1 Johane 3:2 - Bhibhiliya Nya Guage

² Sigodwa sangu, ethu olu hi sanana sa Nungungulu, aholu, hi si gu dziti gukhethu hi na bani hiri ginani. Ethu ha guti esi nya gukhethu, gikhati Kristo a na dzi wonegisago, hi na fanana naye, kholu hi na mu wona wurumba waye, nga edzi a guromo khidzo.

1 Johane 3:2 Iomraidhean Croise

Joba 19:26

Ambari tshonge nya mili wangu na yi ghohekide, nyi na mu wona Nungungulu khu givili gyangu.

Dzindzimo 16:11

U na nyi yeyedza ndzila nya guvbanye, nyi na tala khu gutsaka mbeli gwago, nyi napwa gutshamba nyamudye gwago kala gupindruga.

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Dzindzimo 31:19

Pfhumu Nungungulu, wuhindzi wago wukhongolo ngudzu, wa gu wu vegela vale va gu ni githawo ga uwe, u wu ningela ga vale va thavelago avbo gwago, uwo u wu thumisago mbeli nya vathu.

Isaya 56:5

nyi na va ninga wulanga ni lina nyumbani ni mabhiyoni gwangu, eli li vbindrago gu mana sanana nya sikhwathana ni sagadzyana. Nyi na ninga moyo ni moyo nya avo lina nya gukala gupindruga, li na gumba fuva.

Malakiya 3:2

Khu mani a na li tiyelago litshigu nya gute gwaye? Khu mani a na gu ema mbeli gwaye a tiya, a gu dzi wonegisa? Kholu uye a nata nga nilo nya tengele wa mupfhuli, ni sabawu ya muhandzi.

Matewu 5:8

Va kategide va nya myonyo nya yadi, kholu va na wona Nungungulu.

Luka 17:30

Gu na girega kharato litshigu Mwamana wa Muthu a na dzi wonegisago.

Luka 20:36

Kha va na ngafa gambe. Va gu fanana ni dzingilozi dza Nungungulu. Va vbindrugedzide va gu khala sanana sa Nungungulu. Kholu va na wuswa khu gufani.

Johane 1:12

Gasi vale vatshavbo va nga li hakhago, va khodwago ga ilo, li di va ninga fanelo nya gukhale sanana sa Nungungulu;

Johane 11:52

Nasiri gufela litigo nya Vajudha basi, aholu gufela gambe gutshanganisa sanana sa Nungungulu si phalalegidego.

Johane 17:24

“Baba, nya guvbweta gukheni vale u nyi ningidego va manege navo avbo nyi na gu manegago eni, gasi vafela gu wona gidhumo gyangu, gidhumo gile u nyi ningidego, kholu uwe u nyi gode na li si gu vangwi litigo.

Varoma 8:16

Ilo Liphuvbo la limwedo la gu tshangana ni hefemulo wathu gasi li fakaza gukhilo hi sanana sa Nungungulu.

Varoma 8:18

Nyi ngu tumba gukheni sitshaniso sa mafuni momu khandri gilo ha gu si pimanisa ni wudhumo wa Nungungulu a hi vegisedego.

Varoma 8:19

Sivangwa satshavbo somo si khevisela, wutshigu ni mihani, na si gu lindrela gu wona litshigu Nungungulu a na gu dzi wonegisago ga sanana saye.

Varoma 8:29

Kholu, vale Nungungulu a nga bani a va hathide khu gale, a va vegisede gu va tshanganisa gumogo ni Mwanaye, gasi Mwanaye a khale matiwula vbakari nya vandruye nya gutale,

1 Vakorinto 13:12

Olu ha gu wona kha nga vbalibonatunu nya gupfhurele; gi na vboha gikhati hi na wonago satshavbo khovbe ni khovbe. Olu guti gwangu gu ngu kenelela, aholu, khu gikhati gyakone nyi nati satshavbo kha nga edzi nyi tidwago khidzo.

