1 Johane 3:3 - Bhibhiliya Nya Guage

³ Muthu watshavbo a gu na ni gitumbo gwaye a gu dzi agisa kha nga Uye a agidego.

1 Johane 3:3 Iomraidhean Croise

2 Samuweli 22:27

U ngu dzi yeyedza nu agide ga oyu a agidego aholu, ga uye nya guvivbe u ngu mu ninga tshatshazelo gukhedza khu wuvivbi waye.

Matewu 5:48

Khu kharato, lulamani mulisineni kha nga Babe wanu wa Ndzadzini a lulamidego.

Luka 6:36

Girelani wuhindzi vakwanu kha nga Babe wanu a gu ni wuhindzi.

Johane 17:19

Eni nyi ngu dzi ningela iyo gwago khu kotani yawe, gasi avo navo va girwe vathu va agisidwego lisineni.

Mithumo 15:9

Kha vega guhambana ga ethu ni avo, aholu a di agisa myonyo yawe khu gukhodwa.

Varoma 15:12

A nuye muprofeti Isaya a ngu ganela, khuye: “Gi nata gitugulwana gya Jese, gi na ema gi fuma mayigo, va nya mayigo va na tumba igyo.”

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Vakolosi 1:5

Gikhati nya guhegule mu hakhidego Mahungu Yadi nya lisine, mu pwide na gu ganedwa khu gutumba hi ningwago khayo. Khu kharato, gutumba ni lihaladzo lanu sa gu seketedwa khu gutumba mu vegedwego Ndzadzini.

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.

Tito 3:7

Giride kharato, gasi khu wuhigo waye hi fela gu hakhwa khu Nungungulu, hi mane guvbanya nya gupindruge hi gu lindredego.

Vahebheru 12:14

Vbanyani khu gurula ni vathu vatshavbo, mu dzi garadza khu gu vbanyela Pfhumuni, kholu nyamba gira kharalo, mwalo muthu a na gu wonago Pfhumu.

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.

1 Pedro 1:15

Aholu, vbelelani guaga ga satshavbo esi mu girago, kha nga Uye a mi ranidego a agidego.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

2 Pedro 1:4

Khu guralo, uye a hi ningide siningwa nya sikhongolo nya lisima a nga hi tumbisago, gasi hifela gu vbulugiswa ga mapimo nya gupfhungumule ma fumago tigoni, hi kodza gu hengela tumbunugoni gwaye nya wunungungulu.

2 Pedro 3:14

Sigodwa sangu, nga olu mu lindrelago litshigu lolo, girani tshivba mu khale ga Nungungulu, nyambana gisolo, ambari gighoho mbeli gwaye.

1 Johane 2:6

Oyu a gukhuye a ngu khala naye, gu vbwetega a vbanya nga edzi a nga vbanyago khidzo Jesu Kristo.

1 Johane 4:17

Lihaladzo la gu tadzisega ga ethu, gasi hifela gu tiya Litshigu nya Gulamudwe, kholu, guvbanya gwathu mafuni momu, gu khade kha nga ogu ga Kristo.