1 Johane 4:1 - Bhibhiliya Nya Guage

¹ Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.

1 Johane 4:1 Iomraidhean Croise

1 Dzipfhumu 13:18

Aholu muprofeti nya gikhosane a di mu embela, khuye: Eni neni nyi muprofeti, ngilozi yi nyi embede khu magana ya Pfhumu Nungungulu, khiyo: Mu bweledze u wuya naye gaya gwago, gasi uye a ta hodza guhodza ni gu sela mati, aholu uye a di gu mu liphela.

Mavingu 14:15

Muthu nyambana mapimo a gu dzumeledzela satshavbo, gasi muthu nya mapimo a gu khedza umo a gandrago.

Jeremiya 14:14

Pfhumu Nungungulu a di nyi embela, khuye: “Vaprofeti va gu profeta malipha khu lina langu; khandri eni nyi va rumedego, ambari gu leletela ni gu va embela; va gu profeta avbo gwanu khu siwoniso nya malipha ni misihalo nya gu pfhadzwe khu guwegela nya myonyo yawe.”

Jeremiya 23:16

Pfhumu Nungungulu nya Tshivba Yatshavbo a ngu ganela kharati, khuye: “Mu nga theli kota khu magana ya vaprofeti va mi embelago situmbiso nya malipha; va gu mi pwadzelani siwoniso nya myonyo yawe, yi si tigo khu ga Pfhumu Nungungulu.”

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Marko 13:21

Khu kharato, va guta mi embelani, khavo: ‘Wonani, Kristo womo avba’, mwendro gukhavo: ‘Khuye wule,’ mu nga dzumelini.

Luka 12:57

Khu ginani mu si tuguligo mwabune, esi si lulamidego?

Luka 21:8

Jesu a di hakha, khuye: “Dzi woneleni, gasi mu si kanganyiswi khu vathu, kholu va na tumbuluga nya vangi va ganela khu lina langu, khavo: Kheni Kristo. Ni gukhavo: ‘Gi ngu vboha gikhati.’ Mu nga va landri.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

Mithumo 20:29

Nyi ngu dziti gwadi gukheni, hwane nya gu na nyi hongode, va na tshala va bela vale va vbwetago gupfhungumula libandla, nga masolwa ma phangago dzinvuta.

1 Vakorinto 12:10

mumbe a gu ningwa tshivba nya gugire siliwugiso, mumbe a ningwa gu ganela khu lina la Nungungulu, mumbe a ningwa gupima maphuvbo; mumbe a gu ningwa gu ganela malimi nya guhambanelane, mumbe a ningwa gukodza gutshamusela malimi.

1 Vakorinto 14:29

Vaprofeti vavili mwendro vararu va na tivisa mahungu ya Nungungulu, vambe va ninga mawonelo yawe khu esi si nga ganedwago.

1 Vatesalonika 5:20

mu nga yeyisi vaprofeti.

1 Vatesalonika 5:21

Khedzani gwadi satshavbo; mu vegisa esi nya sadi,

2 Vatesalonika 2:2

hi ngu mi lombani, vandruye, mu nga kanganyisegi, mu nga vbeli mapimo va gu mi embelani khavo, litshigu la Pfhumu li vbohide. Ambari a gu manega muthu a ganela ni gu hevbudza khu lina la Nungungulu a tiyisa khuye isoso si lovidwe vbalidangalilatunu gwangu,

1 Thimoti 4:1

Aholu Liphuvbo nya Guage li ngu ganela lisine, li gukhilo khu gikhati nya guhegise vambe va na diga gukhodwa, va yingisa maphuvbo nya malipha, va landra sihevbulo sa Sathane.

2 Thimoti 3:13

Aholu, vathu va nya guvivbedwa khu monyo ni vakanyisi va gu simamisa gu gira guvivba, va kanganyisa vakwawe, bwelo khavbo va kanganyiswa.

2 Pedro 2:1

Matshigu ya gale, va manegide vaprofeti nya malipha vbakari nya vathu, khu kharato gambe, va na manega vahevbudzi nya malipha vbakari gwanu. Va na hevbudza sihevbudzo nya gupfhungumule, nya malipha, va na danga Muhevbudzi a nga va vbanyisago. Isoso si na va gira va mbembiswa nyamba hwela.

1 Johane 2:18

Vanavangu, gikhati nya guhegise gi vbohide! Enu mu pwide gu ganedwa gupwani nala wa Kristo a nata. Olu va ngu manega nya vangi valala va Kristo; khavbo hi dzitigo gukhethu gikhati nya guhegise gi vbohile.

1 Johane 2:7

Sigodwa sangu, nayo yoyu nyi mi lovelago, khandri wuphya. Nayo wa gale, owu mu wu hakhidego guhegulani. Nayo wa gale khu mahungu mu ma pwidego gukhugela guhegulani.

2 Johane 1:7

Vakanganyisi nya vangi va phalalegide tigoni gwatshavbo, avo va gu hevbudza gukhavo Jesu Kristo gima kha nga dzi gira muthu. Oyu a ganelago kharato, mukanganyisi, nala wa Kristo.

3 Johane 1:11

Gigodwa gyangu, uwe pimedzela esi nya sadi, nasiri esi nya guvivbe. Uye a girago gwadi khwa Nungungulu, uye a girago guvivba, gima a si gu mu woni Nungungulu.

Gutuledwa 2:2

Nyi ngu siti sigiro sago, mithumo yago ni gutimisela gwago, kholu nyi ngu dziti nya gukheni khu pwanani ni vathu nyamba si vadi; ni vale va dzi ranago vapizane vasiri avo, u va lingide, u va kona muguliphani gwawe.