1 Vakorinto 15:49

Nga olu mafuni momu hi godzago muthu nya mafu, kharato gambe, hi na godzana ni muthu wa Ndzadzini.

1 Vakorinto 2:9

Aholu, kha nga yi ganelago Milowo nya Guage, khiyo: “Pfhumu dongisede ga vale va mu golago silo nya gu gima mwalo a si wonidego, mwendro gu sipwa, gambe mwalo a nga si pimisa.” Khiso esi Nungungulu a si dongisedego ga avo va mu golago.

2 Vakorinto 3:18

Ethu hatshavbo na hi funungude khovbe, hi khedza libona nya wudhumo wa Pfhumu hi ngu vbindrugedza khu wuzundzo ni wudhumo, hi fanana Naye, hi khedziga gikhati gyatshavbo khu tshivba nya Liphuvbo la Pfhumu.

2 Vakorinto 4:17

Kholu gusaniseka gwathu nya guvbevbuge nya gikhatinyana gwa gu hi dongisela guya bela wudhumoni nya wukhongolo nyamba vbela, wudhumo wu vbindrago gusaniseka gwatshavbo.

Vagalatiya 3:26

Khu gukhodwa enu mwatshavbo mu khade sanana sa Nungungulu, khu Kristo Jesu.

Vagalatiya 4:6

Khu gufela gu yeyedza gukhuye enu nenu mu sanana Saye, Nungungulu rumede Liphuvbo la Mwamana waye myonyoni gwathu, khilo li ranago ndrani gwathu, khilo: “Abba: Gutshamuselago gupwani Baba!”

Vafilipi 3:21

Uye a na vbindrugedza givili gyathu nya gusolege a gi gira gi fanana ni givili gyaye nya gungangamele, khu tshivba a fumago khiyo siloni satshavbo.

Vakolosi 3:4

Guvbanya gwanu nya lisine khu Kristo, gikhati uye a na dzi wonegisago, enu nenu mu na wonega gumogo naye mu na tade khu wudhumo.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

2 Pedro 1:4

Khu guralo, uye a hi ningide siningwa nya sikhongolo nya lisima a nga hi tumbisago, gasi hifela gu vbulugiswa ga mapimo nya gupfhungumule ma fumago tigoni, hi kodza gu hengela tumbunugoni gwaye nya wunungungulu.

1 Johane 2:28

Khidzo, vanavangu! Pharisani guhengela naye, gasi hi tiye longo gikhati a na dzi wonegisago. Kharato, kha hi na nga khala dzitshoni, hi sihala, litshigu a na wuyago.

1 Johane 2:7

Sigodwa sangu, nayo yoyu nyi mi lovelago, khandri wuphya. Nayo wa gale, owu mu wu hakhidego guhegulani. Nayo wa gale khu mahungu mu ma pwidego gukhugela guhegulani.

1 Johane 3:1

Wonani wukhongolo nya lihaladzo la Babe ga ethu, gu kala hi gu ranwa pwani hi sanana sa Nungungulu. Lisine kamwe, hi sanana sa Nungungulu. Litigo kha li hiti, kholu kha la muti Nungungulu.

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.

1 Johane 3:21

Khu guralo, sigodwa sangu, myonyo yathu ya gumba hi kona, hi tiyide mbeli ga Nungungulu.

1 Johane 5:1

Muthu watshavbo a khodwago gukhuye Jesu khuye Kristo, gyanana gya Nungungulu. Muthu watshavbo a haladzago babe a nga velega gyanana, a ngu haladza gambe ni gyanana gya Babe yoyo.

Gutuledwa 2:28

Kha nga Eni neni nyi hakhidego wufumu ga Babe wangu, a nuye nyi na mu ninga thandra nya gugye.

Gutuledwa 22:4

Va na wona khovbe Yaye ni lina laye li na lowa siwomboni gwawe.