1 Johane 2:9 - Bhibhiliya Nya Guage

⁹ Oyu a gukhuye a ngu vbanya guwonegelani, aholu a nyenya ndriyaye, a ngari mugidemani.

1 Johane 2:9 Iomraidhean Croise

2 Samuweli 13:22

Aholu Abhisalamo kha nga ganela ni Amoni, nya sadi, ambari nya guvivbe; kholu Abhisalamo a di gu vengana ni Amoni, kholu a nga pfinya ndriyaye Tamari.

Dzindzimo 82:5

Sipumbu kha siti gilo, sa gu vbanya gidemani; giseketelo nya nayo ni gululama tigoni, gi ngu tsekatsekiswa.

Levhi 19:17

U nga vengeli muthu kwanu monyoni gwago. Aholu u nga digi gu kawuka muthu wa na gyanu, gasi u si ghohi khu kotani yaye.

Johane 9:41

Jesu a di khuye: “Nari pwani mu sikhumu, mu diri mwalo nandru. Kha nga olu mu gukhenu mu ngu wona, nandru wanu wu na simamisa.”

Mithumo 1:15

Khu matshigu yale, Pedro a di khuga a ema vbakari nya vandruye (tengo nya vathu vatshavbo va nga bani va tshanganide a diri gipimo nya lizana ni magumavili 120 vathu), a ganela, khuye:

2 Pedro 1:9

Aholu, uye a gu mwalo naso silo sesi, a ngu fanana ni gikhumu, mwendro ni muthu nya gurole mapimo, a divaledwago khu gukhuye sighoho saye sa gale si tsetseledwe.

1 Johane 1:6

Khu guralo, ha gukhethu hi ngu hengela gumogo ni Nungungulu, bwelo khavbo hi gu vbanya mugidemani, ha gu lipha, gambe kha hi vbanyi lisineni.

1 Johane 2:11

Oyu a vengago ndriyaye a gu vbanya gidemani, a gu gimbila gusivbalani, nyamba guti umo ayago umo, kholu gidema gi segide maho yaye.

1 Johane 2:4

Oyu a ganelago gukhuye: “Eni nyi ngu muti,” aholu a si landrisi milayo yaye, a gu lipha, lisine li mwalo gwaye.

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.

1 Johane 4:20

Muthu a gu ganela, khuye: Eni nyi ngu mu haladza Nungungulu, na gu nyenya ndriyaye, a gu lipha. Kholu, mwalo a dzi kodzago gu haladza Nungungulu a si mu wonigo, a gumba haladza ndriyaye a mu wonago.