va na dugelela Vakristo ni vaprofeti nya malipha. Va na gira siliwugiso nya gutale, si na dzi kodzago gu pengisa ambari sihathwa.

Marko 13:27

A na rumela dzingilozi dzaye gasi guta tombanisa sihathwa sa maphuvbo yatshavbo ya mana, gukhugela mahegiso nya litigo kala mahegiso nya ndzadzi.

Luka 18:7

Ina Nungungulu khuye a na gumba lamula sihathwa saye, si mu ranago wutshigu ni mihani, ambari a gu gira gukhwatshi a gu hwela, gani?

Mithumo 15:18

a ngu ganela Nungungulu a nga tulelago gu tidwa silo sesi khu myaga ya gale.’

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

Mithumo 20:32

Olu nyi ngu mi vega mandzani gwa Nungungulu, mu na vhikedwa khu magana nya lihaladzo laye, magana ma gu ni tshivba nya guvbahe libandla, uye a na mi ninga thomba yi fanedego gu hakhwa khu sivbango satshavbo nya libandla la Pfhumu.

Varoma 1:5

Khu uye, hi hakhide wuhigo nya gukhale Vapostoli, gasi hi wuyisa vathu nya mahundzu yatshavbo va khodwa ga Nungungulu va dhumisa lina laye.

Varoma 1:7

Nyi ngu mi losani enu mwatshavbo mu gumogo Roma, enu mu haladzwago khu Nungungulu, mu ranidwego gu khala va nya guaga vaye, kheni: Wuhigo ni gurula gu tago khu ga Nungungulu Babe wathu, ni ga Pfhumu Jesu Kristo gu na khale ni enu mwatshavbo.

Varoma 11:2

Nungungulu kha tsukula vathu vaye a va hathidego gukhugela tshiguneneni. Ina kha mu si pimi esi milowo yi ganedego khu Eliya a ngaya dilela ga Nungungulu khu mahungu ya Israyeli, gani?

Varoma 11:28

Ha gu khedza khu Mahungu nya Yadi, va khade valala va Nungungulu khu kotani gwanu. Aholu avo va ngu simama gu khala sihathwa sa Nungungulu khu kotani ya vababe vawe.

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

Varoma 16:19

Mahungu nya gutumbege gwanu ga Kristo ma pwade malangani gwatshavbo, ma nyi tsakisa ngudzu. Aholu nya guvbweta gukheni mu gengela gasi mu kodze gu landra esi nya sadi; mu rula gasi mu kodze gu dzi vhikela ga esi nya guvivbe.

Varoma 16:26

olu wu wonegisidwe khu Milowo ya vaprofeti khu guruma ga Nungungulu nya gupindruge. Mayigo yatshavbo ma tuledwe gu wuti sihalo wowu gasi ma hakhe gukhodwa.

Varoma 8:13

Kholu mwa gu landrisela mavbanyelo nya gudogolele gogo, mwa gu bela khu ndzila yi mi yisago gufani. Aholu mwa gu songani mithumo nya wughohi khu tshivba nya Liphuvbo nya Guage, mu na vbanya.

Varoma 8:33

Khu mani a na gu thuledzago vale va hathidwego khu Nungungulu, olu uye Nungungulu a va giridego vathu nya gululame?

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

1 Vakorinto 6:11

Vbakari gwanu vomo va nga bani vari ni mavbanyelo yoyo. Olu mu handzidwe, mu agiswa, mu gu girwa vathu nya gululame linani ga Pfhumu Jesu Kristo, khu tshivba nya Liphuvbo la Nungungulu wathu.

2 Vakorinto 10:5

hi na khungumule matshandza yatshavbo ma wugelago guti gwa Nungungulu, hi wuyisela mapimo yatshavbo nya wuthu, ma ta yingisa Kristo.

Dhewuteronome 7:6

Kholu enu mu vathu va agisedwego Pfhumu Nungungulu wago. Pfhumu Nungungulu wago, a mi hathide gasi mu khala vathu vaye, vbakari nya mafumbu yatshavbo ma guromo mafuni.

Vakolosi 3:12

Enu mu vathu va Nungungulu, kholu uye a ngu mi haladza, gambe a mi hathide. Khu kharato, gu vbwetega muri ni monyo nya gupwele wusiwana, nya ndruda, nya gu dzi nogise, nya gurule ni gutimisela.

2 Vatesalonika 2:13

Khu kotani gwanu, hi ngu bonga Nungungulu gikhati gyatshavbo, vandruye, sigodwa sa Pfhumu, kholu a di mi hathani mu khala va nya guhegula gu hakha guvbanyiswa ni gu dzumela lisine ni gu agiswa khu tshivba nya Liphuvbo.

2 Thimoti 2:10

Khu guralo, eni nya gu timisela satshavbo khu kotani nya sihathwa, nya gu girela gukheni a navo va mane guvbanyiswa gogu ga Kristo Jesu, gumogo ni gidhumo nya gupindruge.

Tito 1:1

Eni Pawulo, githumi gya Nungungulu, mupostoli wa Jesu Kristo, nyi ngu lova lidangalila leli. Nyi hathidwe nyi rumedwa gasi guta phasa ni gu tiyisa vathu va Nungungulu gukhodwani, ni gu va yisa lisineni li hevbudzwago khu nayo wathu,

Vahebheru 10:22

Hi na hidzimele ga Nungungulu khu monyo nya wadi ni gukhodwa nya gutiye, na hi agisidwe satshavbo si hi vivbisago monyo, sivili sathu na si handzidwe khu mati nya yadi.

Vahebheru 11:28

Khu gukhodwa, a di gira mikhuwo nya Phasika, a ruma gu todzwa novba malimba nya dzinyumba, gasi mumbembisi, a si songi sanana sawe nya matiwula sa va na Israyeli.

Vahebheru 12:24

Ga Jesu a gu Mutshanganisi nya gidzumeledzwano nya giphya, uye a vbaladzidego Novba wu ganelago silo nya gu hi phase guvbindra novba wa Abheli.

Vahebheru 5:9

Na tadzisegide thumoni gwaye, a di khala gibuga nya guvbanye nya gupindruge ga vale va mu yingelago.

1 Pedro 1:14

Khalani sanana nya guyingise, mu nga dzumeli guvbanya gwanu gu fumwa khu gunavela nya mavbanyelo yanu ya gale; na mu si gu pimini gilo.

1 Pedro 1:19

Aholu, enu mu dzegisidwe khu Novba nya lisima wa Kristo, a gu uye Nvutana nyamba hasa, nyambana mavalavala.

1 Pedro 1:20

Uye, khu lisine, a hathidwego khu gale na gu si gu vangwi litigo, a gu wonegiswa ga matshigu yaya nya guhegise, gasi gu phasa enu.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

2 Pedro 1:2

Wuhigo ni gurula gu na engedzelane gu dandra ga enu, khu guti Nungungulu ni Jesu Pfhumu yathu.

2 Johane 1:1

Eni lidhota nyi ngu lovela singalagadzi a hathidwego ni sanana saye, avo nyi va golago khu lisine; nasiri eni basi, aholu ni vatshavbo vale va litigo lisine, va ngu mi golani.

2 Johane 1:13

Ava va lumbago Libandla nya vandruye li hathidwego nilo khu Nungungulu, va ngu mi losedzela.

Judha 1:2

Wuhindzi, ni gurula ni lihaladzo si na tale ngudzungudzu ga enu.