1 Johane 4:9 - Bhibhiliya Nya Guage

⁹ Khidzo kharato Nungungulu a nga yeyedza lihaladzo laye ga ethu. Nungungulu a di rumela Mwamana waye wa Moyo tigoni, gasi ethu hi mane guvbanya khu kotani yaye.

1 Johane 4:9 Iomraidhean Croise

Genesi 22:2

A di mu embela, khuye: “Dzega mwanago Isaki, gyanana gyago gya gimwegyo basi u gi golago ngudzu, u bela ndzilani u gu hongola tigoni ga Muriya. Nu vbohide iyoyo, u na mu songa u gira khuye mhamba nya phaso nya guvbiswe, gigomoni nyi na gu nonedzago.”

Dzindzimo 2:7

Nyi na huwelela nyi tivisa thetho wa Pfhumu Nungungulu. Uye a di nyi embela, khuye: Uwe u Gyanana gyangu, muhuno nyi gu velegide.

Marko 12:6

Na tshaledwe basi khu mwamana waye nya gigodwa, a di mu rumela, na gu alakanya gukhuye: ‘Va na ya ninga githawo mwamana wangu.’

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Johane 10:10

Mbafa kha yi teli gimbe gilo, ya gu tela gu taba, guta songa ni guta phanga. Eni nyi dzude, gasi dzinvuta dzangu dzi mane guvbanya; dzi gu mane khu gutala.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Johane 3:16

“Kholu Nungungulu haladzide ngudzu litigo gu kala a ningela Mwanaye wa moyo, gasi ni wevbi a khodwago gwaye a si mbembi, aholu a mane guvbanya nya gupindruge.

Johane 3:18

Uye a khodwago gwaye kha mbembi; aholu, uye a si khodwigo a na mbemba, kholu kha khodwa linani la Mwamana wa moyo wa Nungungulu.

Johane 5:23

gasi vatshavbo va rungudze Mwamana kha nga idzo va rungudzago khidzo Babe. Uye a si rungudzigo Mwamana kha rungudzi Babe a nga mu rumelago.

Johane 6:29

Jesu a di va hakha, khuye: “Guhaladza ga Nungungulu khogu: Khodwani ga wule a nga mu rumelago.”

Johane 6:51

Eni nyi guhodza nya guvbanye gu tshigidego khu Ndzadzini. Uye a gu hodzago a na vbanya kala gupindruga; guhodza nyi na ningelago khu givili gyangu, gasi guvbanyisa litigo.”

Johane 6:57

Kha nga Babe, a vbanyago, a nyi rumedego, a nyi vbanyisa khu tshivba yaye, a nuye oyu a nyi hodzago a na vbanya khu tshivba yangu.

Johane 8:29

Wule a nyi rumedego a na ni eni; kha nyi diga nyenga, kholu gikhati gyatshavbo nya gu gira esi si mu tsakisago.”

Johane 8:42

Jesu a va hakha, khuye: “Nari pwani Nungungulu Babe wanu, na mu nyi gola, kholu eni nya guta khu gu rumedwa khu Nungungulu. Kha nyata khu gudzina gwangu, aholu khuye a nyi rumedego.

Johane 9:3

Jesu a di hakha, khuye: “Uye kha ghoha, ambari vavelegi vaye navo; aholu, gu giregide esi, gasi gu wonegiswa khavbo gwaye tshivba ya Nungungulu.

Varoma 8:32

Uye a ngamba felela Mwamana waye, a nga mu ningela khu kotani yathu, ginani gi na mu tandregisago gu hi ninga satshavbo simbe silo gumogo ni Mwanaye?

Vahebheru 1:5

Khu lisine, khu yevbini yimbe ngilozi Nungungulu a yi embedego, khuye: “Uwe u gyanana gyangu, muhuno nyi gu velegide?” Gambe ni gukhuye: “Eni nyi na khala Babe wago, uwe u na khala gyanana gyangu?”

1 Johane 3:16

Kharato, khavbo hi dzitigo gukhethu ginani lihaladzo: Kristo ningede guvbanya gwaye khu kotani gwathu. Khu guralo, ethu nethu hi ngu yela gu ningela guvbanya gwathu khu kotani ya vandriyathu.

1 Johane 4:10

Lihaladzo kheli: Khandri ethu hi nga mu haladzago Nungungulu, uye khuye a nga hi haladzago, a hi rumela Mwamana waye, gasi, khavbo gwaye, hi ditshedzwa sighoho sathu.

1 Johane 4:16

Ethu nethu hi ngu liti lihaladzo Nungungulu a gu nalo ga ethu, gambe hi ngu khodwa ga lihaladzo lolo. Nungungulu lihaladzo, oyu a vbanyago khu lihaladzo a ngu hengela gu vbanya ni Nungungulu, gambe Nungungulu a ngu vbanya gwaye.

1 Johane 5:11

Khu guralo, wufakazi khowu: Nungungulu na hi ningide guvbanya nya gupindruge, a hi ningide guvbanya gogu khu ga Mwamana waye.

1 Johane 5:13

Eni nyi mi lovedeni silo sesi, enu mu khodwago ga Mwamana wa Nungungulu, gasi mu dziti gukhenu mu na ni guvbanya nya gupindruge.