1 Pedro 1:12 - Bhibhiliya Nya Guage

¹² Gikhati vaprofeti va ganedego khu Mahungu nya Yadi, aya mu ma pwidego enu olu, Nungungulu tiviside gukhuye thumo wawe wu di si phasi avo, aholu wu di phasa enu. Vagimbidzisi nya Mahungu Yadi nya Ivhangeli va nga ganela khu tshivba nya Liphuvbo nya Guage, li nga rumedwa khu ndzadzini, khavo va mi embedego lisine leli. Silo nya gu, ambari dzingilozi dzi di gu gola nidzo gu siti.

1 Pedro 1:12 Iomraidhean Croise

Ekisodha 25:20

Dzikerubhimi dzi na thawuludza dzimbapi dzawe vbatshani, dzi fenengedza gikhalo nya ditshedzo. Dzi na khedzisana, dzikhovbe dzawe dzi na nogela gikhalotunu nya ditshedzo.

Mavingu 1:23

Vbindrugedzani mu yingisa gu kawuka gwangu, nyi na mi thela liphuvbo langu ndrani gwanu, nyi na mi gira muti magana yangu.

Isaya 32:15

kala li gu tshiga avbo gwathu Liphuvbo la gupindruga; khavbo avbo, giwula gi na vbindrugedza gi khala lithembwe nya gunone, ni lithembwe nya gunone li na khala likhabi.

Isaya 53:1

Khu mani a khodwego khu esi hi mi tivisidego? Gambe khu mani a wonidego tshivba ya Pfhumu Nungungulu?

Dhaniyeli 10:1

Khu mwaga nya wuraru nya gufume ga Kiro, mufumeli wa Perisiya, Dhaniyeli, a ranwago gambe gupwani khu Bhalitazari, a di ningwa giwoniso. Mahungu nya giwoniso gegi, ma diri ya lisine, ma di ganela khu libango nya nyimbi nya yikhongolo ngudzu. A di mati gwadi magana yakone ni gu mana tshamuselo nya giwoniso.

Dhaniyeli 12:13

“Gasi olu uwe Dhaniyeli, simama ndzilani gwago u timisela kala gikhati nya mahegiso, kholu u na hefemula, khu litshigu nya mahegiso u hakha tshatshazelo yago.”

Dhaniyeli 12:9

Uye a di nyi embela, khuye: “Dhaniyeli, indra, kholu mahungu yaya ma segedwe ni gulemwa kala gikhati nya mahegiso.”

Dhaniyeli 2:19

Khavbo avbo, Dhaniyeli a di tugudziswa sihalo nya ndroro khu gu loriswa ni wutshigu. Dhaniyeli a di rungudza Nungungulu wa ndzadzini.

Dhaniyeli 2:22

Uye a ngu tugudzisa silo nya guete niso si sihadego; khuye atigo iso si guromo gidemani guwonegela gwa gu khala avbo gwaye.

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 8:13

Khu hwane, nyi dipwa gihathwa gi nga bani gi ganela; gimbe gihathwa gi di embela gile gi nga bani gi ganela, khigyo: “Silo sesi nyi si wonago khu giwoniso, si na simama kala lini si ganelago khu phaso nya litshigu ni litshigu, khu gughoha, si nga pfhungumudzisago nyumba nya miphaso, ni sivangwa si ningedwago si gandredzedwa khu migondro nya kheho, na?”

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Amosi 3:7

Khu lisine, Pfhumu Nungungulu, kha na gira gilo nyamba phela khu gu ninga giwoniso ga sithumi saye, a gu vaprofeti.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Matewu 11:25

Gikhati gyogyo, Jesu a di khusa lito, khuye: “Nyi ngu gu rungudza, Baba, Pfhumu nya ndzadzi ni mafu, kholu u sihede va nya guti ni va nya gugengela silo sesi, u si yeyedza ga va nya gusolega.

Matewu 11:27

Satshavbo nyi ningidwe khu Babe wangu. Mwalo a mu tigo Mwamana vbavbandze ga Babe ekha, gambe mwalo a mu tigo Babe vbavbandze ga Mwanaye ekha ni wule Mwamana a dzinago gu mu tulela.

Matewu 16:17

Jesu a di mu hakha, khuye, “U kategide, Simoni, mwamana wa Jona, kholu isoso khandri u di tiviswa khu muthu; aholu, u di tiviswa khu Babe wangu a guromo Ndzadzini.

Marko 16:15

Khavbo avbo, a di va embela, khuye: “Indrani tigoni gwatshavbo, mu gimbila mu hevbudza Mahungu nya Yadi nya maphya ga vathu vatshavbo.

Luka 15:10

Nyi ngu mi embelani, kheni: Kharati nugo, gomo gunengela vbakari nya dzingilozi dza Nungungulu khu kotani nya gighohi gimwegyo basi gi vbindrugedzago mavbanyelo.”

Luka 2:26

A di wonisidwe khu Liphuvbo nya Guage pwani kha nafa nyamba wona Kristo wa Pfhumu.

Luka 9:6

Khavbo avbo, va di phara dzindzila, va gu gimbila va hevbudza Mahungu nya Yadi khu ndranga ni ndranga ni gu hawulugisa vadwali malangani yatshavbo.

Johane 15:26

“Aholu, a guta Muphasedzeli, a gu Liphuvbo nya Lisine nyi na mi rumelago khu ga Babe wangu, a nata nyi fakazela.

Mithumo 10:44

Pedro na gu ganela silo sesi, Liphuvbo nya Guage li di tshiga ga vatshavbo va nga bani va gupwa mahungu ya Nungungulu.

Mithumo 16:10

Khu hwane nya giwoniso gile, hi di khuga hi phara ndzila hi gu hongola Makedhoniya na hi gu tumba gukhethu Nungungulu a di hi rana guya tshumayela iyo Ivhangeli.

Mithumo 2:33

Olu na khusedzidwe nyamudye ga Nungungulu hakhide Liphuvbo nya Guage a nga tumbiswago khu Babe, a li rumela. Khiso esi mu si wonago ni gu sipwa.

Mithumo 4:31

Na vari vbakari nya nombelo gu di manega girevareva vbale va nga bani va romo; vatshavbo va di tala khu Liphuvbo nya Guage, va gu ganela mahungu ya Nungungulu na va tiyide.

Mithumo 4:8

Khavbo avbo, Pedro, na tade khu Liphuvbo nya Guage, a di ganela, khuye: “Vakhongolo nya libandla ni madhota,

Mithumo 8:25

Avo, hwane nya gu na va ningide wufakazi wawe ni gutivisa mahungu ya Pfhumu, va di bwelela Jerusalema na va gu tshumayela Ivhangeli mitalalani ya Samariya.

Varoma 1:15

Khu kharato, eni nyi dzi emisede gambe guta mi tivisani Ivhangeli, enu mu vbanyelago Roma.

Varoma 1:17

Kholu khavbo nya Ivhangeli, hi tugula gikungo gya Nungungulu nya hi tshanganise naye khu tshivba nya gukhodwe, hi gu manago gukhugela guhegulani kala guhegisani, kha nga gu lovidwego gupwani: “Muthu a lulamidego a na vbanya khu gukhodwa.”

Varoma 10:15

A na hongodzisa guwani muthu nya guya va tivisa, a gumba rumedwa? Kha nga gu ganedwago umo nya Milowo nya Guage, gupwani: “Gu ngu tshamba ngudzu gu wona gu vboha ga vale va hi reselago Mahungu nya Yadi.”

Varoma 15:19

khu siliwugiso ni sisamadziso, ni tshivba nya Liphuvbo nya Guage. Khidzo kharati nyi tago na nyi gu tivisa Mahungu nya Yadi ya Kristo, gukhugela Jerusalema, ni malangani yatshavbo kala gipandre gya Iliriya.

1 Vakorinto 2:10

Aholu, Nungungulu a hi tulede guti silo sesi khu tshivba nya Liphuvbo nya Guage, kholu Liphuvbo li ngu wona satshavbo, ambari misihalo nya guete ya Nungungulu.

2 Vakorinto 1:22

khuye a nga hi lova khu gifungo Gyaye a vega gitumbiso nya Liphuvbo myonyoni gwathu.

2 Vakorinto 6:6

Hi ngu dzi wonegisa gambe khu mavbanyelo yathu nya yadi, khu guti lisine, khu gutimisela ni wuwadi, khu Liphuvbo nya Guage li vbanyago gwathu, khu lihaladzo lathu nyamba pembeledzela,

Vagalatiya 1:12

kha nya yi hakha mwendro gu yi hevbula ga muthu, aholu, khu Jesu Kristo a nyi tuledego gu yiti.

Vagalatiya 1:16

a di nyi tulela guti Mwanaye, gasi nyiya tivisa Mahungu yaye nya Yadi ga va nya mayigo. Gima kha nya hongola nyiya lomba wusingalagadzi ga muthu,

Vaefeso 3:10

Gasi olu, vafumeli vatshavbo va mafuni ni vafumeli nya dzitshivba dza Ndzadzini, gu vbwetega va tiviswe gueta gwatshavbo nya guti gwa Nungungulu khu libandla la Kristo.

1 Vatesalonika 2:9

Vandruye, dundrugani khu lisine gugaradzega ni gugarala gwathu. Hi di thuma wutshigu ni mihani gasi hi si mi lemedzi, khu kharalo, hi di mi tivisani Mahungu nya Yadi ya Nungungulu.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Vahebheru 11:13

Vatshavbo vovo va fude na va tade khu gukhodwa. Kha va hakha esi va nga tumbiswago, aholu va si wone khu hwindzo va si tsakela, va dzi thula vawuyi, valuveli va vbindrago khu mafuni momu.

Vahebheru 2:4

Nungungulu tadziside wufakazi wawe khu gu gira siwoniso ni siliwugiso, yeyedzide tshivba yaye, a kabanisela siningwa nya Liphuvbo nya Guage, khu magirelo nya guhambanelane, kha nga guhaladza gwaye.

Vahebheru 4:2

Kholu, ethu hi hakhide Mahungu nya Yadi nga edzi va nga ma hakhago khidzo avo. Avo va ma pwide Mahungu, aholu, kha ma va phasa gilo, kholu, va di mapwa va si ma hakhi khu gukhodwa.

1 Pedro 1:25

Aholu, magana ya Pfhumu ma ngu simama kala gupindruga.” Khayo aya magana mu resedwego khu Mahungu Yadi nya Ivhangeli.

1 Pedro 4:6

Khigyo gi nga gira gu tiviswa Ivhangeli ga vale va fudego, ga vale va nga lamudwa va nga gu vbanya mafuni momu, kha nga gu lamudwago sivangwa satshavbo. Va tivisidwe Mahungu nya Yadi gasi, guvbanyani gwawe nya liphuvbo, va vbanye kha nga edzi Nungungulu a vbanyago khidzo.

Gutuledwa 5:11

Khavbo avbo, nyi di wona ni gupwa lito nya mwandra nya dzingilozi dzi nga bani dzi randrede gikhalo nya wufumu, ni sirengo sile sa sina ni madhota; tengo wa kona a diri makhulukhulu ni makhulukhulu ni mazanazana.